<a href="https://kyzylorda-news.kz/">Kyzylorda-news.kz</a>.&nbsp;Қызылорда облысында «Абайлаңыз – балалар!» жедел-профилактикалық іс-шарасының екінші кезеңі басталды.
Ертең елімізде жаңа оқу жылы басталады. Алғашқы қоңырау үнімен бірге оқушылар үшін ілім – білім жинайтын жауапты кезең басталады.
Жаңа оқу жылының басталуы қарсаңында балалардың қатысуымен жол-көлік оқиғаларының алдын алу, сондай-ақ балалардың көшелер мен жолдарда қауіпсіз жүріп-тұру дағдыларын нығайту мақсатында Қызылорда облысы көлемінде 2 кезеңнен тұратын «Абайлаңыз – балалар!» жедел-профилактикалық іс-шарасы өткізілуде.
Аталмыш шараның дайындық кезеңінде Қызылорда облысы Полиция департаментінің Әкімшілік полиция қызметі басқармасы жол және коммуналдық қызметтердің өкілдерімен бірлесіп, жалпы білім беретін, мектепке дейінгі мекемелерге, қосымша білім беретін ұйымдарға және оларға жақын орналасқан аумақтардың көше-жол желісінің және жол жүрісін ұйымдастырудың техникалық құралдарының пайдалану жай-күйіне тексеру жұмыстары жүргізіліп, ұйғарымдар мен ұсыныстар жолданды. Сонымен қатар, қауіпсіздік белдіктерін, автомобиль салонында балаларды тасымалдау кезінде балаларды ұстап қалу құралдарын қолдану қажеттілігі бойынша «Сіздің жолаушыңыз – бала!» атты профилактикалық акциялар өткізілді.
Іс-шараның негізгі кезеңін өткізу шеңберінд 1-9 қыркүйек аралығында балалар мен жасөспірімдердің тұрақты тұрғылықты және оқитын жерлерінде көлік ортасына бейімделуіне байланысты мектептік жиындарға, қауіпсіз жол жүрісі сабақтарына «Бірінші сыныпқа барғандарды жаяу жүргіншілер қатарына қосу», «Біз жолдардағы қауіпсіздікті қолдаймыз!» және басқа да тақырыптық іс-шаралар ұйымдастырылады.
Бұған қоса, патрульдеу бекеттерін барынша оқу орындарына жақындатуды және оқушылардың қауіпсіз жүріп-тұруын қамтамасыз ету үшін балалардың киімінде жарық қайтарғыш элементтерін (фликерлерді) орнату қажетт

Қызылордада «Абайлаңыз – балалар!» шарасының екінші кезеңі басталды

<a href="https://kyzylorda-news.kz/">Kyzylorda-news.kz</a>.&nbsp;Пандемия салдарынан бүгінде Қызылорда қаласында жолаушылар тасымалымен айналысатын тасымалдаушылардың автобус саны азайды.
Арнайы шығарылған қаулыға сәйкес, аптаның жексенбі күні ғана қоғамдық көліктердің жүруі тоқтатылды. Сонымен қатар, зейнеткерлерге берілетін жеңілдіктер тек «Қызылорда автобус паркі» ЖШС-не қарасты 5 түрлі бағытта қатынайтын автобустарға ғана сақталды. Ал, жекеменшік тасымалдаушы қоғамдық көліктерден жеңілдіктер алынып тасталды. Бұл туралы бүгін Өңірлік коммуникациялар қызметінде «Қызылорда автобус паркі» ЖШС директорының орынбасары Қанат Рахметов мәлімдеді.
<blockquote>
 «Сондай-ақ, тасымалдаушылардың жалғыз табыс көзі жолаушылардан келіп түскен төлем екендігін ескере келе, қала тұрғындарын тасымалдауға кеткен шығынды ақтамауына байланысты көрсетілген кейбір бағыттарды әлеуметтік маңызы бар бағыттар деп танып, облыстық бюджеттен субсидиялауды қажет етеді. Осыған сәйкес, қала аумағы мен шалғай орналасқан елді мекендердегі тұрғындарға қоғамдық көлік тасымалымен тұрақты сапалы қызмет көрсету мақсатында «Қызылорда автобус паркі» ЖШС-нің 5 бағытынан бөлек, жеке тасымалдаушылардың 6 бағытын субсидиялауға 526 млн 764 мың 238 теңгені қажет етеді», – деді қалалық тұрғын үй-коммуналдық шаруашылығы, автомобиль жолдары, жолаушылар көлігі және тұрғын үй инспекциясы бөлімі басшысының міндетін атқарушы Мұрат Айкөпешов.
</blockquote>

