Kyzylorda-news.kz. Бүгін облыстық Н.Бекежанов атындағы қазақ академиялық музыкалық драма театрында Қазақстанның еңбек сіңірген қайраткері, Қызылорда облысының Құрметті азаматы Әмір-Темір Хұсейін Жүсіпұлының 80 жылдығына арналған «Театр-тағдыр тұмарым!» атты шығармашылық кеші өткізілді.
Мерейлі кеште облыс әкімі Гүлшара Әбдіқалықова мерейтой иесін құттықтап, өнер саласындағы еңбегін ерекше бағалады.
<blockquote>
 “Тәуелсіздігімізге 30 жыл болған еліміздің рухани байлығын арттырып, төл өнерімізді халықаралық деңгейде танытуда өнер өкілдерінің алар орны бар. Қазіргі таңда Сыр елінде мақтаныш етіп айтатын өнердің тұғырлы тұлғаларының тұтас ансамблі бар. Солардың сапында Қазақстанның еңбек сіңірген қайраткері, танымал режиссер, талантты сахна майталманы Хұсейін Жүсіпұлы Әмір-Темірдің есімі ерекше аталады. Еліміздің бірнеше театрында қызмет етіп, алайда, туған жерге деген перзенттік парызын өтеу үшін Қызылорда драма театрында қалған Хұсейін ағамыз бүгінде қазақ театр өнеріндегі өр болмысты өнер иесіне айналып отыр. Хұсейін ағамызды Сыр театрының ғана емес, жалпы қазақ өнерінің дамуына сүбелі үлес қосқан қайраткер деп танимыз. Театрдың шығармашылық ұжымын бір арнаға тоғыстырып, сахналық өнерді толыққанды жасауға үздіксіз қызмет атқарып келеді. Міне, бүгін Сыр жұртшылығы, өнер сүйер қауым өзіңізбен бірге қуана тойлап жатыр. Мерейлі жасыңыз құтты болсын!”, – деді облыс әкімі.
</blockquote>
Аймақ басшысы мерейтой иесіне Сыр елінің өнер саласына қосқан зор үлесі үшін алғыс білдіріп, Қызылорда облысының Құрмет грамотасын табыстап, иығына шапан жапты.
Мерейтойлық кеште өнер майталманын КСРО және Қазақ КСР Халық артисі Асанәлі Әшімов, Қазақстанның халық артисі Талғат Теменов құттықтап, маэстроның театр өмірінде қалдырған өзіндік қолтаңбасы мен жоғары репертуарлық талғамын атап өтті. Ал, ҚР Мәдениет және спорт министрі Ақтоты Райымқұлованың құттықтауын аталмыш министрліктің жауапты қызметкері Гүлнафис Мырзашева жеткізді.
Шығармашылық кеште көрнекті жазушы, ҚР Мемлекеттік сыйлықтарының иегері Дулат Исабеков және С.Вургун атындағы Әзірбайжан Мемлекеттік орыс драма театрының көркемдік жетекшісі Мирбала Салимли бейнеқұттықтауын жолдады.
Іс-шарада Алматы қаласындағы Ғ.Мүсірепов атындағы жасөспірімдер театрының әртістері, Сыр өнерпаздары Самал Байсейітова мен Мақсат Мақұлбеков бастаған өнер саласының қызметкерлері режиссердің өмірлік жолы мен қызметіне арналған сахна қойылымдары мен ән композицияларын орындады. Кеш соңында мерейтой иесі жиналған жұртқа көрсетілген құрмет үшін ризашылығын білдірді.
Хұсейін Әмір-Темір Сырдария ауданында туған. Қызылорда, Талдықорған, Алматы, Шымкент, Орал театрларының сахнасында түрлі жанрдағы, әртүрлі стильдегі 200-ден аса спектакль қойған. Сыр өңіріндегі халық театрларында 15-тен аса спектакльді сахналаған. Өнер иесінің туындылары отандық және шетелдік театрларында қойылып, көрерменнің ыстық ықыласына бөленді.
Шығармашылық жетістіктері үшін кеңестік Мәдениет министрлігінің, 2 мәрте Қазақстан Республикасы Мәдениет министрлігінің, Қызылорда және Алматы облысы әкімінің Құрмет грамоталарымен марапатталған. Қазақстанның еңбек сіңірген қайраткері атағын алды.
<img src="https://kyzylorda-news.kz/wp-content/uploads/2021/12/fb_img_1638620592462.jpg" alt="" />
<img src="https://kyzylorda-news.kz/wp-content/uploads/2021/12/fb_img_1638620596070.jpg" alt="" />
<img src="https://kyzylorda-news.kz/wp-content/uploads/2021/12/fb_img_1638620598352.jpg" alt="" />
<img src="https://kyzylorda-news.kz/wp-content/uploads/2021/12/fb_img_1638620600940.jpg" alt="" />
<img src="https://kyzylorda-news.kz/wp-content/uploads/2021/12/fb_img_1638620607073.jpg" alt="" />
<img src="https://kyzylorda-news.kz/wp-content/uploads/2021/12/fb_img_1638620610186.jpg" alt="" />
<img src="https://kyzylorda-news.kz/wp-content/uploads/2021/12/fb_img_1638620612817.jpg" alt="" />
<img src="https://kyzylorda-news.kz/wp-content/uploads/2021/12/fb_img_1638620616248.jpg" alt="" />
<img src="https://kyzylorda-news.kz/wp-content/uploads/2021/12/fb_img_1638620618381.jpg" alt="" />
<img src="https://kyzylorda-news.kz/wp-content/uploads/2021/12/fb_img_1638620620327.jpg" alt="" />
<img src="https://kyzylorda-news.kz/wp-content/uploads/2021/12/fb_img_1638620626892.jpg" alt="" />

