<a href="https://kyzylorda-news.kz/">Kyzylorda-news.kz.</a> Бүгін аймақ басшысы Гүлшара Әбдіқалықова облыстық жолаушылар көлігі және автомобиль жолдары басқармасының басшысы Мұрат Тілеумбетовты қабылдап, ағымдағы жылы атқарылатын жұмыстарды талқылады. Басқарма басшысы кездесуде 2021 жылы республикалық және облыстық бюджеттен барлығы 14 658,2 млн. теңге бөлініп, осы қаражатқа өңірде 284 км автомобиль жолдары мен көпір өткелдері және көшелер жөндеуден өткізу жоспарланғандығын жеткізді.
<blockquote>
 «Республикалық бюджеттен 4 мемлекеттік бағдарлама арқылы 5 786,0 млн.теңге көлемінде инвестиция тартылып отыр. «Нұрлы жол» бағдарламасы аясында 216 км облыстық және аудандық маңызы бар автомобиль жолдарын жөндеу жоспарлануда. «Өңірлерді дамыту» бағдарламасы аясында Қызылорда қаласындағы С. Бейбарыс көшесінен Қызылжарма каналына дейінгі ұзындығы 4 км магистралды көшенің құрылысын аяқтауға 294,1 млн. теңге, сол жағалаудағы Сырдария өзенінің қорғаныс бөгетін бойлай салынатын С.Бейбарыс көпіріне дейінгі магистралды көше құрылысына 1 145,5 млн. теңге, Қызылорда қаласындағы саяжай ауданының солжағалау бөлігінде магистралды көше құрылысын бастау 356 млн. теңге бағытталды», – деді облыстық жолаушылар көлігі және автомобиль жолдары басқармасының басшысы Мұрат Тілеумбетов.
</blockquote>
<img src="https://kyzylorda-news.kz/wp-content/uploads/2021/02/153992489_3151421871627527_3501008053760628671_o.jpg" alt="" />
Ал, «Ауыл – ел бесігі» бағдарламасы бойынша республикалық бюджеттен 29 жобаға 852,4 млн. теңге қаражат бөлінген. Бұл қаржыға Қазалы ауданының Әйтеке би кенті, Қармақшы ауданының Төретам кенті, Сырдария ауданының Тереңөзек кенті мен Жалағаш ауданының Таң ауылының көшелері реттелмек.
Сонымен қатар, «Кіші қалаларды дамыту» бағдарламасы аясында республикалық бюджеттен 1 351,0 млн. теңге қаржыға Арал және Қазалы қалаларының көшелері қайта жаңғыртылады.
Мұнан бөлек, облыстық бюджеттен 145 млн. теңге бөлініп, облыстық маңызы бар жолдардың бойындағы 5 апаттық жағдайдағы көпірге және Қазалы ауданындағы Қарлан учаскесінде Сырдария өзені арқылы көпір салуға жобалау-сметалық құжаттамалары әзірленіп, мемлекеттік сараптамадан өткізілуде.
Өңір басшысы Гүлшара Әбдіқалықова басқарма басшысына жоспардағы жұмыстардың ауқымдылын айтып, көпірлер мен жол құрылыстарының сапалы әрі уақытында аяқталуын қатаң тапсырды.
<img src="https://kyzylorda-news.kz/wp-content/uploads/2021/02/153742955_3151421881627526_3115844433281687994_o.jpg" alt="" />

Қызылордада 284 км автомобиль жолдары мен көпір өткелдері және көшелер жөндеуден өтеді