«Қызылорда автобус паркі»: Зейнеткерлердің жеңілдігі 5 бағыттағы автобустарға ғана жарамды

<a href="https://kyzylorda-news.kz/">Kyzylorda-news.kz</a>. Мұрат Кәрібайұлы Бектанов ҚР Қорғаныс министрі лауазымына тағайындалды. Бұл туралы Ақорданың баспасөз қызметі хабарлады.
Жарлықта «М.К. Бектановты тағайындау туралы 2021 жылғы 31 тамыз Мұрат Кәрібайұлы Бектанов Қазақстан Республикасының Қорғаныс министрі лауазымына тағайындалсын» делінген.
Айта кетейік, Мемлекет басшысының өкімімен Мұрат Кәрібайұлы Бектанов Қазақстан Республикасы Қорғаныс министрінің бірінші орынбасары – Қазақстан Республикасы Қарулы Күштері Бас штабының бастығы лауазымынан босатылды.
<img src="https://kyzylorda-news.kz/wp-content/uploads/2021/08/ministr.jpg" alt="" />

ҚР Қорғаныс министрі тағайындалды

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысында 212 елді мекенді аудан және облыс орталығымен байланыстыратын 205 автобус маршруты ұйымдастырылған. Осы маршруттарда барлығы 30-дан астам заңды және жеке тұлғалар әр түрлі сыйымдылықтағы 1354 дана автобуспен жолаушы тасымалдау қызметін көрсетуде. Бұл туралы бүгін Өңірлік коммуникациялар қызметінде Қызылорда облысының жолаушылар көлігі және автомобиль жолдары басқармасы басшысының орынбасары Дамир Тілеуов хабарлады.
Сонымен қатар,Ташкент қаласына 1 халықаралық және облысаралық 13 автобус маршруты ұйымдастырылған. Жолаушылар мен тасымалдаушыларға Қызылорда қаласы мен аудан орталықтарындағы 3 автовокзал және 8 автостанса қызмет көрсетуде.
Сондай-ақ, қала бойынша қалаішілік 25 бағытқа және 8 қала маңына қатынайтын барлығы 33 бағытқа 585 автобус екі ауысыммен қызмет көрсетеді. «Қызылорда автобус паркі» ЖШС-гі теңгеріміндегі 135 автобуспен 5 қалаішілік бағытта қызмет көрсетсе, «Кад Нұр» ЖШС-і екі бағытта 37 автобус, «Арғымақ Орда» ЖШС-і 4 бағытта 54 автобус және қалған 22 бағытта 250 жеке тасымалдаушылармен бірлескен келісім-шарт негізінде қызмет көрсетеді.
Айта кету керек, 1 қыркүйектен бастап автобустар саны 350-ге толығып, жолаушыларға қызмет көрсетеді», – деді брифингке қатысқан қалалық тұрғын үй-коммуналдық шаруашылығы, автомобиль жолдары, жолаушылар көлігі және тұрғын үй инспекциясы бөлімі басшысының міндетін атқарушы Мұрат Айкөпешов.