Театр тарланы Хұсейін Әмір-Темір &#8211; 80 жаста

<a href="https://kyzylorda-news.kz/">Kyzylorda-news.kz.</a>&nbsp; Бүгін облыс әкімі Гүлшара Әбдіқалықова «Болат Өтемұратов қоры» жеке қорының өкілдерімен кездесіп, «Қорқыт Ата» халықаралық әуежайдың жаңа терминалын салу мәселелерін талқылады. Кездесуге Фонд директоры мен өкілдері, облыс әкімі аппаратының басшысы Ерлан Райғаниев, қала әкімі Ғанибек Қазантаев, тиісті басқарма басшылары, «Қорқыт Ата» әуежайының директоры Константин Ни қатысты.
Кездесу барысында аймақ басшысы жаңа әуежай терминалын салудың маңыздылығын атап өтіп, жобаны жүзеге асыруға қолдау көрсетуге ниет білдірген Қор басшылығына алғыс білдірді.
<blockquote>
 «Өздеріңіз білетіндей, әуе көлік кешенін дамыту кез келген мемлекеттің экономикалық саясатының басым міндеттерінің бірі болып табылады. Бүгінде облыс бойынша осындай маңызды жобалардың бірі «Қорқыт Ата» әуежайының жаңа халықаралық жолаушылар терминалының құрылысы болып табылады. Оның үстіне біздің әуежай “халықаралық” мәртебеге ие. «Болат Өтемұратов қоры» біздің ұсынысымызға құлақ асып, жобаны қайырымдылық аясында іске асыруға дайын болғанына қуаныштымыз. Әкімдік өз тарапынан жобаны жүзеге асыруға толық көмек көрсетуге дайын», – деді облыс әкімі.
</blockquote>
«Astana Property Management» ЖШС директоры Дәурен Өтемұратов жобаның Жол картасымен танысып, талқылау қажет бірқатар қосымша мәселелері бар екенін айтты.
Тараптар алдағы уақытта жоба мәселелері толық зерттеп, Қор өкілдерінің Сыр өңіріне сапары барысында қосымша талқылайтын болады. Сондай-ақ, жоба аясында арнайы Жол картасын әзірлеп, қол қояды.
Айта кетейік, биылғы жылы 26 қазан күні Қызылорда облысының әкімдігі, «Қорқыт Ата әуежайы» АҚ және Болат Өтемұратов қоры Қызылорда қаласында «Қорқыт Ата» әуежайының жаңа жолаушылар терминалын салу бойынша ынтымақтастық туралы Меморандумға қол қойды. Қор жобаны толық қаржыландырмақ, құрылыс жұмыстарының басталуы 2022 жылға жоспарланған.
Құрылысы аяқталған соң, жаңа заманауи әуежай халықаралық стандарттардың барлық қажетті талаптарына сәйкес келетін болады. Модернизациядан кейін әуежай сағатына 300 жолаушыға қызмет көрсете алады, бұл қазіргі жолаушылар ағынынан екі есе көп.
Бүгінгі күні «Қорқыт Ата әуежайы» АҚ арқылы аптасына 21 рейс жүзеге асырылады, оның ішінде: Нұр-Сұлтан қаласына – 8, Алматы қаласына – 13 рейс. Бұл рейстерді «Air Astana», «Qazaq Air» және «Fly Arystan» авиакомпаниялары орындайды.
<img src="https://kyzylorda-news.kz/wp-content/uploads/2021/12/263373800_198038852517367_4965671587218278432_n.jpg" alt="" />
<img src="https://kyzylorda-news.kz/wp-content/uploads/2021/12/263937068_198038772517375_63126953998990868_n.jpg" alt="" />