<a href="https://kyzylorda-news.kz/">Kyzylorda-news.kz.</a> Қызылорда облысында 2024 жылға дейін медициналық-әлеуметтік көмек көрсететін 62 нысан қайта жаңғыртылады. Биылдың өзінде 14 амбулатория мен 9 медпунктің жобалық-сметалық құжаты әзірленеді. Бұл туралы облыс әкімінің орынбасары Серік Ахметтің төрағалымен өткен облыстық денсаулық сақтау басқармасының алқа мәжілісінде айтылды.
Қазір облыста аудандық орталық аурухана салу мәселесі толығымен шешілді.
<blockquote>
 «Өткен жылы еліміз үшін өте күрделі болды. Әлемдік пандемия қалыпты тіршілігімізге айтарлықтай әсер етіп, қызметтің барлық саласына түбегейлі өзгерістер енгізілді. Әлемді шарпыған бұл індет біздің аймағымыз үшін де үлкен сынақ болды. Дәрігерлер алдыңғы қатарда жүріп еңбек еттіңіздер. Халықтың денсаулығы басты орында. Сондықтан денсаулық сақтау нысандарын жаңалап, соңғы үлгідегі құрал-жабдықтар алынады», – деді облыс әкімінің орынбасары Серік Ахмет.
</blockquote>
Мемлекет басшысының тапсырмасына сәйкес өткен жылы індетпен тікелей күрескен 3 мыңнан аса медицина қызметкеріне 3 млрд. теңге көлемінде үстемақы төленді.
<blockquote>
 «Денсаулық сақтау саласында қабылданған бірнеше жол картасы бар. Ең бірінші мақсатымыз аймақтағы тұрғындардың өмір сүру жасын ұзарту. Өлім себебіне алып келетін бес бағыттағы сырқаттануды азайту. Ол үшін дәрігерлердің біліктілігі, материалдық мүмкіндік болуы қажет. Бұл мәселелерді шешуді жолға қойдық», – деді облыстық денсаулық сақтау басқармасының басшысы Сәбит Пазилов.
</blockquote>
Өткен жылы облысқа жаңадан 109 маман келді. Оның жартысынан көбі аудандық ауруханаларға жіберілген. Былтыр жыл басында өңірде 76 өкпені жасанды желдету апараты болса бүгінде оның саны 280-ге жетті.
<img src="https://kyzylorda-news.kz/wp-content/uploads/2021/02/153937151_1237075563354620_3240240206245971143_n.jpg" alt="" />

Қызылордада 62 медициналық нысан жаңартылады

<a href="https://kyzylorda-news.kz/">Kyzylorda-news.kz.</a> Қазақстанда өткен бір тәулікте коронавирус 795 адамда ПТР-талдау арқылы расталды, деп хабарлайды &nbsp;<a href="https://www.coronavirus2020.kz/kz">coronavirus2020.kz</a>.
Өңірлер бойынша:
Нұр-Сұлтан қаласында -24689(+85),
Алматы қаласында – 24663(+100),
Шығыс Қазақстан облысында – 21833(+68),
Атырау облысында – 17054(+49),
Павлодар облысында – 17298(+80),
Қарағанды облысында – 15254(+62),
Ақмола облысында – 13366(+61),
Батыс Қазақстан облысында – 12769(+82),
Солтүстік Қазақстан облысында – 12207(+30),
Қостанай облысында – 12120+(67),
Алматы облысында – 10591(+40),
Шымкент қаласында -6099(+15),
Жамбыл облысында – 5894(+11),
Түркістан облысында – 4264(+6),
Маңғыстау облысында – 4212(+5),
Ақтөбе облысында -4223(+23),
Қызылорда облысында -3821(+11).
Жалпы пандемия басталғалы ел бойынша ауырғандар саны&nbsp;– 210 357.

Өткен тәулікте 11 қызылордалықтан коронавирус анықталды

<a href="https://kyzylorda-news.kz/">Kyzylorda-news.kz.</a> Қызылорда қаласында электрондық газ есептегіш құрылғысы механикалық жүйеге өткізілуде. Бүгінгі таңда 14 мыңнан астам тұтынушы электрондық газ есептегішпен көгілдір отынды пайдаланып отыр.
<blockquote>
 «Электрондық газ есептегіш құрылғысын механикалық жүйеге өткізу үшін бізге 104 немесе колл орталық 87710121211 телефондар арқылы хабарласу керек. Сонымен қатар orda-ktga@mail.ru электрондық поштасына жазбаша өтінім жолдауларына болады. Ақысыз өткізіп береміз. Электрондық газ есептегішті ұзақ уақыт пайдаланылғандықтан батареясы тозып, есептегіш істен шығуда. Осы олқылықтың алдын алу мақсатында тұрғындардан механикалық жүйеге көшуге кеңес береміз», – деді “ҚазТрансГаз Аймақ” АҚ Қызылорда өндірістік филиалы өтім және газ режимі қызметінің басшысы Жолдас Әженов.
</blockquote>
Механикалық жүйенің тағы бір артықшылығы төлемді kaspi.kz, homebank.kz ұялы қосымшалар арқылы және Qiwi, Касса24 терминалдары арқылы төлей алады.

