<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова Қазақстан Республикасының төтенше жағдайлар вице-министрі Ибрагим Күлшімбаевпен кездестесті. Ибрагим Дәукесұлы кадрлық өзгерістерге байланысты Сыр еліне арнайы сапармен келген.
Қазақстан Республикасының Төтенше жағдайлар министрінің 2021 жылғы 26 наурыздағы бұйрығына сәйкес, Қызылорда облысының төтенше жағдайлар департаментінің бастығы лауазымына Руслан Қайрақбаев тағайындалған. Руслан Сламбекұлы 1981 жылы Қызылорда қаласында туған. Көкшетау техникалық институтын «Өрт қауіпсіздігі» мамандығы бойынша және Қызылорда экономика, экология және құқық академиялық университетін «Заңтану» мамандығы бойынша бітірген.
<img src="https://kyzylorda-news.kz/wp-content/uploads/2021/03/166747304_3241968032572910_5444970744453365873_n-1.jpg" alt="" />
Еңбек жолын 2002 жылы Қызылорда облысы мемлекеттік өртке қарсы қызмет басқармасында өрт бөлімінің аға инженері болып бастаған. 2005-2019 жылдар аралығында Қызылорда облысының төтенше жағдайлар департаментінде жедел кезекші, бас маман, бөлім, басқарма бастығы қызметтерін атқарған. 2019 жылдың қаңтарынан бүгінге дейін төтенше жағдайлар департаменті бастығының орынбасары лауазымын атқарды.
Сонымен қатар, Өнеркәсіптік қауіпсіздік комитетінің Қызылорда облысы бойынша департамент басшысы лауазымына Жанмұрат Балғабаев тағайындалды.
Жанмұрат Жеңісұлы 1973 жылы Батыс Қазақстан облысында дүниеге келген. Жәнгір хан атындағы Батыс Қазақстан аграрлық-техникалық университетін «Газ, мұнай құбырлары мен газ-мұнай жобалау, салу және пайдалану» мамандығы бойынша бітірген.
Еңбек жолын 1990 жылы Батыс Қазақстан облысының 
25 съезд совхозында жұмысшы болып бастап, 1997-2007 жылдар аралығында жеке секторда жұмыс жасаған. 2007-2014 жылдар аралығында Батыс Қазақстан облысының төтенше жағдайлар департаментінде басшылық қызметтер атқарған. 2014 жылдан осы кезге дейін Өнеркәсіптік қауіпсіздік комитетінің Батыс Қазақстан облысы бойынша департаментінің басшысы қызметін атқарды.
Кездесуде аймақ басшысы Гүлшара Әбдіқалықова Руслан Қайрақбаев пен Жанмұрат Балғабаевты жаңа қызметімен құттықтап, қос азаматтың өңірде төтенше жағдайлардың алдын алуда және өнеркәсіптік қауіпсіздікті қамтамасыз етуде белсенді жұмыс жасайтындарына сенім білдірді.
Өз кезегінде вице-министр Ибрагим Күлшімбаев Қазақстан Республикасының төтенше жағдайлар министрлігі мен Қызылорда облыс әкімдігі төтенше жағдайлардың алдын алу, жою бағытында алдағы уақытта да бірлесе қызмет атқаратындығын жеткізді.
<img src="https://kyzylorda-news.kz/wp-content/uploads/2021/03/167474632_3241967879239592_5439757290602008208_n.jpg" alt="" />
<img src="https://kyzylorda-news.kz/wp-content/uploads/2021/03/166994530_3241968122572901_3447477189963500686_n.jpg" alt="" />