Қызылордада қоғамдық көліктер қатары көбейді

<a href="https://kyzylorda-news.kz/">Kyzylorda-news.kz</a>.&nbsp;Бүгін Қызылорда облысының әкімі Гүлшара Әбдіқалықованың қатысуымен Қызылорда қаласында «Ұлағат білім ордасы» жеке мектебінің салтанатты ашылу рәсімі өтті. Аймақ басшысы ұстаздар мен оқушыларды құттықтап, жаңа оқу жылына сәттілік тіледі.
<blockquote>
 «Ең алдымен баршаңызды келе жатқан 1 қыркүйек – Білім күнімен шын жүректен құттықтаймын! Пандемия салдарынан мектеп оқушылары өткен жылы қашықтан білім алуға мәжбүр болды. Мемлекет басшысы Қасым-Жомарт Кемелұлы Тоқаевтың тапсырмасына сәйкес жаңа оқу жылында оқушылар дәстүрлі форматта білім алатын болады. Балаларымыздың оқу үлгерімі мен білім сапасы үшін бұл оңтайлы шешім болды деп санаймыз. Аймақтағы эпидемиологиялық ахуалды ескере отырып, оқушылар мен мұғалімдерді қорғаудың барлық кешенді шараларын қабылдадық. Өйткені, біз үшін әрбір баланың денсаулығы қашанда маңызды», – деді Гүлшара Әбдіқалықова.
</blockquote>
450 орындық білім ұясында 21 оқу кабинеті, денешынықтыру, акт залдары кітапхана бар. Оқушыларға 33 педагог сабақ береді.
Салтанатты шарада мемлекеттік-жекешелік әріптестік негізінде жүзеге асқан «Ұлағат білім ордасының» құрылтайшысы Қалқазбек Әжібеков пен мектеп директоры Досбол Аймухамбетов құттықтау лебіздерін жеткізді. Бүгінгі күні аймақта 3 пен 6 жас аралығындағы бүлдіршіндерді мектепке дейінгі тәрбиемен қамтамасыз етуді 100 пайыз орындалған. Өңірде мемлекеттік-жеке әріптестікті дамытудың үлесі басым. Облыста балабақшалардың 70 пайыздан астамы мемлекеттік-жекешелік әріптестік негізінде жұмыс жасайды. Аймақтағы демографиялық өсім мен халықтың көшіп-қону белсенділігінің жоғары болуына байланысты, 1-сыныпқа қабылданатын оқушылардың өсімі байқалады. Биыл 18 мың бала мектеп табалдырығын аттайды.
Еске сала кетейік, биыл 6 жаңа мектеп пайдалануға беріледі деп жоспарлануда. Жаңа оқу жылында Президент тапсырмасымен іске асқан 300 орындық Арал ауданы, Сексеуіл кентіндегі мектеп пен инвесторлар есебінен жүргізілген 2 жеке мектеп құрылысы пайдалануға берілсе, қалған 3 мектеп жыл соңына дейін табысталатын болады. Мұнан бөлек, бірнеше жылдан бері жөндеуді қажет еткен Жалағаш ауданындағы 2 білім беру нысаны жаңарып, жөндеу жұмыстары жүргізілуде.
<img src="https://kyzylorda-news.kz/wp-content/uploads/2021/08/240831476_3664876910282018_4053721737188554526_n.jpg" alt="" />
<img src="https://kyzylorda-news.kz/wp-content/uploads/2021/08/240783846_3664877886948587_7937761029210649370_n.jpg" alt="" />