Қызылордада газ есептегіш құрылғысы механикалық жүйеге ауыстырылуда

<a href="https://kyzylorda-news.kz/">Kyzylorda-news.kz.</a> Облыс әкімі Гүлшара Әбдіқалықова Литва Республикасының Қазақстандағы елшісі Гинтаутас Васюлиспен кездесті. Аймақ басшысы алдымен елшіні 11 наурыз күнгі Литваның тәуелсіздігін қалпына келтіру күнімен құттықтап, халқына бейбітшілік тіледі. Мұнан соң екі ел арасындағы сенімді әріптестіктің облыстағы салмағын арттыру мәселесі талқыланды.
<blockquote>
 “Қазақстан мен Литва ашық және сенімді әріптестер болып табылады. Екіжақты серпінді байланыстар біздің ынтымақтастығымыз бен достық қарым-қатынасымыздың дамуына қосымша серпін беретініне сенімдімін. Ағымдағы жылы елдеріміз арасында дипломатиялық қатынастар орнағанына 29 жыл толады. Осы жылдар ішінде біз тарихи көпғасырлық байланыстарды сақтап қана қоймай, тең құқықтық және өзара тиімді әріптестік қағидаттарын жаңаша құруды үйрендік”, – деді облыс әкімі Г.Әбдіқалықова.
</blockquote>
Кездесуде елші Гинтаутас Васюлиспен Қазақстан мен Литва арасындағы байланыстың жыл өткен сайын артып келе жатқандығын айтып, осы сапарының сенімді әріптестікті одан әрі дамытуға бағытталғанын жеткізді.
<blockquote>
 “Қазақстан мен Литва бүгінде сенімді әріптестіктің арқасында сауда-саттықты арттырып, экономикалық ынтымақтастық қалыптастырды. Біз бұл байланысты одан әрі арттыруға мүдделіміз. Сол үшін екі ел арасындағы тауар айналымын арттырып, Қазақстаннан әлеуетті компанияларымызға серіктес тапқымыз келеді”, – деді Литва Республикасының Қазақстандағы елшісі Гинтаутас Васюлис.
</blockquote>
Аймақ басшысы ағымдағы жылы 26 млрд.теңгеге 105 инвестициялық жобаны іске асыру жоспарланғандығын айтып, бұл ретте Литва Республикасының кәсіпкерлі тарапынан ұсыныстарды қуана қабылдайтындығын жеткізді. Елші өз кезегінде Қазақстанның аграрлық, ІТ және тағы басқа салаларды жаңа технологиялармен қамтамасыз етіп, дамытуда бірлескен жобаларды жүзеге асыруға ниетті екенін білдірді.

Гүлшара Әбдіқалықова Литва Республикасының Қазақстандағы елшісі Гинтаутас Васюлиспен кездесті