Қызылорда облысы бойынша департамент басшысы тағайындалды

<a href="https://kyzylorda-news.kz/">Kyzylorda-news.kz.</a> Жыл басталғалы да 3 ай өтті. Сатып алу саласындағы өзгерістерге сай «4 пайыз» ұғымы пайда болды.
<blockquote>
 «Соңғы кезде кәсіпкерлерден түсетін сауалдардың басым бөлігі осы 4 пайызға қатысты болып отыр. Түсінбей жатқан азаматтар да бар», – деген Қызылорда облысы кәсіпкерлер палатасының сатып алу саласындағы сарапшысы Әйгерім Рахымжанова жаңа өзгеріспен таныстырып шықты.
</blockquote>
Мемлекеттік сатып алулардың қағидасында егер мемлекеттік сатып алуға, яғни лоттың бөлінген сомасы жылдық көлемі тауарларда 4000 АЕК (айлық есептік көрсеткіш), жұмыстарда 20&nbsp;000 АЕК, көрсетілетін қызметтерде 8 000 АЕК-тен асатын болса конкурс (аукцион) тәсілімен қатысатын әлеуетті өнім берушілерге қаржылық тұрақтылығы түріндегі біліктілік талабы қойылады.
<blockquote>
 «Кәсіпкердің, яғни әлеуетті өнім берушінің қаржылық жағдайын мемлекеттік кірістер органдарының кірістер, төленген салықтар, негізгі құралдар, еңбек ақы төлеу қоры секілді мәліметтері негізінде веб-портал автоматты түрде айқындайды», – дейді Әйгерім Рахымжанова.
</blockquote>
Бүгінгі материалда біз жоғарыда айтылған ақпараттардың ішіндегі ең негізгі атап өтілуі керек талап – &nbsp;биылғы жылы енгізілген өзгеріс, төленген салықтардың көрсеткіші&nbsp; 4 пайыздан кем болмауына қатысты айтпақпыз.
Төленген салықтардың көрсеткіші&nbsp; дегеніміз – мемлекеттік кірістер органдарының ақпараттық жүйелерінің деректері бойынша, өткен жылдың алдындағы 3 жылдың, яғни мысал үшін алатын болсақ өткен 2020 жылдың алдындағы үш жыл – 2017-2019 жылдар ішінде кәсіпкердің кірістерінің сомасына төленген салықтар сомасының проценттік қатынасы.
Аса мән беретін тұс та осы.Конкурста құжаттамалық талаптардан өткізілген әлеуетті өнім берушінің жеңімпаз болуына бірден бір әсер ететін өлшемшарттардың бірі – төленген салықтар көрсеткіші. Осылайша, қай әлеуетті өнім берушінің көрсеткіші жоғары болса, сол кәсіпкер жеңімпаз болуы әбден мүмкін.
Және бір айта кететін жайт, мемлекеттік сатып алу қағидасының талабына сәйкес, егер әлеуетті өнім берушінің төленген салық көрсеткіші 4%-дан жоғары болған жағдайда, веб-портал автоматты түрде әрбір 0,1 асатын пайыз үшін 0,1% мөлшерінде, бірақ 3%-дан аспайтын шартты жеңілдік береді.
Айта кету керек, былтырғы жылы төленген салықтардың көрсеткіші&nbsp; 3%-дан кем болмауы керек болатын.
<blockquote>
 «Сол себепті әлеуетті өнім берушілерден веб-порталдағы мемлекеттік кірістер органдарының ақпараттық жүйелерінің деректеріне мән берулерін сұраймыз. Егер де әлеуетті өнім берушілер қосымша салық есептілігін табыс еткен және салықтарды төлеген жағдайда олардың қаржылық орнықтылығы көрсеткіштері және төленген салықтары өзгереді», – деген Палата сарапшысы &nbsp;кәсіпкерлерді мемлекеттік кірістер органдарының мәліметтерін веб-порталда жаңарту Мемлекеттік кірістер органдары енгізген өзгерістердің дұрыстығын растағаннан кейін жүзеге асырылатындығына назар аударуға шақырды.
</blockquote>

Мемлекеттік сатып алуда мән берілуі керек 4 % дегеніміз не?