Қызылордада жаңа жеке мектеп ашылды

<a href="https://kyzylorda-news.kz/">Kyzylorda-news.kz</a>.&nbsp;2021 жылдың 6 айында медициналық сақтандыру қоры медициналық ұйымдар тарапынан 486 мыңнан астам ақауларды анықтады.
Әлеуметтік медициналық сақтандыру қорының сарапшылары мемлекет кепілдік берген тегін медициналық көмектің көлемі (ТМККК) және МӘМС бойынша жеткізушілер көрсететін қызметтердің сапасы мен көлеміне мониторингті жалғастыруда.
Мониторинг нәтижелері бойынша 2021 жылдың 6 айында Қор сарапшылары 486 мыңнан астам ақауларды анықтады. Салыстыру үшін, өткен жылдың 1- жартыжылдығының қорытындысы бойынша бұл көрсеткіш 461 мыңды құрады.
Бұзушылықтардың басым бөлігін (74,4%) мамандар халыққа консультациялық-диагностикалық қызметтер көрсету кезінде анықтады. Бұдан әрі, сарапшылардың деректері бойынша, көмек/қызметтер көлемінің негізсіз артуы – 67,0%, емдеу-диагностикалық іс – шаралардың стандарттардан, денсаулық сақтау саласындағы ережелерден/ клиникалық хаттамалардан негізсіз ауытқу фактілері – 16,4%, медициналық құжаттаманы дұрыс ресімдемеу сияқты 11,3% ақауларға жол берілген.
Сондай-ақ, осы жарты жыл ішінде медициналық қызмет көрсетудің 11,3 мыңнан астам расталмаған жағдайы анықталды, бұл анықталған ақаулардың жалпы санының 2,3% – ын құрайды. Өңірлер арасында “жазбалар” көбінесе Нұр-Сұлтан, Шымкент қалаларында және Жамбыл облысында, ең азы БҚО, Атырау, Қостанай және Ақмола облыстарында кездеседі.
«Құқық бұзушыларға» қатысты барлық денсаулық сақтау субъектілеріне айыппұл санкциялары қолданылды.
Медициналық ұйымдардың көрсетілетін қызметтердің қолжетімділігі мен сапасына қатысты міндеттемелері шарттық қатынастардың маңызды бөлігі болып табылады және Қор олардың орындалуын талап етуге құқылы.&nbsp; Айта кетейік, осы жылдан бастап Қор проактивті мониторинг жүргізу тәжірибесіне енгізілген, онда өнім берушінің шарттық міндеттемелерін орындамау фактілері анықталған кезде жоюға қорытындыға қол қойылған күннен бастап және оларды тиісінше орындауға 45 күнтізбелік күн беріледі. Егер ақау мерзімінде жойылмаса, медициналық ұйымға айыппұл салынады.
<blockquote>
 «Проактивті мониторинг қордың жеткізушілеріне ақауларды жоюға мүмкіндік береді және олар айыппұл санкцияларын болдырмау үшін барлық бұзушылықтарды мүмкіндігінше жоюға тырысатынын атап өткен жөн. Нәтижесінде пациент ұтады, оның мүддесінде қор қызметкері бұзушылықтарды анықтағаннан кейін өнім берушілердің қызметіне қайта бағалау жүргізеді және оларды жоюды талап етеді. Медициналық ұйымдардың қызметкерлері мен қор қызметкерлері арасында мониторингтің бұл форматы көрсетілетін қызметтердің қолжетімділігі мен сапасын бірлесіп жақсарту үшін сенімді қарым – қатынас орнатуға мүмкіндік береді», – деп атап өтті медициналық көмек сапасын мониторингілеу департаментінің директоры Лаззат Шоманова.
</blockquote>
Сондай-ақ, ТМККК және МӘМС пакеттері бойынша Қор жеткізушілері халыққа көрсеткен медициналық қызметтер үшін ақы төлеу осы қызметтердің сапасы мен көлеміне мониторинг жүргізілгеннен кейін ғана жүзеге асатынын атап өткен жөн. Яғни, медициналық көмек көрсету стандарттары мен ережелерін, сондай-ақ клиникалық хаттамалардың ұсынымдарын сақтай отырып, құжатпен расталған, факті бойынша көрсетілген қызметтер ғана төленеді.
Егер пациент өзі алмаған қызметтің жазылу фактісін өз бетінше анықтаса, ол туралы медициналық сақтандыру қорына хабарлау қажет. Шағым немесе өтініш беру үшін 1406 телефонына немесе Qoldau 24/7 мобильді қосымшасы арқылы хабарласуға болады.
Медициналық ұйымдарда халыққа медициналық көмек көрсету сапасын жақсарту үшін Қор осы жылы «жасырын пациент» акциясын жалғастырды.
Осы акция шеңберінде Қор қызметкерлері медициналық ұйымдарға “жасырын” қоңырау шалу арқылы тіркеу мамандары мен медицина қызметкерлерінің медициналық сақтандыру жүйесі, МӘМС пен ТМККК кіретін медициналық қызметтер, медициналық көмек көрсету стандарттары, сондай-ақ пациенттердің сақтандырылу мәртебесі мәселелері туралы біліміне мониторинг жүргізді.
Зерттеу қорытындысы бойынша Батыс қазақстан (86%), Жамбыл (83%) және Шығыс Қазақстан (83%) облыстарының медицина қызметкерлері ең жоғары білім деңгейін көрсетті. Маңғыстау және Атырау облыстарында жағдай нашар – мұнда білім көрсеткіші сұралғандардың тек 68% – ын құрады. Сондай-ақ, аутсайдер үштігіне Ақтөбе облысы 69% – бен кірді.
Қор сарапшылары атап өткендей, медицина қызметкерлерінің білімін күшейту және медициналық қызмет көрсету сапасын жақсарту қажет бағыттарды анықтауға мүмкіндік береді. Мониторинг қандай да бір жазалау шараларын көздемейді, бірақ Қор қызметкерлерінің медицина қызметкерлерін атаулы оқытуы үшін негіз болады және пациенттерге қажетті медициналық қызмет алудан заңсыз бас тарту санын азайтуға, медициналық ұйымдарда сервисті арттыруға, пациенттерді құзыретті консультациялармен қамтамасыз етуге мүмкіндік береді.

