<a href="https://kyzylorda-news.kz/">Kyzylorda-news.kz</a>. Биылғы жылы Сырдария ауданында ауыл шаруашылығы тауар өндірушілері 32200 гектарға ауыл шаруашылғы дақылдарын орналастырды.
Оның ішінде: негізгі дақыл күріш 20542 гектар, жаздық бидай 1100 гектар, арпа 84 гектар, мақсары 162 гектар, 34 гектар соя, 31 гектар қант құмайы, дәндік жүгері 75 гектар, жаңа жоңышқа 1938 гектар, картоп, көкөніс, бақша 835 гектар, 15 гектар жеміс-жидек, ескі жоңышқа 7384 гектарды құрады.
Аудан бойынша 2021 жылдың 1 маусымында 36201 бас мүйізді ірі қара, 33914 бас қой мен ешкі, 16236 бас жылқы, 1621 бас түйе, 1455 бас құс өсірілуде.
Сырдария ауданына жоспар бойынша 180 күнге 50200 бас шартты мүйізді ірі қараға 90400 тонна шөп, 18100 тонна жем қажет деп есептелген.
Аудан бойынша жем-шөп дайындау, шабындық жерлерді анықтау мәселелерін жедел шешу мақсатында аудандық штаб құрылды.
Бүгінгі күнге 5925 гектар жоңышқаның бірінші орымынан 7521 тонна мал азықтық жоңышқа шөбі жиналып өңірдегі жеке тұрғындар мен шаруашылық құрылымдарына сатылуда.
«Мади-Қажы» ЖШС-де жоңышқа шөбінің екінші орымы басталып 2 бригада 2 жатка, 2 шөп басатын техника және 5 жүк көлігмен жұмыс жасалуда.
Сонымен қатар аудан әкімдігі күріш, бидай, жоңышқа шөбін егумен айналысатын шаруашылық құрылымдарымен жем-шөп қорын жасақтау мақсатында меморандумдар жасалды.
Аудандағы шаруаларға қолдау көрсету мақсатында ерікті жастар тобы құрылып шөп дайындау жұмыстарын жүргізуге көмек көрсетуде.
Сондай-ақ, аудандық «Ақжарма и К», «Шаған-Жер», «Мади-Қажы», «Мағжан и К», «Бесарық» шаруашылықтары қуаңшылық орын алған Арал, Қазалы аудандарына көмек ретінде 2850 пресс жоңышқа мен 12 тн. жем жеткізіп берді. Сондай-ақ, осы шаруашылықтардаң Арал, Қазалы аудандарына жем-шөбін әзірлеуге «Жасыл ел» еңбек жасағының жастары көмектесті.

Сырдариялықтар Арал, Қазалы аудандарының шаруаларына жәрдемдесті

Kyzylorda-news.kz. Бүгін облыс әкімі Гүлшара Әбдіқалықова Германияның халықаралық ынтымақтастық жөніндегі қоғамының «Арал өңірінің экологияға бағытталған өңірлік дамуы» жобасының өңірлік басшысы Паул Шумахермен кездесті.
<blockquote>
 “Бүгінгі кездесу екі жақты жемісті ынтымақтастықты одан әрі кеңейтіп, жақсы дәстүрге айналады деп сенемін. 2021 жылы Қазақстан Республикасының экология, геология және табиғи ресурстар министрлігі мен GIZ (Джи ай зэт) арасында «Арал өңірінің экологияға бағытталған өңірлік дамуы» өңірлік жобасын іске асыру туралы келісімге қол қойылғаны белгілі. Экологиялық жағдайды жақсарту, сондай-ақ Арал теңізінің құрғаған табанының қазақстандық бөлігінде құмдардың қозғалуын болдырмау мақсатында донорлардың қаражаты есебінен фито-орман мелиорациялық жұмыстарын жүргізіп жатырмыз. Мемлекет басшысының тапсырмасы бойынша 2030 жылға дейін Арал теңізінің құрғаған түбіне 1,1 млн. га жерге сексеуіл отырғызу жоспарлануда”, – деді Гүлшара Әбдіқалықова.
</blockquote>
Жоба Қазақстан мен Өзбекстан елдеріне Арал өңірінің трансшекаралық, экологиялық, экономикалық дамуын қамтамасыз етуге мүмкіндік береді. Сондай-ақ, шағын және орта кәсіпкерліктің әлеуетін арттыруға, министрліктер мен мемлекеттік ведомстволар өкілдерінің ахуалдың өзгеруіне төзімді және экологиялық бағдарланған инвестициялық шешімдер қабылдауына ықпал етеді.
Паул Шумахер жұмысшы топтың Қызылорда аймағына келу мақсаты Өзбекстан мен Қазақстан арасындағы трансшекаралық ынтымақтастықты дамыту, жобалық серіктестермен танысу, ынтымақтастықты одан әрі талқылау екенін атап өтіп, әрі қарай да екі жақты әріптестікті дамытуға ниетті екенін айтты.
Халықаралық ынтымақтастық жөніндегі Германия қоғамы (GIZ) өз қызметін Қазақстанда 1990 жылдан бастап жүзеге асырып келеді және Германияның экономикалық ынтымақтастық және Даму Федералды министрлігінің (BMZ) тапсырмасы бойынша жұмыс істейді.
Кездесу соңында аймақ басшысы аталған жобаның шағын және орта кәсіпкерлікті дамытуға, ауыл шаруашылығы өнімдерін қалдықсыз өңдеуге, тауарлы балық өсіруді, экологиялық туризм мен жобаларды дамытуға жұмыс жасайтынына сенім білдіріп, қолдайтынын жеткізді.
<img src="https://kyzylorda-news.kz/wp-content/uploads/2021/07/fb_img_1625659787021.jpg" alt="" />
<img src="https://kyzylorda-news.kz/wp-content/uploads/2021/07/fb_img_1625659790627.jpg" alt="" />