<a href="https://kyzylorda-news.kz/">Kyzylorda-news.kz.</a>&nbsp;Бүгінде Жалағаш, Сырдария, Шиелі аудандары жаңа полигондар мен сұрыптау кешендерінің жобасын әзірлеуде.
Ал Жаңақорған ауданы Ызғар елді мекенінде 20 гектар жер бөлініп, техникалық экономикалық негіздемесін әзірлеуге аудандық бюджеттен қаржы бөлген. Бұл туралы Өңірлік коммуникациялар қызметінің ақпарат алаңында өткен брифингте облыстық табиғи ресурстар мен табиғат пайдалануды реттеу басқармасы басшысының міндетін атқарушы Бауыржан Оспанов мәлімдеді.
<blockquote>
 «2030 жылға дейін қалдықтарды өңдеу үлесін – 40 пайызға, экологиялық және санитарлық талапқа сай келетін полигондар үлесін – 95 пайызға, халықты қоқыс шығару қызметімен қамтамасыз ету үлесін – 100 пайызға жеткізуіміз қажет. Бұған қоса, «Су-өмір нәрі», «Таза су айдындары» акцияларында облыстағы су айдындары, су арналары мен каналдар тұрмыстық қалдықтардан, қоқыстардан тазалау жұмыстары жүргізілді. «Таза аула-таза табиғат» және «Бірге-Таза Қазақстан» жалпы республикалық сенбіліктерінде өңір тұрғындары, еріктілер, экобелсенділер санитарлық тазалық, көркейту және абаттандыру жұмыстарын ұйымдастырды. Нәтижесінде полигондарға 125 тонна қалдықтар шығарылса, 88 шақырымға жуық арықтар мен аяқ су жолдары тазаланды», – деді Бауыржан Әліпбайұлы.
</blockquote>
Сонымен қатар, өткен жылы 21 мың тонна қатты тұрмыстық қалдық өңделді.

Қызылордада 21 мың тонна қатты тұрмыстық қалдық өңделді

<a href="https://kyzylorda-news.kz/">Kyzylorda-news.kz.</a> Биыл бірінші сынып оқушыларының құжаттарын қабылдау сәуір айының бірінен басталады.
Тамыз айының біріне дейін жалғасады. Өтінішті электронды түрде береді. Ал шалғай ауылдағылар үшін мектептерде құжатты қолма-қол тапсырады.
<blockquote>
 «Ата-аналар мектепті алдын-ала анықтауға мүмкіндігі болады. Тиісінше білім ұйымдары қажетті оқу құралдарын дайындайды», – деді облыстық білім басқармасының басшысы Ақзира Қасымова.
</blockquote>
Бірінші сыныпқа алты жастағы балалар қабылданады. 2021-2022 оқу жылында облыс бойынша 1-сыныпқа 19 мыңнан аса бала барады деп күтілуде.

Қызылорда: Биыл 1-сыныпқа 19 мыңнан аса бала барады

<a href="https://kyzylorda-news.kz/">Kyzylorda-news.kz.</a> Биыл Жаңақорғанда бірқатар инвестициялық жобалар жүзеге асады.
Мәселен мамыр айында кен байыту фабрикасының құрылыс жұмыстары басталады. Кеніштің жылдық қуаты 4,0 млн. тоннаны құрайды. Ал сәуір айында күн электр станциясы пайдалануға беріледі.
<blockquote>
 «Жасыратыны жоқ, өндірісі дамыған деген біздің ауданда кейінгі жылдары «КазАтомнеркәсіп» мекемелерінің өнім өндіру көлемі айтарлықтай төмендеді. Себебі, әлемдік деңгейдегі баға саясаты күрт құлдырады. Бірақ біз оларға қарамастан басқа күнделікті тұрмысқа қажетті өндіріс түрлерін жетілдіруді қолға алудамыз. Мәселен, тас, әк өндіру көлемін ұлғайтудың нәтижесінде біршама өсу факторы байқалды. Аудан экономикасында оң нәтиже қалыптасты. Көршілес Түркістан облысындағы қарқынды құрылыс жұмыстарына қажетті инертті құрылыс материалдарымен қоса, басқа да зәру заттардың артуынан өткен жылы әктас өндіру 10 есеге дейін артты», – деді Жаңақорған ауданының әкімі Руслан Рүстемов.
</blockquote>
Биыл ауданға 61 млрд. теңге көлемінде инвестиция тартылатын болады. Бүгінде керамзиттен кірпіш жасау және блок шығару жобасының құрылыс жұмыстары аяқталды. Өндіріс орны ашылғанда 20 адам жұмыспен қамтылатын болады.
Мұнан өзге, биыл құс фабрикасын іске қосу жоспарлануда. Зауыт жылына 3,5 мың тонна құс етін өндіретін болады.