МӘМС: Медициналық ұйымдарда 486 мыңнан астам ақаулар анықталды

<a href="https://kyzylorda-news.kz/">Kyzylorda-news.kz</a>. Қазалы ауданына қарасты Қ.Пірімов ауылында спорт кешенінің құрылысы басталды.
Жаңа нысанның іргетасын қалау рәсіміне аудан әкімі Мұхтар Оразбаев, аудандық мәслихат хатшысы Бақытжан Жарылқап, ауыл ақсақалдары қатысты.
Ауыл тұрғындарының атынан еңбек ардагері, ауылдық ардагерлер кеңесінің төрағасы Төлепберген Тілеуқабылов аудан басшысына алғысын жеткізді.
Аудандық құрылыс, сәулет және қала құрылысы бөлімінің басшысы Нұрбек Күзембаев спорт кешені құрылысының жобасымен таныстырып, жаңа нысан келесі жылы пайдалануға берілетіндігін жеткізді.
Спорт кешенінің құрылысын “Ахат + ГС” ЖШС жүргізіп жатыр. Спорт кешені пайдалануға берілген уақытта ауыл балалары еркін күрес, грек-рим күресі, самбо, дзюдо, бокспен шұғылданып, бос уақыттарын тиімді пайдаланатын болады.
<img src="https://kyzylorda-news.kz/wp-content/uploads/2021/08/240803427_3140833032804289_1240940240374278303_n.jpg" alt="" />
<img src="https://kyzylorda-news.kz/wp-content/uploads/2021/08/240817247_3140833336137592_274993566946057870_n.jpg" alt="" />

Қ.Пірімов ауылында спорт кешенінің құрылысы басталды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 4322 адамда коронавирус індеті ПТР арқылы расталып ауырғаны белгілі болды, деп хабарлайды <a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 376,
Алматы қаласы – 1309,
Шымкент қаласы – 137,
Ақмола облысы – 259,
Ақтөбе облысы – 123,
Алматы облысы – 359,
Атырау облысы – 126,
Шығыс Қазақстан облысы – 166,
Жамбыл облысы – 34,
Батыс Қазақстан облысы – 46,
Қарағанды облысы – 551,
Қостанай облысы – 245,
Қызылорда облысы – 65,
Маңғыстау облысы – 109,
Павлодар облысы – 296,
Солтүстік Қазақстан облысы – 76,
Түркістан облысы – 45.
Жалпы ел бойынша ауырғандар саны 789471.