«Қорқыт ата» халықаралық әуежай терминалының құрылысы мәселелері талқыланды

<a href="https://kyzylorda-news.kz/">Kyzylorda-news.kz.</a>&nbsp; Қазіргі уақытта желіде жолаушылар тасымалымен айналысатын жеке тұлғалардың яғни такси жүргізушілеріне мобильді аударымдардан бас тартып, қолма-қол ақшаға көшуге шақыратын ақпараттар таралуда.
&nbsp;Қызылорда облыстық кірістер департаментінің дерегінше салық заңнамасына мобильді аударымдарды пайдалануға қатысты енгізілген өзгертулер, жеке тұлғалардың жеке аударымдарын кәсіпкерлік мақсатта жүзеге асырылатын мобильді төлемдерден бөлуге арналған. Олар бизнес қауымдастықпен және банктермен бірнеше рет талқыланды.
Бұл бастамалардың мақсаты цифрлық кеңістікте бизнесті дамытуды көздейді, қолма-қол ақшаға көшуді мүлдем көздемейтінін ескеріңіз.
<blockquote>
 «Мұнымен қоса, барлық мәліметтер мемлекеттік кіріс органдарына беріледі екен деген ақпарат та негізсіз. Алаңдауға ешқандай негіз жоқ. 2022 жылдан бастап банктерден тек кәсіпкерлік шоттарына түскен төлемдер туралы ақпарат алу жоспарлануда. Сондықтан, жеке аударымдарға салық салынбайды. Ал егер сіз жеке кәсіпкер болсаңыз, салық салу бойынша өзіңізге ыңғайлы режимді таңдай аласыз. Мысалы, такси жүргізушілері патент негізінде арнайы салық режимін қолдана алады. Бұл режим табысы жылына 10 миллион 300 мың теңгеден аспайтын жағдайда ғана қолданылады. Кассалық аппараттарға қатысты. Қазір бірнеше мобильді қосымшалар бар. Кәсіпкер онлайн кассаның мобильді нұсқасын жүктеп алып, заңды түрде пайдалана алады», – делінген Қызылорда облыстық кірістер департаментінің таратқан хабарламасында.
</blockquote>
Ал салық есептілігі e-SalyqBusiness қосымшасын енгізу арқылы автоматты түрде жасалады. Бұл шаралардың барлығы бизнесті жүргізуді одан әрі жеңілдетуге бағытталған.
Еске салайық, қабылданған мораторий аясында жеке кәсіпкерлер 2023 жылға дейін табыс салығын төлеуден босатылған.
Аталған департамент өкілдері кәсіпкерлерді арандатушылыққа бой алдырмай, уәкілетті органдардың ресми ақпаратына ғана сенуге шақырды.