Қызылорда облысының әкімі Паул Шумахермен кездесті

<a href="https://kyzylorda-news.kz/">Kyzylorda-news.kz.</a> Аймақта жыл басынан бері суға кету дерегі бойынша 30 оқиға тіркелді. Қаза болған 35 адамның 20-сы бала. 3 жастағы сәбиден бастап 15-16 жас аралығындағы жасөспірімдер тілсіз жаудың құрбандары болды. Бұл туралы бүгін Өңірлік коммункациялар қызметінің ақпарат алаңында өткен баспасөз конференциясында облыстық ТЖД бастығының орынбасары Саид Молдақараев мәлімдеді.
<blockquote>
 “Сырдария өзені жағалауы және қала, аудан аумағында орналасқан су айдындарында тұрғындарға, әсіресе жастар мен балалардың қауіпсіздігін қамтамасыз ету мақсатында жауапты сала мамандары тартылды. Күнделікті 13:00-20:00-ге дейін рейдтік және патрульдеу іс-шаралары ұйымдастырылуда. Балық аулайтын орындарда 563 рейд өткізіп, 5606 адамға судағы қауіпсіздік ережелері бойынша түсіндіріп, үнпарақтар таратылуда. Қазіргі таңда, 24 адамға ескерту шарасы көрілді. Ескертетін жайт, қоршау белгілерінен асуға, көпірлерден, дамбалардан, қайықтардан суға секіруге және сүңгуге, таныс емес орындарда шомылуға болмайды. Сондай-ақ ата-аналарға балалардың бақылаусыз су жағасына жібермеуін сұраймыз”, – деді Саид Шазындаұлы.
</blockquote>

Қызылордада жыл басынан бері 20 бала суға кетті

Kyzylorda-news.kz. Бүгін облыс әкімі Гүлшара Әбдіқалықова қуаңшылық кезеңінде малды шөппен қамтамасыз ету және егін жұмыстарын бақылау мақсатында Сырдария ауданы, Шіркейлі ауылдық округіне қарасты «Мади-Қажы» ЖШС шаруа қожалығына барды.
Шаруа қожалықтың негізгі қызметі күріш өсіру болып табылады. Бұл жерде 250 жуық азамат еңбек етуде. 2017 жылдан бастап өз қызметінде тағы бір бағыт – құрылыс материалдарын өндіруді қолға алған. Қазіргі уақытта құрылыс материалдарын өндіруде қосымша 20 адам жұмыспен қамтылған.
Аталған шаруашылық ағымдағы жылы 2840 гектар жерге дән сепкен. Оның 1900 гектары күрішке арналса, 200 гектар аумаққа жаздық бидай ораналасқан. Топырақ құнарын арттыру мақсатында шаруашылықтың 540 га жерін ескі жоңышқа, 200 га жаңа жоңышқа алып жатыр.
«Мади-Қажы» шаруа қожалығының басшысы Сейткамал Сұлтановтың айтуынша бүгінгі таңда Арал ауданындағы жағдайға байланысты 5000 прес жоңышқа көмек ретінде жеткізілген.
Облыс әкімі қуаңшылық кезеңінен шығу үшін бірлесіп жұмыс атқару қажет екенін атап өтіп, бірқатар тапсырма берді.
<blockquote>
 “Арал, Қазалы аудандарында су жағдайына байланысты мал азығының жетіспеушілігі орын алуда. Осы ретте, аймақтағы шаруа қожалықтар шөпті басқа облыстарға сатпас бұрын осы екі ауданға қол жетімді бағада ұсынуы керек. Бос жатқан егіс алқабының атыз жағалауындағы шөптерді жинауға еріктілерді жұмылдыру қажет. Бірлік көрсеткен жағдайда ғана бұл кезеңнен шығамыз”, – деді Гүлшара Әбдіқалықова.
</blockquote>
Айта кету керек, облыс әкімі аймақтарды аралау барысында, аудан әкімдеріне шөптен тапшылық көрген шаруаларға көмектесу үшін және егістікке су жеткізуде қосымша шаралар қабылдауды тапсырды. Осы негізде, облыс бойынша мал өсіріп отырған шаруаларды шөппен қамтамасыз етуге ерікті жастар атсалысуда. 
Бүгіннің өзінде Шиелі ауданының Ақмая ауылдық округінде аяқ сумен қамтамасыз ету үшін Р-3-1 және Р-3-2 каналына су айдайтын дизельді насос қондырғылары орнатылған. Сонымен қатар, «Ақмая» шаруа қожалығында қыс мезгіліне мал азығын дайындау жұмыстары қарқынды жүргізілуде. Қазірге дейін шаруашылықта 7480 дана шөп жиналған, 2500 дана шөп ауыл тұрғындарына таратылды және бұл жұмыстар жалғасатын болады. 
Ал, Жаңақорған ауданында тау беткейіндегі ауылдық округтердің шаруалары «Түгіскен» тұқым шаруа қожалығынан тегін шөп орып алуына мүмкіндік жасалған. Бастаманы алғаш болып, Қыраш, Қосүйеңкі ауылдық округінің жастары қолдап, шөп орымның басына жетті. Келген жастар үшін жататын орын, «дала асханасы» арқылы тамақтандырумен толық қамтамасыз етілген. 
Қармақшы ауданында бірінші кезекте жергілікті тұрғындарды шөппен қаматамасыз ету шаралары жүргізілуде. Сондай-ақ, Арал ауданының ерікті жастарынан құралған бригадаларға «Жаңажол» ЖШС-нің аумағынан шөп орғызу мәселесі қолға алынып, ауыл жастарын егін оруға тарту үшін тиіс шаралар қабылдануда. 
Бұл жұмыстар облыстың басқа аудандарында да ұйымдастырылуда. Айта кету керек, шаруаларға қолдау көрсету мақсатында шөп дайындау жұмыстарына «Жасыл ел» жастар еңбек жасақтары да атсалысатын болады.