Қызылордада 65 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Қазақстан аумағының басым бөлігіне атмосфералық фронттар әсер етеді, деп хабарлайды Қазгидромет.
Салдарынан найзағай ойнап, жаңбыр жауады. Орталық пен шығыста қатты жаңбыр жауады. Жел күшейеді.
Орталықта, шығыста, оңтүстік-шығыста бұршақ жауады.
Тек еліміздің батысы, солтүстік-батысы және солтүстігінде антициклон әсерінен жауын-шашын жаумайды, күн ашық.
Алматы облысында найзағай болып, жел қарқыны – 15-20 м/с.
Жамбыл облысында найзағай, бұршақ болып, облыстың оңтүстік-батысында, солтүстік-шығысында жел 15-20 м/с, күндіз екпіні 23 м/с дейін күшейеді.
Түркістан облысының таулы аудандарында күн күркірейді, желдің күші 15-20 м/с болады.
Қостанай облысының солтүстігінде түнде тұман түседі, күндіз облыстың оңтүстік-шығысында жел қарқыны 15-20 м/с жетеді.
Қарағанды облысының солтүстік-шығысында, шығысында, оңтүстігінде және орталығында – найзағай, бұршақ, дауыл, жел екпіні – 15-20 м/с. Түнде және таңертең облыстың солтүстігінде тұман болады.
Шығыс Қазақстан облысында найзағай, күндіз облыстың батысында, солтүстігінде, солтүстік-батысында және орталығында найзағай, дауыл болады, облыстың солтүстік-батысында жел 15-20 м/с, солтүстік-батысымен орталығында екпіні 23 м/с болады.
Павлодар облысының батысында тұман түседі. Ақмола облысының солтүстігінде және солтүстік-шығысында түнде және таңертең тұман болады.
Күндіз Қызылорда облысының солтүстік-батысында жел 15-20 м/с дейін күшейеді.
Қостанай облысының солтүстігі мен шығысында топырақ бетінде 2 градус үсік сақталады.
Ақмола, Солтүстік Қазақстан облыстарының солтүстігі мен батысында топырақ бетінде 2 градус үсік жүреді.
Маңғыстау, Атырау, Батыс Қазақстан, Ақтөбе, Түркістан, Жамбыл облыстарында, Қызылорда, Қостанай, Алматы облыстарының басым бөлігінде, Қарағанды облысының батысында және оңтүстік-батысында, Шығыс Қазақстан облысының оңтүстігінде, Ақмола облысының батысында, Павлодар облысының орталығында төтенше өрт қаупі сақталады.

Жаздың соңғы күні ауа райы қандай болады?

<a href="https://kyzylorda-news.kz/">Kyzylorda-news.kz</a>. Қызылорда облысының әкімі Гүлшара Әбдіқалықова жұмыс сапарымен Қармақшы ауданына барды.
Аймақ басшысы алдымен Жаңажол ауылдық округіндегі орталық алаңның салтанатты ашылу рәсіміне қатысты. Орталық алаңның құрылысын «Жаңажол» ЖШС жеке қаражат есебінен жүргізген. Жоба құны 250 млн.теңгені құрайды. Бұл жерде арка, стела, су бұрғақ, балалар ойын және спорт алаңы, сауда дүңгіршегі орналасқан.Мұнан соң облыс әкімі аудан орталығында орналасқан ҚР Мемлекеттік рәміздер алаңының ашылу рәсіміне қатысып, тұрғындарға құттықтау лебізін жеткізді.
<blockquote>
 «Биыл Тәуелсіздігіміздің 30 жылдық мерейтойын атап өтудеміз. «Біз тәуелсіздікке аңсап, зарығып жеттік. Енді сол тәуелсіздіктің қасиетті белгілерін де ерекше қадірлеуіміз, қастерлеуіміз керек» – деп Тұңғыш-Президент Елбасы Нұрсұлтан Әбішұлы Назарбаев баса айтқан болатын. Сондықтан, бүгін киелі Қармақшы жерінде көк байрағымызды биікке көтеріп, «Мемлекеттік Рәміздер алаңы» ашылып отыр. Тәуелсіздігіміз баянды, бірлігіміз бекем болсын! Көк туымыз көкте мәңгі желбірей берсін», – деді Гүлшара Әбдіқалықова.
</blockquote>
Аймақ басшысы салтанатты шарада өнер көрсеткен, халықаралық және республикалық жыршылар байқауларының жүлдегері, Елбасы қолынан домбыра алған жас өнерпаз Арай Оңғарқызына сый сияпат жасады.Айта кетейік, Рәміздер алаңының құрылысын жүргізген бас мердігер мекеме «SILK ROAD CONSTRUCTION» ЖШС. Құрылыс жұмыстары ағымдағы жылдың мамыр айында басталып, тамыз айында пайдалануға берілді.
<img src="https://kyzylorda-news.kz/wp-content/uploads/2021/08/karmakshyyyyy.jpg" alt="" />
<img src="https://kyzylorda-news.kz/wp-content/uploads/2021/08/karmakshyy.jpg" alt="" />
<img src="https://kyzylorda-news.kz/wp-content/uploads/2021/08/karmakshyyyy.jpg" alt="" />