Жеке аударымдарға салық салынбайды

<a href="https://kyzylorda-news.kz/">Kyzylorda-news.kz.</a> Қазақстан Республикасы Тәуелсіздігінің 30 жылдық мерейтойы қарсаңында Семей қаласының Шәкәрім атындағы университетінде өткен республикалық турнир өз мәресіне жетті.
Дзюдодан ұйымдастырылған жарысқа Алматы, Өскемен, Орал, Семей, Қызылорда қалаларынан 7 команда қатысты. Байрақты бәсекеде аймақ намысын қорғаған Қорқыт Ата атындағы Қызылорда университеті командалық есеп бойынша ІІ орынға ие болды.
Дүбірлі додада қыздар арасында Айгерім Кеңесова (52 кг), Динара Махамадиярова (63 кг) алтыннан алқа тақса, ерлер арасында Нұрасыл Өмірзақ (90 кг) жеңіс тұғырынан көрінді. Күміс медаль 57 кг салмақта белдескен Салтанат Тұңғатарова табысталды. Ал Сымбат Айдархан (57 кг), Ардақ Жұмабайұлы (66 кг) және Ғабит Темірбай (60 кг) жүлделі үшінші орын иемденді.
<blockquote>
 «Біздің жетістігіміз – командалық жұмыстың нәтижесі. Осы жолы қоржынға 3 алтын, 1 күміс және 3 қола медаль түсті. Кез келген жеңістің артында үлкен еңбек бар. Әр жарыстың алдында спортшыларды жігерлендіріп, әрқайсысының жеңіске жетуге мүмкіндігі бар екенін айтамын. Жалпы бапкер болу үлкен жауапкергілікті талап етеді. Себебі, әр студенттің қауіпсіздігі, дайындығы, олардың жарыс алдындағы көңіл-күйі бәрі бапкердің бақылауында. Алдағы мақсатымыз бұдан да жоғары жарыстарда бақ сынап, жеңіске жету», – деді университеттің «Дене шынықтыру және бастапқы әскери дайындық» кафедрасының аға оқытушысы Асылбек Төлегенов.
</blockquote>
Сондай-ақ, алтын медаль иеленген Айгерім Кеңесова өз елінде алған жүлденің орны бөлек екенін атап айтты.
<blockquote>
 «Өйткені тек оқу орнының ғана емес, тұтас бір өңірдің намысын қорғаймыз. Бұл жауапкершілікті арттырып, алдағы халықаралық сайыстарға үлкен тәжірибе болады», – дейді спортшы.
</blockquote>
<img src="https://kyzylorda-news.kz/wp-content/uploads/2021/12/1-1-1.jpg" alt="" />