<a href="https://kyzylorda-news.kz/">Kyzylorda-news.kz.</a>&nbsp;Жыл басынан бері 1406 Call-орталығына Қызылорда облысының медициналық мекемелерінің қызметіне қатысты барлығы 14 шағым келіп түскен, оның 4-уі -Қолдау -24/7 мобилдік қосымшасы арқылы келген. Бұл туралы «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов мәлімдеді.
<blockquote>
 «Шағымдарды медициналық мекемелерге талдайтын болсақ, Шиелі ауданы бойынша-1, Қармақшы ауданы-3, Сырдария ауданы-1, Арал ауданы-1, «Сенім» емханасына- 2, «Дария-мед» ЖШС-1, №1 емхана-3, «Медиум» ЖШС-1, Қызылорда қалалық темір жол емханасына-1&nbsp; шағым түскен. Шағымдардың басым көпшілігі медициналық қызмет сапасының төмендігіне, тегін берілетін дәрі-дәрмектердің, МӘМС жүйесі шеңберінде тегін түрде берілуге жататын консультативті-диагностикалық қызмет түрлерінің және стационарлық көмек алу мүмкіндігі болмауына, медициналық қызметкерлердің дөрекілігіне қатысты жазылған», – дейді Бақыт Исмаханбетов.
</blockquote>
Науқастар медициналық ұйымдарда&nbsp;қызмет алу кезінде қиындықтарға тап болғанда, көбінесе өз құқықтарын қорғау үшін қайда бару керектігін білмей жатады. &nbsp;
Қордың басты міндеттерінің бірі – науқас құқығын қорғау. Сондықтан Қор мамандары медициналық көмектің сапасын бақылайды және қызмет &nbsp;көрсетуден бас тартудың себептерін тексереді.
Науқас құқығын қалай қорғай алады?
1-әдіс.&nbsp;Науқастарды қолдау қызметі.
Уақытты жоғалтпай, медициналық қызмет көрсетуді бақылау және жағдайды сол жерде шешу үшін арнайы құрылған&nbsp;«Науқастарды қолдау қызметіне»&nbsp;хабарласу керек. Бұл қызмет барлық медициналық ұйымдарда жұмыс істейді және әр емханада бұл қызмет: медициналық көмектің ішкі бақылауын жүргізеді, медициналық қызмет көрсету кезіндегі бұзушылықтарды анықтайды, өтініштер мен шағымдарды қарау мәселелерімен айналысады.
2-әдіс.&nbsp;Облыстық денсаулық сақтау басқармасының 40 00 01 байланыс орталығына&nbsp;хабарласады.
Барлық медициналық ұйымдар денсаулық сақтау басқармасына бағынады, сондықтан науқастар тікелей басқарма байланыс орталығына хабарласу арқылы өз мәселесін шеше алады.
3-әдіс.&nbsp;«Qoldau 24/7» мобильді қосымшасы арқылы өтініш жолдай алады.&nbsp;
Азамат «Qoldau 24/7» қосымшасына байланысқаннан кейін әлеуметтік сақтандыру Қорының мамандары: медициналық ұйымға хабарласып, ақпаратты анықтайды және медициналық көмек көрсетуден бас тарту себептерін тексереді.
Өтінішке нөмір беріледі, сол арқылы шағымның мәртебесі бақылай алады.
4-әдіс:&nbsp;Telegram-дағы SaqtandyryBot.
Telegram-нан «SaqtandyryBot» тауып, оны іске қосу керек. Бас мәзірден «1406 нөміріне өтініш жіберу» пәрменін таңдайды және өтініш жолдайды.
5-әдіс.&nbsp;1406 бірыңғай байланыс орталығы арқылы өтініш қалдыра алады. 1406 бірыңғай байланыс орталығы тәулік бойы қоңырауларды қабылдайды және сұрақтарды өңдеу үшін арнайы құрылған үш деңгейлі модель бойынша өтініштерді қарастырады:
Бірінші деңгей – кеңес беру сипатындағы сұрақтар қабылданады;
Екінші және үшінші деңгей – жан-жақты зерттеуді қажет ететін өтініштерді қарастырады.
Қор мамандары медициналық ұйымға хабарласады, түскен ақпаратты анықтап, медициналық көмек көрсетуден бас тарту себептерін тексереді.
6-әдіс: fms.kz сайтындағы&nbsp;«Халықтық бақылау» бөлімі
Әлеуметтік медициналық сақтандыру Қорының сайтына&nbsp;кіріп, өтініш береді: fms.kz сайтына өтеді, «Халықтық бақылау» бөлімін ашады және тапсырманы таңдайды: шағым немесе ұсыныс қалдырады.
Шағым қалдыру үшін:
Аймақ, емхана, диагноз, тексеру күні, ЖСН көрсетіп, шағым себебін таңдау қажет.
Ұсыныс қалдыру үшін:
Бастапқы мәліметтерді толтырып, мәтінді тұжырымдау қажет.
Сонымен қатар, МӘМС жүйесі іске асырылуымен жеңілдік санатқа жатқызылған азаматтардың сақтандыру мәртебесін алуында қиындықтар кездесіп, МӘМС жүйесі шеңберінде медициналық қызметтерді алуға кедергілер туындады. Бұл азаматтардың басым көпшілігі жоғары және орта арнайы оқу орындарының күндізгі нысанда оқитын студенттер мен еш жерде жұмыс істемейтін жүкті әйелдер. &nbsp;
Бұл сұрақты оң шешу мақсатында, Қормен «Қолдау-24/7» мобилдік қосымшасына функция енгізіліп, қазіргі таңда Заңмен белгіленген жеңілдік санатқа жататын азаматтар МӘМС жүйесінде сақтандыру мәртебесіне 1 күнде ие болу мүмкіндігі пайда болды.&nbsp;&nbsp;&nbsp;&nbsp; &nbsp;
Заңның 26-бабының 1-тармағында көрсетілген 18 жасқа дейінгі балалар, жұмыссыз ретінде тіркелген адамдар, жұмыс істемейтін жүкті әйелдер, бала үш жасқа толғанға дейін оны тәрбиелеп отырған жұмыс істемейтін адам, жүктілікке және босануға, жаңа туған баланы асырап алуға байланысты, бала үш жасқа толғанға дейін оның күтіміне байланысты демалыста жүрген адамдар, мүгедек балаға күтім жасауды жүзеге асыратын жұмыс істемейтін адамдар, бала кезінен бірінші топтағы мүгедекке күтім жасауды жүзеге асыратын жұмыс істемейтін адам, зейнетақы төлемдерін алушылар, оның ішінде Ұлы Отан соғысының ардагерлері; жұмыс істемейтін оралмандар; “Алтын алқа”, “Күміс алқа” алқаларымен наградталған немесе бұрын “Батыр ана” атағын алған, сондай-ақ I және II дәрежелі “Ана даңқы” ордендерімен наградталған көпбалалы аналар; мүгедектер; орта, техникалық және кәсіптік, орта білімнен кейінгі, жоғары білім беру, сондай-ақ жоғары оқу орнынан кейінгі білім беру ұйымдарында күндізгі оқу нысанында білім алып жатқан адамдар; мемлекеттік атаулы әлеуметтік көмекті алушы жұмыс істемейтін азаматтар үшін ай сайынғы МӘМС үшін жарналарын мемлекет төлейді және олар МӘМС жүйесі шеңберінде медициналық қызметтерді алуға құқылы.
Жеңілдік санаты бар азаматтардың мәртебесі САҚТАНДЫРЫЛМАҒАН болып көрсетсе, олар Қолдау-24/7 мобилдік қосымшасы арқылы тиісті құжаттарын тіркеп, өтініш жолдау қажет. Егер, ол студент болса, өзінің ЖСН-н көрсетіп, оқу орнында оқитынын растайтын анықтаманы тіркеу қажет. Қор филиалының жауапты қызметкері бұл өтінішті қарап, тіркелген құжаттардың негізінде студентке сақтандыру мәртебесін уақытша 1 ай мерзімге береді. Әрі қарай, МӘМС жүйесінде тұрақты мәртебеге ие болу үшін, студент оқу орнына өзінің аты-жөнін тіркеу үшін хабарласу қажет.
Егер, студент шетелде оқитын болса, ол электрондық үкіметтің egov.kz сайтына өтіп, «Қызметтер» бөлімінен «Шетелде оқитын студенттерді тіркеу» тармағын таңдап, тіркелу қажет.&nbsp;&nbsp;
Еш жерде жұмыс істемейтін әйелдер емхана дәрігерінен жүктілікті дәлелдейтін анықтаманы Қолдау -24/7 мобилдік қосымшасына тіркеп, сақтандыру мәртебесін алу туралы өтініш жолдайды.&nbsp; Қор филиалының жауапты қызметкері бұл өтінішті қарап, тіркелген анықтаманың негізінде еш жерде жұмыс істемейтін жүкті әйелге сақтандыру мәртебесін уақытша 1 ай мерзімге береді. Әрі қарай, емхана қызметкерлері бұл азаматшаны «Жүкті әйелдердің тізіліміне» тіркеу қажет.
Сонымен қатар, филиал сарапшыларымен азаматтарды қабылдау барысында туындаған сұрақтарға жауаптар беріліп, кеңестер беріліп, өзекті мәселелер шешілуде.
Қазіргі таңда, Ресей Федерациясынан зейнеткерлікке шыққан Қазақстан Республикасынан азаматтарының және Ауған соғысының ардагерлерінің жеңілдік санатына енгізілмегені өзекті мәселелерінің бірі болып табылуда.&nbsp;
Бұл сұрақты шешу мақсатында, филиалмен Қор төрағасына ұсыныстар жолданды және оң шешілуіне үміт артамыз.