Қармақшыда жаңа Рәміздер мен орталық алаңы ашылды

<a href="https://kyzylorda-news.kz/">Kyzylorda-news.kz</a>. Сыр диқандары егінге орақ салды. Қызу еңбекті алғаш болып Жалағаш ауданының шаруалары бастады. Облыс әкімі Гүлшара Әбдіқалықова егінге алғашқы орақ салу рәсіміне қатысты.Салтанатты шараға ҚР Парламенті Сенатының депутаттары М.Бахтиярұлы мен А.Шәріпбайқызы, Мәжіліс депутаты Б.Кесебаева және шаруашылық басшылары қатысты. Облыс әкімі Сыр диқандарының еңбегін ерекше атап өтіп, ақжарма тілегін білдірді.
<blockquote>
 «Биыл Ел Тәуелсіздігінің 30 жылдық мерекесімен атақты диқан, дала академигі, ақ күріштің атасы Ыбырай Жақаевтың 130 жылдық мерейтойы қатар келіп отыр. Сондықтан, биыл жиналатын ел астығына облыс егіншілері барынша үлес қосады деп сенемін. Ел несібесін төкпей-шашпай жинап алуымыз қажет. Қамбаларыңыз астыққа толсын, қырмандарыңыз тасысын. Еліміз тыныш болып, ырыс-несібеміз молая берсін», – деді облыс әкімі.
</blockquote>
Сондай-ақ, игі шара барысында облыс әкімі «ТАҢ ЛТД» серіктестігінің жүгері дақылы егілген егіс алқабына барып, ауылшаруашылығы саласындағы әртараптандыру бағытында мамандармен пікір алмасты.
Биыл өңірде ауыл шаруашылығы дақылдары 188,1 мың гектар жерге орналастырылды. Ал, негізгі дақыл күріштің көлемі 83,6 мың гектар. Су тапшылығына байланысты күріш көлемі өткен жылмен салыстырғанда 5,9 мың гектарға дейін азайып, оның орнына суды аз қажет ететін мал азықтық және майлы дақылдармен қатар картоп, көкөніс, бақша дақылдары егілді. Егіс көлемі өткен жылмен салыстырғанда 9,8 мың гектарға дейін артып, жалпы егіс сәйкесінше 3,9 мың гектарға ұлғайды.
Егілген күріштен жоғары өнім алу мақсатында күріштікке 100 пайыз жоғары репродукциялы тұқымдар себілді және 71,9 мың гектар егіс тыңайтқыштармен қоректендірілсе, 69,2 мың гектары арам шөптерге қарсы өңделді.
Сонымен қатар, күріш танаптарынан су тарту шаралары атқарылуда, бүгінгі күнге дейін бекітілген кестеге сәйкес 67,6 мың гектар немесе жалпы күріш егісінің 80,9 пайызының суы байланды. Қазір облыста бидай, арпа, сұлы дақылдарын жинау аяқталса, мақсары картоп, көкөніс, бақша, жүгері дақылдарын жинау жұмыстары жалғасуда. Бұдан бөлек, ескі жоңышқа дақылының ІІ орымы мен жаңа жоңышқаны жинау жұмыстары жүруде. Алдағы егін жинау науқаны кезеңінде ауа-райы болжамы қолайлы болады деп болжанып отыр. Осыған сәйкес облыста егін жинау науқанын 10 қазанда аяқтау жоспарлануда.
Жалағаш ауданына жұмыс сапарымен барған аймақ басшысы Таң ауылдық округіндегі атқарылған жобалармен де танысты. Оның бірі – ет өңдеу цехы. 2019 жылдан бері жұмыс істеп келе жатқан шағын өндіріс орнында күніне 5 мүйізді ірі қара сойылады. Цехтың жұмысын көрген өңір басшысы өнімнің қауіпсіздігі мен сапасына назар аударуды тапсырды.
Мұнан соң, облыс әкімі орташа жөндеуден өткен Орынбай жырау көшесін көрді. Мамыр айында басталған асфальт төсеу жұмыстары шілде айында аяқталған. Ұзындығы бір шақырымнан асады. Елді-мекенде барлығы 14 көше болса, оның 8-і қалыпқа келтірілген. Қалған көшелер жыл соңына дейін жаңарады.
Орынбай жырау көшесінде орналасқан №118 орта мектеп ғимараты да күрделі жөндеуден өтті. Білім мекемесінің есік терезелері, едені толық ауыстырылды. Су, кәріз, электр жүйелері жаңартылды, ішкі әжетхана жүргізілді. Мектеп ауыл оқушыларын қабылдауға дайын.
Аймақ басшысы оқу процесіне әзірлікті тағы бір пысықтап, санитарлық-дезинфекциялық шараларды толық орындауды тапсырды.
<img src="https://kyzylorda-news.kz/wp-content/uploads/2021/08/zh.jpg" alt="" />
<img src="https://kyzylorda-news.kz/wp-content/uploads/2021/08/k.jpg" alt="" />
<img src="https://kyzylorda-news.kz/wp-content/uploads/2021/08/shh.jpg" alt="" />
<img src="https://kyzylorda-news.kz/wp-content/uploads/2021/08/o.jpg" alt="" />
<img src="https://kyzylorda-news.kz/wp-content/uploads/2021/08/mektep.jpg" alt="" />
<img src="https://kyzylorda-news.kz/wp-content/uploads/2021/08/mm.jpg" alt="" />
<img src="https://kyzylorda-news.kz/wp-content/uploads/2021/08/240781192_3651509458285430_6050498937036009350_n.jpg" alt="" />
<img src="https://kyzylorda-news.kz/wp-content/uploads/2021/08/c.jpg" alt="" />