Қызылордалық команда республикалық турнирде ІІ орын иеленді

Kyzylorda-news.kz. Бүгін облыс әкімі Гүлшара Әбдіқалықова ел Тәуелсіздігінің 30 жылдығы қарсаңында Жаңақорған ауданындағы бірқатар әлеуметтік нысандарды ашты.
Аймақ басшысы алдымен Төменарық ауылдық округіндегі мемлекеттік-жекешелік әріптестік аясында салынған спорт кешенінде болды. Жаңа ғимарат құрылысын «Айару» дара кәсіпкерлігі жүргізген. 12 адамды жұмыспен қамтыған спорт кешенінде қазір 170-ке жуық бала еркін күреспен айналысып, дзюдо және баскетболмен жаттығуда. 
Облыс әкімі балалардың спортпен машықтануына жағдай жасаған кәсіпкермен пікірлесіп, спортзалда шынығып жатқан жасөспірімдермен тілдесті. Сондай-ақ, ауылдық округтегі ақсақалдармен кездесіп, ауылды дамытуға қажетті ұсыныстарын тыңдады.
Әрі қарай облыс әкімі Келінтөбе ауылдық округіне барды. 4 мыңға жуық тұрғыны бар елді-мекенде кәсіпкерлікке ден қойған азаматтар көп. Мәселен, биыл ауылдың 12 тұрғыны «Бастау бизнес» бағдарламасы арқылы кәсіпкерліктің қыр-сырын үйренсе, 8 адам кәсібін дамыту үшін грант иегері атанған. Мұнда өңір басшысы жаңадан салынған әкім аппаратының ғимаратымен танысты. Нысан тамыз айында пайдалануға берілген. Ғимаратта халыққа қызметке көрсету бұрышы жұмыс істейді. 
Гүлшара Әбдіқалықова Қандөз елді мекенінде мемлекеттік-жекешелік әріптестік аясында салынған спорт кешенінің жұмысымен де танысты. Өткен жылдың наурыз айында пайдалануға берілген нысанда бүгін 126 бала спорттың 3 түрі бойынша жаттығады. Спорт кешені арқылы 11 ауыл тұрғыны тұрақты жұмыспен қамтылған.
Мұнда да облыс әкімі ауыл тұрғындарымен кездесіп, инфрақұрылым мәселелеріне қатысты ұсыныс-пікірлерін тыңдап, мәселелерді кезең-кезеңімен шешілетінін қаперге салды. 
Өңір басшысы Президент тапсырмасына сәйкес өңірдегі 2156 баланы қамтитын мемлекеттік спорттық тапсырысты қаржыландыруды 2021 жылғы 212 млн. теңгеден, келер жылы 638 млн. теңгеге ұлғайту жоспарда бар екенін және осы арқылы 4312 баланы бұқаралық спортқа тарту көзделгенін алға тартты. Сондай-ақ, ауыл спортын көтеруге атсалысып, жеке қаражаты есебінен нысан салып мүдделестік танытқан кәсіпкерлерге алғысын білдірді.
Мұнан соң аймақ басшысы ауданға қарасты Жаңарық елді-мекеніндегі мемлекеттік-жекешелік әріптестік аясында салынған ауылдық дәрігерлік амбулаторияның ашылу рәсіміне қатысты. Салтанатты шарада өңір басшысы ұлт денсаулығын нығайту мемлекеттік саясаттың басым бағыттарының бірі екенін, дәрігерлік амбулаторияның ашылуы ауыл тұрғындарына медициналық көмекті қолжетімді етуге мүмкіндік беретінін тілге тиек етті.
<blockquote>
 Мемлекет басшысының өткен жылғы Жолдауында денсаулық сақтау ісінің тиімді моделін құру арқылы 3 жыл ішінде барлық ауылдық елді мекенді фельдшерлік-акушерлік пункттермен және дәрігерлік амбулаториялармен қамтамасыз ету қажеттігін айтты. Аймақтың барлық аудандарында медициналық объектілер жаңадан салынуда. 
 Былтыр Жалағаш ауданында 100 төсектік заманауи орталық ауруханыны пайдалануға берсек, осы жылы тамыз айында облыс орталығынан Модульді жұқпалы аурулар ауруханасын пайдалануға бердік. Жыл соңына дейін Қазалы ауданынан 250 келушіге арналған емхананы ел игілігіне табыстайтын боламыз. 
 Міне, бүгін Жаңарық ауылындағы ауылдық дәрігерлік амбулаторияның ашылуының куәсі болып тұрмыз. Жаңа амбулаторияны мемлекеттік-жекешелік әріптестік негізінде «Ныш-Ер» құрылыс компаниясы қысқа мерзімде салып, Сіздердің игіліктеріңізге пайдалануға беріп отыр. Жаңа нысан ауыл тұрғындарының дертіне шипа табатын орынға айналуына шын жүректен тілектеспін,-деді Гүлшара Әбдіқалықова.
</blockquote>
Айта кетейік, ауданда 3 дәрігерлік амбулатория салынуда. Ал, жаңа дәрігерлік амбулаторияда егу бөлмесі, дәрігерлерге дейінгі қабылдау және күндізгі жатын бөлмелері бар.
<img src="https://kyzylorda-news.kz/wp-content/uploads/2021/12/fb_img_1638444678586.jpg" alt="" />
<img src="https://kyzylorda-news.kz/wp-content/uploads/2021/12/fb_img_1638444695848.jpg" alt="" />
<img src="https://kyzylorda-news.kz/wp-content/uploads/2021/12/fb_img_1638444688945.jpg" alt="" />
<img src="https://kyzylorda-news.kz/wp-content/uploads/2021/12/fb_img_1638444684890.jpg" alt="" />