Жаңақорғанда жаңа жобалар жүзеге асады

<a href="https://kyzylorda-news.kz/">Kyzylorda-news.kz.</a>&nbsp; Бүгін Нұр-Сұлтан уақыты бойынша шамамен 21:30-да президент Қасым-Жомарт Тоқаев “Халықаралық қарыз архитектурасы және өтімділік” атты жоғары деңгейдегі жиында бейнеүндеу жасайды.
Бұл туралы президенттің баспасөз хатшысы Берік Уәли&nbsp;<a href="https://www.facebook.com/permalink.php?story_fbid=3693217100801695&id=100003403233694">facebook</a>-тегі парақшасында жазды.
<blockquote>
 “Мемлекет және үкімет басшылары деңгейіндегі онлайн форумды өткізуге БҰҰ Бас хатшысы Антониу Гутерриш пен Канада премьер-министрі Джастин Трюдо және Ямайканың премьер-министрі Эндрю Холнесс мұрындық болды”, – делінген хабарламада.
</blockquote>
Ал жиынды БҰҰ-ның&nbsp;<a href="http://webtv.un.org/?fbclid=IwAR17RwqktR2wHFcDkjL_KrvmIpct1DeLri1Xd9yKRP5oUnQhEOD8gMyZ0xs">веб-сайты</a>&nbsp;арқылы тікелей эфирде тамашалауға болады.

Бүгін мемлекет басшысы бейнеүндеу жасайды

<a href="https://kyzylorda-news.kz/">Kyzylorda-news.kz.</a> Кәсіпкерлер палатасы күріш өңдеумен айналысатын қызылордалық кәсіпкерлерге салықтық жеңілдік беруді сұрайды.
<blockquote>
 &nbsp;«Өңірде су жетіспеушілігі себебінен жылдан жылға күріш алқаптарының көлемі азаюда. Соған сай қысқарған алқаптарға біздің облыста дәстүрлі емес дақылдарды егу науқаны басталып жатыр. Бұл жағдай күріш өндіру көлемінің, ақша айналымының азаюына, жұмысшылардың қысқаруына алып келуі мүмкін. Бұлай айтуыма да бірқатар себептер бар», – дейді Қызылорда облысы кәсіпкерлер палатасының бөлім бастығы Жасұлан Серіков.
</blockquote>
<img src="https://kyzylorda-news.kz/wp-content/uploads/2021/03/img_1324-scaled.jpg" alt="" />
Қызылорда облысы кәсіпкерлер палатасының бөлім бастығы Жасұлан Серіков.
Жасұлан Серіковтің айтуынша, кәсіпкерлер корпоративтік табыс салығын өткен жылы тапсырған көлеммен алдын ала төлейді екен. Ал күріш шаруашылығы өнімнің бітік шығуына тәуелді, сондықтан кәсіпкерлер жиналмаған өнімнің корпоративтік табыс салығын алдын ала төлей алмайды. Бұл жағдай бүгінде кәсіпкерлер үшін айтарлықтай проблемаға айналып отыр.
Екінші мәселе мынада. Өздерінің күріш егетін жерлері бар шаруашылықтар корпоративтік табыс салығын 10 пайыз, әрі қарайғы өзге де жеңілдіктерімен 3 пайыз төлейді екен де, ал өз жерлері жоқ, өңделмеген күрішті серіктестерінен сатып алып, өңдейтін кәсіпкерлердің бюджетке беретін корпоративтік табыс салығы 20 пайызды құрайды. Айырмашылықты өздеріңіз де бағамдай беріңіз. Өңдеу саласындағы кәсіпкерлер 6-7 есе артық төлеп отыр.
<blockquote>
 «Біз мына жайтқа мән беруіміз керек, барлық кәсіпкерлер агроөнеркәсіп секторының өркендеуіне ат салысып жүр және халықты маңызды өніммен қамтып отыр. Оның үстіне күріш халық тұтынатын әлеуметтік маңызы бар азық-түлік өнімдерінің қатарында. Осы орайда корпоративтік табыс салығында күрішті өндірушілер секілді өңдеушілерге жеңілдік жасалуы қажет. Қызылорда облысында күріш өнімін өңдеумен айналысатын ірі кәсіпорындар – «Най-Мир», «Ақорда Капитал», «Жан-Арай», «Абай-Дәулет», «Аза-Мир» ЖШС-тері қазір 20 пайыздық салық төлеп отыр. Салықтық жеңілдік жасалып, корпоративтік табыс салығы 20 пайыздан 10 пайызға төмендетілсе өңірдегі күріш шаруашылығының сәтті әртараптандыруына септігі тиер еді», – дейді Кәсіпкерлер палатасының бөлім бастығы.
</blockquote>
Осы жылдың қаңтар айында өткен Үкіметтің кеңейтілген отырысында ел Президенті Қасым-Жомарт Тоқаев Қызылорда облысына нақты қолдау көрсетілсін деп Үкіметке тапсырған болатын. Кәсіпкерлер палатасы жоғарыда айтылған ұсыныс қабылданса, нақты қолдаудың көрінісі болар еді деген пікірде.
Қазіргі уақытта Кәсіпкерлер палатасы аталмыш ұсынысты Орталық аппарат пен Министрлікке жолдауда. Нәтижесін қосымша хабарлайтын боламыз.