Гүлшара Әбдіқалықова: Ел несібесін төкпей-шашпай жинап алуымыз қажет

<a href="https://kyzylorda-news.kz/">Kyzylorda-news.kz</a>. Қорқыт ата атындағы Қызылорда университетінде «Рухани жаңғыру» бағдарламасының жұмыстары таныстырылды.
Бүгін ҚР Ақпарат және қоғамдық даму министрлігі, «Рухани жаңғыру» қазақстандық қоғамдық даму институты» КеАҚ «Рухани жаңғыру» орталығының басшысы Жанар Боқанова Сыр еліндегі жұмыс сапары барысында Қорқыт ата атындағы Қызылорда университетіндегі «Рухани жаңғыру» бағдарламасының жүзеге асырылу жұмыстарымен танысты.&nbsp;
Шарада «Рухани жаңғыру» бағдарламасы аясында жүзеге асырылған ғылыми жобалар мен арнайы шығарылған монографиялар, «Археология және этнография ғылыми зерттеу орталығы» іске асырған жобалардың көрме залы, «Қазақ тіліндегі 100 жаңа оқулық» жобасы аясында шығарылған кітаптар көрмесі, «Дидар» халықтық этно-фольк ансамблінің жаңа туындылары таныстырылды. Сонымен қатар,&nbsp; «Business start» жастар кәсіпкерлік орталығының жұмысы, қолөнер шеберлерінің туындылары мен «Робототехника»&nbsp; саласындағы соңғы құрылғылар көрсетілді.&nbsp;
Шара барысында жас спортшылармен кездесу, белсенді студенттермен сұқбат ұйымдастырылды.
<img src="https://kyzylorda-news.kz/wp-content/uploads/2021/08/3-20.jpg" alt="" />
<img src="https://kyzylorda-news.kz/wp-content/uploads/2021/08/2-20.jpg" alt="" />

Қазақстан және Қызылорда облысының жаңалықтары: Басты жаңалықтар old