Гүлшара Әбдіқалықова: Қуаңшылық кезеңінен шығу үшін бірлесіп жұмыс атқару қажет

*<a href="https://kyzylorda-news.kz/ru/obshestvo/21-chelovek-vyzdoroveli-ot-kvi-v-kyzylorde-115598/">Kyzylorda-news.kz</a>. Әлемге әйгілі режисер Оливер Стоун өзі продюесерлік еткен «Qazaq. Алтын адам тарихы» атты фильмінің таныстырылымында Қазақстан туралы пікірімен бөлісті, деп хабарлайды ҚазАқпарат.*
<blockquote>
 «Сіз қарапайым америкалықтарға Қазақстанды қандай ел деп сипаттар едіңіз», – деген сұрақ қойылған болатын америкалық маманға.
 «Сізге Қазақстанды түсіну қиын болуы мүмкін, бірақ бұл әлемнің болашағы үшін өте маңызды ел. Қазақстанда талантты адамдар көп. Бұл өте прогрессивті ел. Өткен ғасырдың 90-шы жылдарынан бастап бүгінгі күнге дейін Қытай сияқты Қазақстанда да үлкен өзгерістер болып жатқанын көріп отырмыз. Бұл – үлкен үлгі және алып ел», – деді белгілі кино маманы.
</blockquote>
Оның айтуынша, америкалық сарапшылар Қазақстанның әлеуетін жақсы біліп отыр.
<blockquote>
 «Америкалық сарапшылар Қазақстанды одақтас ретінде көргісі келеді. Бірақ бұл бір жағынан Ресей мен Қытайға қарсы әрекет болып көрінуі де мүмкін. Сондықтан Қазақстан осы үдерістердің бәрінде маңызды рөл атқарады. Қазақстан барлық серіктестерімен достық қарым-қатынаста. Мен үнемі айтамын, біз бір-бірімізбен күресудің орнына климаттың өзгеруін жеңу үшін бірге жұмыс істеуіміз керек, текетірес жақсы нәрсеге әкелмейді. Жалпы, дипломатия құрылымын өзгерту керек», -деді Оливер Стоун.
</blockquote>

Оливер Стоун: Қазақстан – өте прогресивті ел

Kyzylorda-news.kz. «Оскар» сыйлығының 3 мәрте иегері, «Атын глобус» сыйлығының 5 мәрте иегері, атақты кинорежисер, продюсер, сценарист Оливер Стоунның продюсерлігімен жарық көрген «Qazaq. Алтын адам тарихы» атты фильмді түсіруге 19 ай кеткен, деп хабарлайды ҚазАқпарат.
Бұл туралы орталық коммуникациялар қызметінде фильмнің режисері, украниналық маман Игорь Лопатенок мәлім етті. Таныстырылым барысында Оливер Стоун мырза бұл фильмнің продюсері екенін, ал режиссері – украиналық маман Игорь Лопатенок екенін түсіндірді.
<blockquote>
 «Мен Президентпен сұхбат жүргіздім және фильмге продюсер ретінде атсалыстым»- деді америкалық режисер. Укариналық режисердің айтуынша, фильмді түсіруге 19 ай кеткен.
 «Фильм жұмыстары 19 айға созылды, біз бірнеше сұхбат сессияларын өткіздік. Осыдан кейін бүкіл ел көлемінде экспедиция жасауды жоспарладық. Өкінішке қарай, экспедиция пандемияға байланысты үзіліп қалды. Бірақ бұл жайт бізді тоқтата алмады. Инфекциялардан қорқу керек, бірақ сіз өз ісімізді де жасауымыз керек. Менің ойымша, біз бұл фильмді мүмкіндігімізден тыс жасадық. Мен өз өмірімдегі ең жақсы жұмыстардың бірін істедім деп санаймын», – деді фильм режисері. Игорь Лопатенок Оливер Стоунды өзінің ұстазы деп есептейтінін айтты.
 «Мен Оливерді ұстазым деп атаймын, бірақ ол бұдан бас тартып жүр. Ол осы фильмнің премьерасын өткізу үшін көп жұмыс істеді. Қажет кезінде дұрыс сұрақ қоя білу керек еді» – деп түйіндеді Игорь Лопатенок.
</blockquote>