Облыс әкімі Жаңақорған ауданындағы бірқатар әлеуметтік нысандарды ашты

<a href="https://kyzylorda-news.kz/">Kyzylorda-news.kz.</a> Қызылорда қаласындағы №3 емханаға қарасты тіркелген емделушілердің 1242-і «Pfizer» вакцинасын алған. Оның ішінде 647- оқушы, 444-студент, 125-жүкті әйел, 26-емізулі ана деді Өңірлік коммуникациялар қызметінде өткен баспасөз конференциясында 3 қалалық емхананың педиатр дәрігері Элеонора Қайырғалиева.
Жалпы алғанда, «Pfizer» вакцинасын Дүниежүзілік денсаулық сақтау ұйымы 12 жастан 18 жасқа дейінгі балалар мен жасөспірімдерді, жүкті әйелдер мен бала емізетін аналарды вакцинациялау үшін ұсынады. Қазіргі уақытта әлемнің 20-дан астам елінде 12 жастан бастап егеді. Ал жекелеген елдерде 3 не 5 жастан бастап балаларға вакцинация жүргізуде. Америкада «Pfizer» вакцинасын 8 миллион адам алған.
<blockquote>
 «Қазақстанда коронавирустық инфекцияларға қарсы вакцина тегін жүргізіледі және ерікті болып табылады. 12 жастан 17 жасқа дейінгі жасөспірімдерді вакцинациялауға ата-аналарының немесе олардың олардың заңды өкілдерінің хабардар етілген жазбаша келісімімен ғана жол беріледі. Қазақстанда вакцинациядан бас тартқаны үшін әкімшілік немесе қылмыстық жауапкершілік қарастырылмаған», – деді Э.Өмірқызы.
</blockquote>

Элеонора Қайырғалиева: Вакцина тегін және ерікті түрде жүргізіледі

Kyzylorda-news.kz. Бүгін Нұр-Сұлтан қаласында 1-желтоқсан Тұңғыш Президент күніне орай қазақ күресінен “Үздіктердің үздігі” жылдың ең үздік балуанын анықтауға арналған турнир өтті.
Турнирге жыл көлемінде үздік өнер көрсеткен, рейтинг бойынша жоғары тұрған спортшылар қатысты.
Шараны ҚР Мәдениет және спорт министрі Ақтоты Рахметоллақызы ашып, балуандарға сәттілік тілеп, барша жиналған қауымды мерейлі мерекемен құттықтады.
Облыстың намысын 5 спортшымыз қорғады. Нәтижесінде 55 келі салмақта Төлепов Бекжан – 1 орын, +100 келі салмақта Мақсат Исағабылов -1 орын иеленді. Қос балуан “Бас балуан” атағына ие болды 
Жаттықтырушылары Бақытбек Кенеев.
<img src="https://kyzylorda-news.kz/wp-content/uploads/2021/12/fb_img_1638374282007.jpg" alt="" />