МӘМС: Шағымдардың басым көпшілігі медициналық қызмет сапасының төмендігіне жазылған

<a href="https://kyzylorda-news.kz/">Kyzylorda-news.kz.</a> Қызылорда облысы Төтенше жағдайлар департаментінің баспасөз қызметі желіде тараған алаяқтық туралы хабарлады.
<blockquote>
 «Қызылорда облысы Төтенше жағдайлар департаменті жүргізетін барлық іздеу-құтқару шараларына қаражат мемлекеттен қаралған. ​Сондықтан да төменде көрсетілген алаяқтардың жалған ақпараттарына сенбеулеріңізді, сонымен бірге тексерілмеген ақпараттарға алданбауларыңызды сұраймыз. ​ҚР Қылмыстық Кодексінің 190-бабына сәйкес алаяқтық жасағандығы үшін қылмыстық жауапкершілік көзделгенін ескертеміз», – делінген хабарламада.
</blockquote>

Қызылорда: Төтенше жағдайлар департаменті жалған ақпаратқа сенбеуге шақырды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында алғаш рет телевизиялық форматта өткен «Интеллектуалды ұлт» байқауында ауыл мектебінің оқушысы арнайы грантты жеңіп алды.
Интеллектуалдық сайыста облыстың дарынды, білімді жастарынан топ жарып, финалдық кезеңде үздіктердің үздігі болған Қазалы ауданындағы №102 мектептің 11-сынып оқушысы Аида Сүлейменқызы Қорқыт ата атындағы мемлекеттік университетінің ректор грантына ие болды. Аида Сүлейменқызы – Алтын белгіге үміткер зерделі оқушы.
Ал, Арал ауданындағы №220 мектептің 11-сынып оқушысы Әділхан Ахметов пен Қызылорда қаласындағы №101 мектептің 11-сынып оқушысы Ерболат Жанболат университетте білім алуға 50 пайыз жеңілдік сертификатын иеленді.
Айта кету керек, білім жарысында барлығы қала, облыс оқушыларынан 50 команда қатысып, финалдық кезеңге 4 команда 12 оқушы іріктелді. Сайыста оқушылар «Ойдың жылдамдығы», «Полиглот», «Тәуелсіз Қазақстанның даму кезеңдері» атты 3 кезеңде білімдерін дәлелдеді.
Сайысқа облыстық білім басқармасының басшысы Ақзира Қасымова, қала әкімінің орынбасары Асқарбек Есжанов, Қорқыт ата атындағы Қызылорда мемлекеттік университетінің проректоры Жандос Базартай, Қызылорда телеарнасы директорының орынбасары Айсұлу Қасымова, облыстық Жастар ресурстық орталығының директоры Азамат Мукеев қазылық етіп, балалардың білімін бағалады.