Белгілі америкалық режиссер Оливер Стоун Елбасы туралы фильм түсіруге атсалысты

Kyzylorda-news.kz. Бүгін барша қазақстандықтар елордамыз – Нұр-Сұлтан қаласының мерекесін атап өтеді.
1994 жылы Қазақстан Республикасы Жоғарғы Кеңесінде Қазақстан Республикасының Президенті Нұрсұлтан Назарбаев Қазақстанның астанасын Алматыдан Ақмолаға көшіру туралы ұсыныс жасады. 1997 жылы қазанның 20-сында астананы ауыстыру туралы Жарлыққа қол қойды. 1998 жылы 6 мамырда Ақмола қаласының атауы Астана болып өзгерді.
1998 жылы маусымның 10-ында жаңа елорданың халықаралық тұсаукесер рәсімі өтті.
2019 жылы 20 наурызда Қазақстан Республикасының Президенті Қасым-Жомарт Тоқаев Парламент палаталарының бірлескен отырысында сөз сөйлеп, Елбасының атын мәңгі сақтау үшін Астана қаласының атауын Нұр-Сұлтан деп өзгерту жөнінде ұсыныс жасады.
«Біз, қазіргі және келешек ұрпақ өкілдері, Елбасының саяси мұрасын жадымыздан шығармай, қадір тұтып, Нұрсұлтан Әбішұлы Назарбаевтың тарихи еңбегіне лайықты құрмет көрсетуіміз қажет. Елбасының халқымызға және әлем қауымдастығына сіңірген ерен еңбегі мен ұлы есімін мәңгі есте сақтауымыз керек. Бұл халқымызды, әсіресе, жастарды тарихқа құрметпен қарауға тәрбиелеп, Елбасының даңқты қызметін әділ бағалау үшін маңызды. Ұлы замандасымыздың, Қазақстан Республикасының Тұңғыш Президенті Нұрсұлтан Әбішұлы Назарбаевтың атын келесідей түрде есте қалдыру қажет деп санайын. Елордамыз оның атын иемденіп, Нұр-Сұлтан деп аталуы тиіс. Мұндай ұсыныс бұған дейін 2016 жылдың 23 қарашасында Қазақстан Республикасы Тәуелсіздігінің 25 жылдығына орай парламентарийлер қабылданған декларацияда айтылған еді», – деген болатын Мемлекет басшысы Қасым-Жомарт Тоқаев.
Сол күні ҚР Парламенті палаталарының бірлескен отырысында дептуттар Астананың атауын Нұр-Сұлтан қаласы өзгерту туралы Заң қабылдады. Ал 2019 жылғы 23 наурызда ҚР Президенті Қасым-Жомарт Тоқаев Қазақстан Республикасының астанасы – Астана қаласын Қазақстан Республикасының астанасы – Нұр-Сұлтан қаласы деп қайта атау туралы Жарлыққа қол қойды.
Жыл сайын елорда күні кең көлемде тойланып келді. Алайда, өкінішке қарай әлемді жайлаған коронавирус індетіне байланысты бұқаралық іс-шаралар шектеліп отыр.
ҚазАқпарат

Бүгін &#8211; астана күні

<a href="https://kyzylorda-news.kz/">Kyzylorda-news.kz</a>. Қазақстан Президенті Елорда күніне арналған мерекелік іс-шараны дәстүрлі түрде ашатын Мемлекеттік ту көтеру салтанатты рәсіміне қатысты, деп хабарлайды&nbsp;<a href="https://www.akorda.kz/kz/kasym-zhomart-tokaev-memlekettik-tu-koteru-rasimine-katysty-36853">Ақордаға</a>.
<blockquote>
 «Биыл қастерлі Тәуелсіздігімізге – 30 жыл. Сондықтан бұл рәсімнің тарихи мән-маңызы айрықша. Көк туымыз – Тәуелсіз Қазақстанның ең басты рәмізі. Халқымыз үшін азаттықтан асыл, байрақтан биік құндылық жоқ. Қазақтың тарихы «Туың жығылмасын!» деген бір ауыз тілекке сыйып тұр. Бабаларымыз қашанда туын биік ұстаған. Елдігі сынға түскен сәтте байрақ астына бірігіп, тұтастығын танытқан. Ерлік пен бірліктің дәстүрі ұрпақтан ұрпаққа жалғасып, Тәуелсіздік дәуіріне ұласты. Егемен елдің көк байрағы – мызғымас мемлекеттігіміздің белгісі», – деді Президент.
</blockquote>
Қасым-Жомарт Тоқаев жоғары әскери оқу орнының түлектерінің алдында сөйлеген сөзінде Мемлекеттік туымыз бен еліміздің бас қаласы ұлт бірлігінің жарқын символы екенін айтты.
<blockquote>
 «Елордамыз – қазіргі Қазақстанның бетке ұстар бас қаласы. Еліміздің орталық мегаполисі болашаққа жол ашатын ордаға, жалпы ұлт болып ұйысудың және шынай патриотизмнің үлгісіне айналды. Тұңғыш Президент – Елбасы мен миллиондаған отандасымыздың қажырлы еңбегінің арқасында бой көтерген қала – халқымыздың мақтанышы. Отанымыздың жүрегі дәл осы жерде соғып тұр. Аса маңызды шешімдердің бәрі осы жерде қабылданып, салмақты ой-пікірлер ортаға салынып, бірегей жобалар жүзеге асырылып жатыр», – деді Мемлекет басшысы.
</blockquote>
Қазақстан Президентінің пікірінше, елорда дарынды, жігерлі отандастарымыздың, сондай-ақ, өзге мемлекеттердің көптеген азаматтарының бас қосатын орталығына айналды. Қасым-Жомарт Тоқаев Ұлы дала кіндігінде қасиетті Туды биікте желбірете отырып, еркіндік пен егемендік мұратына бейілді екенімізді атап өтті.
<blockquote>
 «Елорда күні адамдарды қолдап, шабыттандыру, бірліктің күшін, өзара көмектің маңыздылығы мен әр азаматтың ортақ іске қосқан үлесінің құндылығын дәріптеу үшін аса маңызды. Елорда тұрғындары екпе салу науқаны мен шектеу шараларын сақтау кезінде алдыңғы қатарда болуы қажет. Жаппай вакциналау қалыпты тыныс-тіршілікке қайта оралудың, адамдардың денсаулығын сақтаудың жалғыз жолы екенін дұрыс түсінуіміз керек. «Біз біргеміз» ұраны аса қатерлі індетке қарсы күрестегі жеңісіміздің бойтұмары болатынына сенімдімін», – деді Қасым-Жомарт Тоқаев.
</blockquote>
Рәсім барысында жоғары әскери оқу орнының 12 үздік түлегі Қазақстан Президенті – Қазақстан Республикасының Жоғарғы Бас қолбасшысының қолынан офицер погонын алды.
<blockquote>
 «Оқуларыңыздың сәтті аяқталғаны құтты болсын, жас офицерлер! Офицерлік шен – бұл, ең бірінші, Отан алдындағы зор жауапкершілік. Болашақта командир атанып, жас сарбаздарға тәлім бересіздер. Сондықтан отаншыл, батыл және айбынды болып, үлгі көрсету аса маңызды. Мүлтіксіз қызмет ету – бәріңізге ортақ міндет. Антқа адал болу, Тәуелсіз елімізді қорғау – қастерлі парыз», – деді Мемлекет басшысы.
</blockquote>
Жиын соңында Қасым-Жомарт Тоқаев барлық қатысушыларды келе жатқан Елорда күнімен құттықтап, Отанымыздың өсіп-өркендей беруіне тілектестік білдірді.
<img src="https://akorda.kz/assets/media/kz4-2060.jpg" alt="" />
<img src="https://akorda.kz/assets/media/kz4-1475.jpg" alt="" />
<img src="https://akorda.kz/assets/media/kz4-1275.jpg" alt="" />
<img src="https://akorda.kz/assets/media/dsc-5193.jpg" alt="" />
<img src="https://akorda.kz/assets/media/kz4-1811.jpg" alt="" />
<img src="https://akorda.kz/assets/media/kz1-1639-2.jpg" alt="" />
<img src="https://akorda.kz/assets/media/kz1-1663-1.jpg" alt="" />
<img src="https://akorda.kz/assets/media/kz1-1688-2.jpg" alt="" />