Қазақ күресі: Сыр балуандары топ жарды

<a href="https://kyzylorda-news.kz/">Kyzylorda-news.kz.</a> Бүгін қала орталығынан «Қаламгерлер аллеясы» ашылды.
Бұған дейін шаһар басшысы Ғанибек Қазантаев Сыр журналистерімен кездесуде айтылған ұсыныстарды қабыл алып, «Қаламгерлер аллеясын» ашуды жоспарлаған болатын. Ол орын Сырдың алыптары – Қалтай Мұхамеджанов, Әбділдә Тәжібаев және Зейнолла Шүкіровтердің ескерткіші орналасқан аумақ болып белгіленді.
Шарада қала әкімінің орынбасары Бектас Нуридинов қаламгерлерді Ел тәуелсіздігінің 30 жылдығымен және «Қазақстан Республикасының Тұңғыш Президенті күнімен» құттықтады.
<blockquote>
 «Алыптардың ескерткіші орналасқан орда Сіздердің шығармашылықтарыңызға шабыт шақырар, рухтарыңызды асқақ етіп, болашаққа құнды мұра қалдырар орын бола бергей»,- деп жылы лебізін арнады.
</blockquote>
Ардагер журналистер Жолдасбек Ақсақалов және Игорь Титенок «Қаламгерлер аллеясының» салтанатты түрде лентасын қиып, ашып берді.
Қаламгерлер аллеясы алдағы уақытта шығармашылыққа жақын жандардың бас қосар алаңына айналып, түрлі шараларды өткізетін рухани орын болмақ.
<img src="https://kyzylorda-news.kz/wp-content/uploads/2021/11/262603589_2973821412884597_5935292169558744259_n.jpg" alt="" />
<img src="https://kyzylorda-news.kz/wp-content/uploads/2021/11/262418577_2973821296217942_896183790404112714_n.jpg" alt="" />
<img src="https://kyzylorda-news.kz/wp-content/uploads/2021/11/262612410_2973821409551264_4533127520609798967_n.jpg" alt="" />
<img src="https://kyzylorda-news.kz/wp-content/uploads/2021/11/262819278_2973821436217928_8417027711255027318_n.jpg" alt="" />

Қызылордада «Қаламгерлер аллеясы» ашылды

<a href="https://kyzylorda-news.kz/">Kyzylorda-news.kz.</a>&nbsp; Облыс көлемінде «Жол» бағдарламасы аясында облыстық бюджеттен 9 млрд. 600 млн теңге қаржы бөлініп, ұзындығы 216 км құрайтын жол күрделі жөндеуден өтті. Бүгінде облыстық және аудандық маңызы бар 45 автомобиль жолына жөндеу жұмыстары жүргізілуде. Бұл туралы Өңірлік коммуникациялар қызметінде өткен брифингте облыстық жолаушылар көлігі және автомобиль жолдары басқармасының басшысы Мұрат Тілеумбетов хабарлады.
<blockquote>
 «Облыстық және аудандық маңызы бар 45 автомобиль жолына жөндеу жұмыстары жүргізілуде. Тиісінше пайдалануға берілетін 24 автокөлік жолы келесі жылға өтпелі болып табылады. Сонымен қатар, Жалағаш және Сырдария аудандарының облыс орталығымен байланыстыратын ұзындығы 91км құрайтын «Қызылорда-Жалағаш» тас жолын жөндеуден өткізу жұмыстары басталды. Жалпы аудан орталығындағы елді мекендерді байланыстыратын және ауылдың кіре беріс жолдарын дамыту мақсатында 2021-2023 жылдарға арналған жол картасы негізінде жүргізілуде», – деді басқарма басшысы Мұрат Жолкелдіұлы.
</blockquote>
Облыс бойынша «Жол активтерінің ұлттық сапа орталығы» биылғы жылдың он бір айында 223 нысанға 473 рет тексеру жүргізді. Қазіргі таңда талапқа сай келмеген 460 жол құрылыс материалдарының 189 сынамасы қалпына келтірілген.
<blockquote>
 «Тексеру барысында 1297 сынама алынып тексерілді. Оның ішінде 460 жол құрылыс материалдарының сынамалары нормативтік құжаттардың талабына сай болмай шықты. Аспаптық тексеру барысында 190 ақау анықталды. Оның 59 өрескел екендігі белгілі болды. Республикалық маңызы бар жолдар бойынша 5 нысанға 158 тексеру жұмыстары жүргізілді. Ал жергілікті маңызы бар жолдардың 150 нысаны 224 рет тексерілді. Нәтижесінде, 383 жол құрылыс материалдарының сынамалары талапқа сай еместігі анықталды. Жіберілген кемшіліктер толығымен қайта қалпына келтірілді», – деді «Жол активтерінің ұлттық сапа орталығы» Қызылорда облыстық филиалының директоры Ерболат Көштаев.
</blockquote>