Қызылордада ауыл мектебінің оқушысы грант иеленді

<a href="https://kyzylorda-news.kz/">Kyzylorda-news.kz.</a> Мемлекет басшысының «Халық үніне құлақ асатын мемлекет» тұжырымдамасын іске асыру мақсатында Мемлекеттік қызмет істері агенттігінің облыстық департаменті Қызылорда облысы әкімдігімен бірлесе отырып, «Басшылар байланыста» жобасын бастады.
Жоба аясында мемлекеттік қызметтерді көрсетуші мекеме басшыларының тұрғындарға қызмет көрсету күндері ұйымдастырылып, жеке қабылдаулар өтеді.
«Басшылар байланыста» жобасының алғашқы «Қызмет көрсету күні» шарасы департамент басшысы, Әдеп жөніндегі кеңес төрағасы Рафхат Бисеновтің, облыстық денсаулық сақтау басқармасының басшысы Сәбит Пазиловтың және «Азаматтарға арналған үкімет» мемлекеттік корпорациясы облыстық филиалының директоры Айдын Қайруллаевтың қатысуымен өткізілді.
Халыққа қызмет көрсету орталығында өткен шара барысында тұрғындардың басым бөлігі денсаулық сақтау саласына қатысты мәселелермен жүгінді. Сонымен қатар, азаматтар мемлекеттік көрсетілетін қызметтердің сапасы мен мерзімдері туралы сұрақтарын қойып, ұсыныс-пікірлерін білдірді.
Департамент басшысы Рафхат Бисенов пен денсаулық сақтау басқармасының басшысы Сәбит Пазилов осындай қабылдауларды алдағы уақытта медициналық ұйымдарда өткізуге уағдаласты.
«Басшылар байланыста» жобасы шеңберінде жыл көлемінде аймақтағы мемлекеттік қызметтерді көрсетуші 20 мекеменің басшыларының қатысуымен «Қызмет көрсету күні» шарасы ұйымдастырылады.
<img src="https://kyzylorda-news.kz/wp-content/uploads/2021/02/foto-11.jpg" alt="" />

Қызылордада «Басшылар байланыста» жобасы басталды

<a href="https://kyzylorda-news.kz/">Kyzylorda-news.kz.</a> Өткен тәулікте Қызылорда облысында 9 адамнан коронавирус індеті анықталды. Тіркелген науқастардың 7-і Қызылорда қаласының, 1-уі Қазалы, 1-уі Сырдария ауданының тұрғындары.
Пандемия кезеңінен бері 3635 адам емделіп шыққан. 24 сағат ішінде зертханаға 1177 сынама тапсырылған. Оның 697-і тексерілген, 480-і бойынша жұмыс жасауда. 17765 қалдық тест қалып отыр. Бүгінгі күні өңірде инфекциялық стационарда 45 науқас, инфекциялық стационардың реанимация бөлімінде 4 науқас ем қабылдап жатыр.
Қазақстанда өткен бір тәулікте коронавирус ПТР-сынама арқылы 692 адамнан анықталды, деп хабарлайды &nbsp;<a href="https://www.coronavirus2020.kz/kz">coronavirus2020.kz</a>.
Өңірлер бойынша:
Нұр-Сұлтан қаласында -24536 (+60),
Алматы қаласында – 24470 (+111),
Шығыс Қазақстан облысында – 21692 (+82),
Атырау облысында – 16967 (+28),
Павлодар облысында – 17128 (+93),
Қарағанды облысында – 15133 (+35),
Ақмола облысында – 13242 (+65),
Батыс Қазақстан облысында – 12622 (+45),
Солтүстік Қазақстан облысында – 12138 (+40),
Қостанай облысында – 11985 (+67),
Алматы облысында – 10512 (+36),
Шымкент қаласында -6078 (+6),
Жамбыл облысында – 5865 (+10),
Түркістан облысында – 4252 (+5),
Маңғыстау облысында – 4202 (+0),
Ақтөбе облысында – 4191(+0),
Қызылорда облысында – 3796 (+9).
Жалпы, пандемия басталғалы Қазақстанда коронавирусқа шалдыққандар саны – 208 809.