Президент Мемлекеттік ту көтеру рәсіміне қатысты

<a href="https://kyzylorda-news.kz/">Kyzylorda-news.kz</a>. Ел Тәуелсіздігінің 30 жылдығы аясында және Астана күні мерекесі қарсаңында Қызылорда қаласындағы «Нұрсәт» теннис орталығының жанынан Жазғы теннис корты пайдалануға берілді. Нысанның ашылу рәсіміне облыс әкімі Гүлшара Әбдіқалықова қатысып, спортшылар қауымына игі лебізін білдірді және аймақтағы бұқаралық спортты дамыту бағытындағы атқарылып жатқан жұмыстарды атап өтті.
<blockquote>
 «Бүгінде Елбасы Нұрсұлтан Әбішұлы Назарбаевтың бастамасымен, ел Президенті Қасым-Жомарт Кемелұлы Тоқаевтың қолдауымен спорттың бұқаралық сипат алуына ерекше көңіл бөлініп, бұқаралық спортпен шұғылданушылар саны артуда. Қазіргі таңда облыста бұқаралық спортпен шұғылданатын тұрғындар үлесі 31,3 % құрады. Халықтың спорттық нысандарға қолжетімділігін арттыру мақсатында «Ауыл – ел бесігі» бағдарламасы аясында осы жылы облыс бойынша 5 спорт кешенінің, атап айтқанда Арал ауданы Қамыстыбас және Аманөткел ауылдары, Қазалы ауданы Пірімов ауылы, Қармақшы ауданы Жосалы және Жалағаш ауданы Жалағаш кенттерінде құрылысы жүргізілетін болады. Сонымен бірге, «Самұрық» корпоративтік қорының демеушілігімен Қызылорда қаласындағы Ж.Махамбетов ауылдық округінен көпбейінді спорт кешенінің құрылысы басталады», – деді аймақ басшысы.
</blockquote>
<img src="https://kyzylorda-news.kz/wp-content/uploads/2021/07/bek_7497-scaled.jpg" alt="" />
Спорт саласының Құрметті ардагері, спорт ардагері Юрий Ким теннисшілерді жаңа корт ашылуымен құттықтап, Елбасымен бір теннис кортында кездескенін еске алды. Сондай-ақ, теннистен республикалық турнирлердің жеңімпазы Урсула Рахмет облыс басшылығына аймақта спорт саласын дамыту бойынша жүргізіліп жатқан жұмысы үшін алғысын білдірді.
Жаңа теннис кортының ғимараты жазғы мезгілде ойнауға арналған. Ғимараттың ені 45 метр, ұзындығы 90 метр. Ғимаратта 4 теннис корты орналасқан және басқа да спорттық ойын түрлеріне алаң қарастырылған. Оның ішінде бір мезетте 16 адам немесе 40 бала жаттығу жұмыстарын жүргізеді. Нысанның құрылыс жұмыстары 2018 жылы басталып, 2021 жылдың маусым айында аяқталды. Қазіргі таңда «Нұрсәт» теннис орталығында 120 спортшы мен 3 жаттықтырушы жұмыс жасайды.
Жасалған жұмыстардың нәтижесінде спортшыларымыз жоғары жетістіктерге қол жеткізіп, ел абыройын асқақтатуда. Жыл басынан бері облыс спортшылары ел чемпионаттары мен кубоктарында 557 медаль еншілесе, Әлем және Азия чемпионаттарында 47 медальға қол жеткізді. Токиода өтетін XXXII жазғы Олимпиада ойындарына облыстан 3 спортшы жолдама алды. Олар: бокстан Әлем чемпионатының күміс жүлдегері Қамшыбек Қоңқабаев, еркін күрестен Әлем чемпионатының күміс жүлдегері Дәулет Ниязбеков және каратэ-додан үш дүркін Әлем чемпионы Мөлдір Жаңбырбай. Сонымен қатар, Қамшыбек Қоңқабаев Токио Олимпиадасында Қазақстан құрамасының туын ұстау құрметіне ие болды.
<img src="https://kyzylorda-news.kz/wp-content/uploads/2021/07/bek_7475-scaled.jpg" alt="" />
<img src="https://kyzylorda-news.kz/wp-content/uploads/2021/07/bek_7470-1-scaled.jpg" alt="" />
<img src="https://kyzylorda-news.kz/wp-content/uploads/2021/07/bek_7686-scaled.jpg" alt="" />