Кәсіпкерлер палатасы күріш өңдеумен айналысатын қызылордалық кәсіпкерлерге жеңілдік беруді сұрайды

<a href="https://kyzylorda-news.kz/">Kyzylorda-news.kz.</a> Тереңөзек кентінің тұрғыны Алтынбек Досжанов бірнеше рет транзиторлық ишемиялық ауруға ұшырады. Ол инсультқа ұқсас ауру, бірақ бірнеше минутқа созылады және ешқандай нәтиже қалдырмайды. Ескерту ретінде де, инсульттің алдын-алу үшін де мүмкіндік береді. Сондықтан учаскелік дәрігер Алтынбекті Сырдария аудандық ауруханасының күндізгі стационарына емделуге жібереді.
<blockquote>
 «Міне, 10 жылдан астам уақыт бойы «2 типті қант диабеті», «эпилепсия», «артериялық гипертензия» аурулары бойынша есепте тұрамын.&nbsp; Кәсіпкермін, ай сайын МӘМС-ке жарна төлеймін. Сақтандырылған азаматтарға қымбат тұратын медициналық қызметтер мен дәрі-дәрмектер қолжетімді болғанына қуаныштымын. Дәрігердің жолдамасымен МРТ-дан өттім, қажетті талдауларды тапсырдым», – дейді науқас.
</blockquote>
Күндізгі стационар дәрігері Қайрат Ермановтың айтуынша, уақытылы тексеріліп, емдеудің арқасында жүрек-қан тамырлары ауруларынан өлімі төмендеуі байқалады.
<blockquote>
 «Көбіне бізге «артериялық гипертензия» диагнозы бар пациенттер келіп түседі. Олар жылына екі рет емделеді. Барлық процедуралар, дәрі-дәрмектер тегін. Төсек орындары көбейтілді. Оның ішінде, 20-сы күндізгі стационарда. Жалпы, міндетті әлеуметтік медициналық сақтандыру жүйесі енгізілгелі оң өзгерістер байқалады», – деп атап өтті Қайрат Ерманов.
</blockquote>
Айта кетейік, МӘМС аясында жыл басынан бері Сырдария ауданы бойынша 80-нен астам тұрғын күндізгі стационарда ем қабылдаған.