Коронавирус: Өткен тәулікте 9 қызылордалықтан анықталды

Kyzylorda-news.kz. Жыл сайын қыс-көктем мезгілінде Сырдария өзенінде мұз қату және жүру кезеңдерінде елді мекендер, ауылшаруашылық жерлері мен шаруашылық нысандарына су басу қатері төнеді.
«2020-2021 жылдардағы қысқы-көктемгі кезеңде Сырдария өзеніндегі мол суды қауіпсіз өткізу бойынша дайындық жұмыстарын жүзеге асыру» іс-шара жоспары әзірленіп, бекітілді.
Іс-шара жоспарына сәйкес, су тасқынына қарсы іс-шараларды жүргізуге облыс бюджетінен 266,3 млн. теңге бөлінген. (Оның ішінде, 138,2 млн. теңге қорғаныс бөгеттерін жөндеу-қалпына келтіру жұмыстарына, 10,0 млн. теңге – мұз жару жұмыстарына, 4,8 млн. теңге қаптар сатып алуға және 113,3 млн. теңге – “Қазавиақұтқару”АҚ қызметтеріне).
Сонымен қатар, су тасқынына қарсы 68,6 тонна жанар жағар май, 154 590 дана қап және басқа да материалдық-техникалық құралдардың қоры қалыптастырылған. 
Биыл қыс мезгілінде өзен бетінде барлық аймақта қалындығы 10-55 см құрайтын мұз қатты. Қазіргі таңда ауа – райының жылуына байланысты, мұз Шиелі ауданы Қарғалы елді мекені тұсында жүруде.
Осыған орай, ағымдағы жылы 22 ақпанда облыс әкімі Г.Н.Әбдіқалықова мен облыстық жұмылдыру дайындығы басқармасының басшысы М. Усаин өзендегі су шаруашылығы жағдайына тікұшақ арқылы мониторинг жүргізді. 
Нәтижесінде, аймақ басшысы жауапты құзырлы мемлекеттік мекемелерге бірқатар тиісті тапсырмалар берді. Оның ішінде, қауіпті су басу аймақтарына қауіпсіздікті қамтамасыз ету мақсатында өзен бойына тәулік бойы кезекшілік ұйымдастыруды және қауіпті аймақтарға арнайы техникасы бар жауапты мекемелерді бекітуді тапсырды. 
Бүгінгі күні Сырдария өзеніндегі жағдай бірқалыпты, жүйелі бақылауға алынған.
<img src="https://kyzylorda-news.kz/wp-content/uploads/2021/02/fb_img_1614006987764.jpg" alt="" />

Гүлшара Әбдіқалықова Сырдария өзеніне әуеден мониторинг жүргізді

<a href="https://kyzylorda-news.kz/">Kyzylorda-news.kz.</a> Бүгін Қызылордада вакцинацияның екінші дозасын егу басталды. Ақпан айының басында өңірді «Спутник V» вакцинасының 1 мың дозасы әкелініп, осыншама адамға егілген болатын. Олардың 939-ы медицина қызметкерлері болса, 61-і басқа да ерікті түрде келген қала тұрғындары. Бүгін тағы 1 мың доза әкелінді. Араға үш апта салып, оларға екінші мәрте дозаны егу жұмыстары жүргізуде.
Сала мамандарының айтуынша, бұл жолғы екпе алдыңғы вакцинаның әсерін күшейтеді. Әрі ағзадағы қорғаныш қабілетін арттырады.
<blockquote>
 «Өзім ерікті түрде ақпанның бірінде алғашқылардың бірі болып екпені салдырдым. 21 күн уақыт өтсе де екпенің еш кері әсерін байқамадым. Сол себепті бүгін екпенің екінші кезеңінен өттім. Біз бүкіл елді дүрліктірген коронавирус инфекциясын тұрғындар сақтық шараларын толық жасағанда ғана жеңе аламыз. Ал екпенің бұл ретте пайдасы зор. Сондықтан қазір халық арасында вакцинацияның маңызы туралы түсіндіру жұмыстарын жүргізіп жатырмыз. Бұл жұмыстар алдағы уақытта да жалғаса бермек», – деді облыстық денсаулық сақтау басқармасының басшысы Сәбит Пазилов.
</blockquote>
Айта кетейік, «Спутник V» ресейлік вакцинасының екінші дозасы қалалық №1-ші, №3-ші және №6-шы емханаларда жүргізілетін болады.

Қазақстан және Қызылорда облысының жаңалықтары: Басты жаңалықтар old