Астана күні қарсаңында Қызылордада жазғы теннис орталығы ашылды

<a href="https://kyzylorda-news.kz/">Kyzylorda-news.kz</a>. Облыстық жастар ресурстық орталығында 2 күнге созылатын бос жұмыс орындар жәрмеңкесі өткізілуде.
Шараның басты мақсаты – жастарды жұмыспен қамту. Жәрмеңкенің ерекшелігі – жергілікті өңірдің жұмыс берушісі ғана емес, Ақтау, Атырау қалаларынан консалтингтік компанияларынан өкілдер келіп, өз жұмыстарын ұсынуда. Бұл туралы бүгін Өңірлік коммуникациялар қызметінде өткен баспасөз конференциясында облыстық жастар ресурстық орталығының директоры Азамат Мукеев мәлімдеді.
Жастардың ең өзекті мәселесі – жұмыспен қамту. Бүгінде жұмыссыздық деңгейі 4,2 пайызды құрап отыр.
«Жастардың жұмыссыздық деңгейін төмендету және NEET санатындағы жастармен жұмыс жүйеленіп келеді. Орталық жанынан бос жұмыс орындарының ақпараттық базасын қалыптастыру мақсатында жұмысын бастаған әлеуметтік желілердегі «@Jastargajumys11» парақшасы арқылы 1000-ға жуық қызылордалық нақты ақпаратпен қамтамасыз етілді. «Жас еңбек құрылысшылар жасағы» аясында 90 жас тұрақты және маусымдық жұмыстарға орналасты», – дейді Азамат Ырысдәулетұлы.
Жастардың әлеуметтік санаттарын анықтау үшін адрестік жұмыстар да жүргізілуде. Осыған орай, жергілікті 63 624 жастың 15 491-імен бетпе-бет ақпарат алмасу процесі жүргізіліп, қала жастарына қатысты ақпараттық база жасақталды. Ал, аудандардағы жастардың әлеуметтік санаттарын анықтау мақсатындағы мониторингтік топтардың жұмысы шілде айының соңына дейін жалғасады.