Қайрат Ерманов: МӘМС жүйесі енгізілгелі оң өзгерістер байқалады

Kyzylorda-news. Қызылорда қаласындағы “Атамекен” балалар ауылынан кетiп қалған кәмелетке толмаған қыздарға қатысты іздестіру іс-шаралары барысында 27 наурыз күні кешкі уақытта олардың екеуінің Алматы қаласында жүргені анықталды.
Жоғалған қыздар біздің тұрғындардың қырағылығы, полицейлердің кәсіби шеберлігі және барлық әлеуметтік желілер мен БАҚ-қа бағдарларды жаппай тарату арқасында табылды.
Қазіргі уақытта қыздар Алматы қаласындағы балалар үйіне жеткізілді. 
Үшінші кәмелетке толмағанды анықтау бойынша іздестіру шаралары жалғасуда.

Қызылордада жоғалған екі қыз табылды, үшіншісін іздеу жалғасуда

Kyzylorda-news.kz. Бүгін Қызылорда облысының әкімі Гүлшара Әбдіқалықова «Әйтек» су торабына барды. «Қазсушар» РМК Қызылорда филиалының директоры Хамит Биімбетов су торабындағы жөндеу жұмыстары туралы баяндады.
Сырдария өзеніндегі «Әйтек» су торабы 2004 жылы «Сырдария өзенінің арнасын реттеу және Арал теңізінің солтүстік бөлігін сақтау» жобасы (САРАТС-1) аясында салынған Сырдария мен Жалағаш аудандарының аумағында орналасқан. Жалпы алаңы 16 мың га. Аталған су торабы Әйтек, Соркөл және Елтай арналары арқылы күріш егістіктерін сумен қамтамасыз етуге арналған. Су торабы «Қазсушар» РМК Қызылорда филиалының теңгерімінде.
2019 жылғы 23 қыркүйекте су торабының төменгі бьеф арнасының 6,23 м тереңдікке шайылу және ұзындығы 16,6 м шпунтты қабырғаның 52 см тереңдікке шөгуі орын алды.
Орын алған жағдай бойынша жедел шаралар қабылданып, нысандық төтенше жағдай жарияланды. 2019 жылы төтенше жағдайларды болдырмау және жою үшін облыстық бюджеттен 38 млн теңге және Қазақстан Республикасы Үкіметінің резервінен 50,0 млн теңге қаражат бөлінді.
2020 жылы жобаның жобалау-сметалық құжатын әзірлеуге республикалық бюджеттен 48,0 млн теңге және 2020 жылы «Жұмыспен қамтудың жол картасы» шеңберінде «Әйтек су торабын қайта жаңғырту» жобасына 700 млн теңге бөлініп, оның ішінде 308,1 млн теңгесі игерілді. Жобаның жалпы құны 826,3 млн теңге.
Қазіргі кезде бетон құю, армосеткалар және армокаркастар құрылыстарын орнату, насос қондырғыларымен суды сорып алу, шпунт сваяларын орнату жұмыстары жүргізілуде. Нысанда 69 инженер-техник қызметкер және басқа да жұмысшылар, 17 дана техника тартылып отыр. Жобаны іске асыруды аяқтау үшін 2021 жылы республикалық бюджеттен 472,9 млн теңге қаржу бөлу жоспарлануда.
Бүгінгі күні сәуір айында егін егу жұмыстарының басталуына байланысты және егістіктерге суармалы сумен дер кезінде қамтамасыз етуге су торабын қайта жаңғырту жұмыстарын уақытылы аяқтау мәселесі өте маңызды болып тұр. Осыған байланысты, облыс әкімі жұмыстарды уақытылы аяқтауды және бекітілген кестеге сәйкес сумен қамтамасыз ету жөнінде бірқатар тапсырма берді.
<img src="https://kyzylorda-news.kz/wp-content/uploads/2021/03/fb_img_1616840659393.jpg" alt="" />
<img src="https://kyzylorda-news.kz/wp-content/uploads/2021/03/fb_img_1616840662350.jpg" alt="" />