«Жас еңбек құрылысшылар жасағы» аясында  90 жас жұмыспен қамтылды

<a href="https://kyzylorda-news.kz/">Kyzylorda-news.kz</a>. Бүгін аудандарға жұмыс сапары аясында облыс әкімі Гүлшара Әбдіқалықова Жалағаш ауданына аялдап, Жалағаш кентін газға қосу рәсіміне қатысып, ауыл тұрғындарының қуанышына ортақтасты. Ерекше күнде ауыл ақсақалы Оспан Жанұзақов игі істердің жалғасын тауып, ел несібесінің мол болуын тілеп, көпшілікке ақ батасын арнады.
Елді мекендерді газға қосу Nur Otan партиясының сайлауалды бағдарламасында көзделген. Жалағаш кентінің газдандыру жұмыстарына 3 млрд. 691 млн. теңге бөлініп, бас мердігер «StroyGazCompany» ЖШС құрылыс жұмыстарын толық аяқтады.
Мұнан соң облыс әкімі жаңадан салынған жабық бассейн кешенін ашты. Жаңа үлгідегі бассейн халық игілігіне қызмет етіп, салауатты өмір салтын ұстануға септігін тигізеді деп сенім білдірген Гүлшара Әбдіқалықова бұл нысан Астана күніне тарту болып отырғанын тілге тиек етті.
Жеке кәсіпкер Қайыржан Құлтекеновтың жеке қаражаты есебінен салынған басейннің жоба құны 350,3 млн. теңгені құрайды. Жүзу бассейнінде бір уақытта 20 адам қабылдауға мүкіндігі бар. Алдағы кезеңде оқушыларға арналған тегін жүзу үйірмесі ашылмақ. Үйірмеге 20-ға жуық оқушы қабылданып, көпбалалы, ата-анасының қамқорлығынсыз қалған отбасының балаларына жеңілдіктер қарастырылған. Сонымен бірге мүгедектігі бар азаматтар мен қарттарға күніне 1 сағат тегін кіруге жағдай жасалған.
Шара барысында ардагер Раушанбек Смағұлов аудан тұрғындары атынан алғысын жеткізіп, батасын берді. 
Іссапары кезінде облыс әкімі Рәміздер алаңының құрылыс жұмыстарын көріп, «Бизнеске арналған Үкімет» кәсіпкерлер Үйі жұмысымен танысты. Сонымен бірге алдағы ауыл әкімдерінің сайлау науқанына дайындық барысын саралады.
Аймақ басшысының жұмыс сапары Аққыр ауылдық округінде жалғасты. Мұнда ауыл тұрғындарымен кездесіп, дәрігерлік емхананың жұмысын көріп, екпе жұмыстарының қарқынын бағдарлады. Кездесуде ауылдың әлеуметтік-экономикалық жағдайы талқыланды, маңызды мәселелер көтерілді. Округ тұрғындары ауылдық клубтың қажеттілігін айтып, ұсынысын білдірді. Өз кезегінде облыс әкімі әлеуметтік нысандарды салу Nur Otan партиясының сайлауалды бағдарламасында айқындалғандықтан, сұранысқа сай жаңа ғимараттарды салу кезектілікпен жүргізілетінін атап өтті. Сондай-ақ, Жаңаталап және Мырзабай ахун ауылдық округтерінде де тұрғындармен кездесіп, мәселелерді саралады. Мырзабай ахун тұрғыны, еңбек ардагері Қасым Кәрімбаев Астана күні мерекесіне орай Сыр еліне арнап құттықтау лебізін жеткізді.
<blockquote>
 «Қазақта «біріккен білек жер қопарады» деген әдемі тәмсіл бар. Елдің бірлігінің арқасында биыл Тәуелсіздік алғанымызға 30 жылдығын қарсы алып отырмыз. Бұл жылдары еліміздің әлеуметтік-экономикалық жағдайы нығайып, бірқартар жетістіктерге жеттік. Елбасы Нұрсұлтан Әбішұлының туған күнімен түспа-тұс келген Астана күні баршамызға құтты болсын. Елімнің амандығын, Тәуелсіздігіміздің мәңгі болуын тілеймін», – деді ардагер.
</blockquote>
<img src="https://kyzylorda-news.kz/wp-content/uploads/2021/07/207176910_3496335527136158_338267116150071040_n.jpg" alt="" />
Мұнан өңір басшысы Мырзабай ахун ауылдық округіндегі алма бағына аялдады. Алма бағында биыл 12 гектарға 8 мың түп алма егілген. Жеке кәсіпкер Ерұлан Өмірсеріков жеміс алғашқы өнім 2023 жылы беріледі деген ниетте. Облыс әкімі алма бағының иесіне сәттілік тілеп, жеміс-жидек өнімін өндіру арқылы жергілікті нарықты толтырудың қажеттілігін атап өтті.
Жұмыс сапары соңында облыс әкімі Гүлшара Әбдіқалықова аудан әкімі Асылбек Шаменовке су тапшылығына байланысты егін алқаптарын суару жұмыстарын кестеге сәйкес жүргізу, вакцинация жұмыстарын кең көлемде ұйымдастыруды тапсырды.
<img src="https://kyzylorda-news.kz/wp-content/uploads/2021/07/207264591_3496330953803282_6677751180603608012_n.jpg" alt="" />
<img src="https://kyzylorda-news.kz/wp-content/uploads/2021/07/210197746_3496310007138710_8597974276359898896_n-1.jpg" alt="" />
<img src="https://kyzylorda-news.kz/wp-content/uploads/2021/07/207095688_3496331817136529_8561223229807991959_n.jpg" alt="" />
<img src="https://kyzylorda-news.kz/wp-content/uploads/2021/07/211872924_3496332830469761_5592735637175964920_n.jpg" alt="" />

Жалағашта жабық бассейн кешені ашылды

<a href="https://kyzylorda-news.kz/">Kyzylorda-news.kz</a>. Бүгін Жосалы кенті тұрғындары көгілдір отынның игілігін көруде. Облыс әкімі Гүлшара Әбдіқалықова Қармақшы ауданына жұмыс сапары аясында Жосалы кентін газға қосу салтанатты шарасына қатысты. Тұрғындарды қуанышымен құттықтаған аймақ басшысы кент орталығына қосылып жатқан алау отын әр отбасына жылу сыйлап, халықтың тынымсыз еңбектің мехнатынан арылатын күнге жеткенін атап өтті.
<blockquote>
 «Баршаңызды келе жатқан 6 шілде – Астана күнімен шын жүректен құттықтаймын! Мерейлі мереке қарсаңында бүгін екі аудан орталығы Жосалы және Жалағаш кенттеріне көгілдір отын берілгелі тұр. Осы тарихи сәтпен аудан тұрғындарын шын жүректен құттықтаймын! 
 Елбасы, ҚР Тұңғыш Президенті Нұрсұлтан Әбішұлы Назарбаевтың қолдауымен басталған ірі стратегиялық маңызы бар «Бейнеу-Шымкент» магистралды құбыры Сыр елін газдандыруға зор мүмкіндік берді. Облыс аумағынан өтетін 846 шақырымдық газ құбыры Қызылорда облысына жол ашты. 
 Облысымызда Арал, Қазалы, Сырдария, Шиелі, Жаңақорған аудандарының орталықтары мен Байқоңыр қаласы және 9 ауылдық елді мекендер көгілдір отынға қосылды. Жалпы жыл соңына дейін Қазалы қаласын, Шиелі ауданының Бекежанов және Қодаманов ауылдарын толықтай газбен қамтамасыз етіп, тұрғындарлың газ тұтыну үлесін 67,4 пайызға жеткізетін боламыз»,-деді облыс әкімі Гүлшара Әбдіқалықова.
</blockquote>
Айта кетейік, өткен жылы Арал ауданындағы Жақсықылыш, Қазалы ауданындағы Мұратбаев және Шиелі ауданындағы Байсын елді мекендері газге қосылды. Нәтижесінде 8 мыңға жуық тұрғын көгілдір отынның игілігін көруге мүмкіндік алды. Ал, биылғы жылдың ақпан айында 11 мың тұрғын бар Сырдария ауданы Тереңөзек кенті табиғи газ тұтынуға мүмкіндік алды. Алдағы кезеңде Төретам кенті мен Ақай ауылын газдандыру жоспарлануда. 
Салтанатты шарада Қармақшы ауданының ардагері Қаршыға Есдәулет Тұңғыш Президент – Елбасы Нұрсұлтан Әбішұлы Назарбаевтың сарабдал саясатының нәтижесінде Тәуелсіздік жылдарында еліміз елеулі жетістіктерге жеткенін атап өтіп, Астана күніне арналған ақжарма тілегін жеткізді.
Елді мекендерді газға қосу Nur Otan партиясының сайлауалды бағдарламасында көзделген. Жосалы кентіндегі кварталішілік газдандыру жұмыстарын бас мердігер – «Энергоресурс» ЖШС мамандары атқарып, республикалық және облыстық бюджеттен 2,69 млрд. теңге қаржыға жұмыстарды аяқтады.
Мұнан кейін аймақ басшысы Қармақшы ауданына жұмыс сапары барысында Тәуелсіздік ықшам ауданындағы көп балалы отбасыларға арналған тұрғын үйлер құрылысының жұмысымен танысып, құрылыс заттарының сапасына мән беруді және құрылысты уақытылы аяқтауды тапсырды. Аталмыш үйлер ағымдағы жылдың аяғында пайдалануға беріледі деп жоспарлануда. Әр үйдің көлемі 68,7 шаршы метрді құрайды.
Одан кейін Гүлшара Әбдіқалықова Иіркөл және Ақжар ауылдық округтеріне барды. Иіркөл ауылында тұрғындармен кездесіп, елдің тыныс-тіршілігіндегі маңызды мәселелерді бағамдады. Ауыл ақсақалдары аяқ су мәселесін алға тартты. Өз кезегінде облыс әкімі аяқ су мәселесін түбегейлі шешу жолдарын қарап, кезең-кезеңімен реттелетінін айтып, егін алқабына суды жеткізудің мөлшерін үнемдеу қажеттігін еске салды. Сонымен бірге індеттің таралу деңгейі бәсеңсімей тұрғанын жеткізіп, екпе егудің маңыздылығына тоқталды.
Сапары кезінде Гүлшара Әбдіқалықова Ақжар ауылында «Ақжар» шаруа қожалығының егіс алқабындағы шаруашылық жұмысын көріп, мамандармен тілдесті.
Бірқатар нысандарды аралаған аймақ басшысы аудан әкімі Мұса Қалдарбековке құрылыс, су тапшылығына байланысты егін шаруашылығына қажетті шараларды уақытылы әрі судың бөлінісін үнемдеп пайдалану бағытында жұмысты үйлестіруді тапсырды.
<img src="https://kyzylorda-news.kz/wp-content/uploads/2021/07/207616084_3496307993805578_3688670627067454066_n.jpg" alt="" />
<img src="https://kyzylorda-news.kz/wp-content/uploads/2021/07/207502510_3496309190472125_2562795577050320920_n.jpg" alt="" />
<img src="https://kyzylorda-news.kz/wp-content/uploads/2021/07/207628056_3496311287138582_8265496793298597161_n.jpg" alt="" />
<img src="https://kyzylorda-news.kz/wp-content/uploads/2021/07/210197746_3496310007138710_8597974276359898896_n.jpg" alt="" />

Қазақстан және Қызылорда облысының жаңалықтары: Басты жаңалықтар old

Сырдариялықтар Арал, Қазалы аудандарының шаруаларына жәрдемдесті

Қызылорда облысының әкімі Паул Шумахермен кездесті

Қызылордада жыл басынан бері 20 бала суға кетті

Гүлшара Әбдіқалықова: Қуаңшылық кезеңінен шығу үшін бірлесіп жұмыс атқару қажет

Оливер Стоун: Қазақстан – өте прогресивті ел

Белгілі америкалық режиссер Оливер Стоун Елбасы туралы фильм түсіруге атсалысты

Бүгін – астана күні

Президент Мемлекеттік ту көтеру рәсіміне қатысты

Астана күні қарсаңында Қызылордада жазғы теннис орталығы ашылды

«Жас еңбек құрылысшылар жасағы» аясында 90 жас жұмыспен қамтылды

Жалағашта жабық бассейн кешені ашылды

Жосалы кенті көгілдір отынға қосылды

Қазақстан және Қызылорда облысының жаңалықтары: Басты жаңалықтар old

Сырдариялықтар Арал, Қазалы аудандарының шаруаларына жәрдемдесті

Қызылорда облысының әкімі Паул Шумахермен кездесті

Қызылордада жыл басынан бері 20 бала суға кетті

Гүлшара Әбдіқалықова: Қуаңшылық кезеңінен шығу үшін бірлесіп жұмыс атқару қажет

Оливер Стоун: Қазақстан – өте прогресивті ел

Белгілі америкалық режиссер Оливер Стоун Елбасы туралы фильм түсіруге атсалысты

Бүгін &#8211; астана күні

Президент Мемлекеттік ту көтеру рәсіміне қатысты

Астана күні қарсаңында Қызылордада жазғы теннис орталығы ашылды

«Жас еңбек құрылысшылар жасағы» аясында 90 жас жұмыспен қамтылды

Жалағашта жабық бассейн кешені ашылды

Жосалы кенті көгілдір отынға қосылды

Бүгін – астана күні