Гүлшара Әбдіқалықова «Әйтек» су торабын қайта жаңғырту жұмыстарымен танысты

Kyzylorda-news.kz. Қызылорда қалалық Полиция басқармасы 3 жасөспірімге іздеу салады.
25 наурыз күні түнгі сағат 02:00 шамасында 15-16 жастағы үш жасөспірім Нугманова Ділда Мұсабекқызы (1сурет), Несторова Любовь (2сурет) және Сабанкулова Рано (3 сурет) Қызылорда қаласындағы отбасы үлгісіндегі «Атамекен» балалар ауылынан шығып белгісіз бағытқа қарай кетіп қайта оралмаған.
Қазіргі таңда Қызылорда қалалық Полиция басқармасының жеке құрамы кәмелетке толмаған үш жасөспірімді іздеп табу мақсатында облыс орталығындағы көпқабатты үйлердің шатырларын, саяжайларды, тастанды үйлер мен құрылысы бітпеген ғимараттарды, ойын-сауық орталықтары мен жалдамалы пәтерлерді тексеруде. Олардың фотосуреттері көрсетіліп, сұрастыру жұмыстары жүргізілуде.
Бұл жұмыстар Полиция департаменті бастығының бақылауында. Үш жасөспірім қыздар жөнінде қандай да бір ақпарат анықталған жағдайда Қызылорда қалалық Полиция басқармасының кезекші бөліміне 29-75-20 телефонына немесе 102 арнасына шұғыл түрде хабарласуларыңызды сұраймыз.

Қызылорда: «Атамекен» балалар ауылының 3 қызы жоғалды

<a href="https://kyzylorda-news.kz/">Kyzylorda-news.kz</a>. Өткен жылы барлық аудандық емханаларда амбулаториялық оңалту және қалпына келтіру емдеу бөлімдері құрылды.
Мұнда коронавирустық инфекция, пневмония, инфаркт, инсульт, стенттеу, коронарлық артерияны айналып егу, түрлі жарақаттар алған науқастар, сондай-ақ даму ақаулары бар балалар ем қабылдай алады.
<blockquote>
 «Егер науқас ауруханаға жатуды қажет етпесе, алғашқы медициналық көмек көрсетіліп, ол оңалтудың үшінші кезеңіне жіберіледі. Сонымен қатар, амбулаториялық жағдайда оңалту емін алу үшін учаскелік дәрігердің жолдамасы қажет. Анализ тапсырудың қажеті жоқ. Ем алған науқас бір айдан кейін қайта тексерілуі мүмкін екенін атап өтемін. Біздің басты мақсатымыз – науқастардың денсаулығын жақсарту, қимыл-қозғалысты, сөйлеу қабілетін үйлестіру», – дейді Сырдария аудандық ауруханасының амбулаториялық оңалту және қалпына келтіру емдеу бөлімшенің меңгерушісі, кардиолог, реабилитолог Гүлзат Тыныштықбаева.
</blockquote>
Оның айтуынша, әр науқасқа жеке-жеке көңіл бөлінеді.&nbsp; Бөлімшеде невропатолог, кардиолог, травматолог, физиотерапевт, сонымен қатар логопед, массажист, психолог жұмыс істейді.
<blockquote>
 «Әсіресе мүмкіндігі шектеулі балалар мен олардың ата-аналары психологиялық көмекке мұқтаж. Бөлімшеде БЦП диагнозы бар балалар оңалтудан өтеді. Олардың саны Сырдария ауданында 43. МӘМС жүйесінде біздің кішкентай азаматтар оңалту қызметінің барлық түрлерін уақытылы алады. Созылмалы ауруы бар және динамикалық бақылауда тұрған балалар мен жасөспірімдер үшінші кезеңнің медициналық оңалтудан жылына екі-үш рет жүйелі түрде өтеді», – деп атап өтті Гүлзат Тыныштықбаева.
</blockquote>
Тегін медициналық көмектің кепілдік берілген көлемі шеңберінде медициналық оңалту және қалпына келтіру емі туберкулезбен ауыратын науқастарға, сондай-ақ барлық сақтандырылған азаматтарға қолжетімді.

Қазақстан және Қызылорда облысының жаңалықтары: Басты жаңалықтар old