Қызылордада 45 автомобиль жолы  жөнделіп жатыр

<a href="https://kyzylorda-news.kz/">Kyzylorda-news.kz.</a> Аймақта жыл басынан бері тұтынушылар құқығын қорғау органына 435 арыз-шағым түскен. Бұл өткен жылмен салыстырғанда 2,8 есеге көп. Яғни басым бөлігі тұрмыстық қызмет, қаржылық, медициналық, жолаушылар тасымалы, тұрғын үй коммуналдық шаруашылығы, бөлшек сауда саласына қатысты. Бұл туралы Өңірлік коммуникациялар қызметінің ақпараттық алаңында өткен брифингте облыс бойынша тұтынушылардың құқықтарын қорғау департаментінің басшысы Ерқасым Сүлейменов мәлімдеді.
Брифингте сала басшысы құзырлы органга түскен өтініштердің 352-не жауап берілгенін және 63-і түсіндіріліп, 19-ы басқа мемлекеттік органга жолданғанын айтты. Нәтижесінде тұтынушыларға 2,3 млн. теңге қаражат қайтарылған.
<blockquote>
 «Департамент жанынан тұтынушылардың сұрақтарына жауап беру мақсатында «үйлестіру комиссиясы» құрылды. Осы кезеңге дейін аталған комиссияның 3 отырысы өткізілді. Алғашқы жиында бірқатар әлеуметтік-проблемалық мәселелер талқыланды. Мәселен, су, жылу, газбен жабдықтауда қызметтердің тиісті деңгейде көрсетілмеуі, қоқыс шығару бойынша сапасыз қызметтерге, пәтер иелері кооперативі ұйымның төрағасымен міндеттерінің тиісті деңгейде орындалмауына, медициналық қызметтер бойынша жедел жәрдемнің уақытылы және сапалы жұмыс істемеуі, ауруханаға жатқызудан негізсіз бас тарту, мекемелерде санитарлық нормаларының сақталмауы, медициналық мекемелердегі ұзын сонар кезектер және т.б. Осыған орай, әлеуметтік проблемалық мәселелерді шешу жөніндегі іс-шаралар жоспары әзірленіп, облыс әкімдігімен бекітілді. Сондай-ақ тиісті мемлекеттік органдар тарапынан жұмыстар жүргізілуде»,-деді Ерқасым Жайбергенұлы.
</blockquote>
Айта кетейік, алдағы уақытта да департамент қызметкерлері әрбір тұтынушының көтерген мәселесін Заңға сәйкес оң шешілуі бағытында жұмыстарын жүргізе бермек.

Қызылорда: Тұтынушыларға 2,3 млн. теңге қайтарылған

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықованың төрағалығымен 1 желтоқсан – ҚР Тұңғыш Президенті күніне арналған «Тұңғыш Президент және Тәуелсіз Қазақстан: өркендеудің 30 жылы» атты республикалық ғылыми-практикалық конференция өткізілді.
Конференцияға ҚР Парламенті Сенатының Әлеуметтік-мәдени даму және ғылым комитетінің төрағасы, саяси ғылымдар докторы Мұрат Бақтиярұлы, облыстық мәслихаттың хатшысы Наурызбай Байқадамов, Ұлттық ғылым академиясының академигі, облыстық Қоғамдық кеңестің төрағасы Бақберген Досманбетов, облыстық ардагерлер кеңесінің төрағасы Серік Дүйсенбаев, белгілі әнші-композитор Жеңіс Сейдоллаұлы, айтыскер ақын, үш дүркін «Алтын домбыра» иегері Мұхтар Ниязов, Сыр толағайы, ауыр атлетші Илья Ильин, зиялы қауым өкілдері, облыстық Қазақстан халқы Ассамблеясының белсенділері, жоғары оқу орындарының басшылары мен ғалымдары, басқарма басшылары, үкіметтік емес ұйым өкілдері және онлайн байланыс арқылы аудан әкімдері мен зиялы қауым өкілдері қатысты.
Аймақ басшысы Сыр халқын ҚР Тұңғыш Президенті күнімен құттықтап, Тәуелсіз Қазақстанның даму белесінде Елбасының рөлі мен жаңғыру кезеңіндегі Сыр елінің жетістігін тізбектеп берді.
<blockquote>
 Баршаңызды Тәуелсіз еліміздің мәртебелі мерекесі – Қазақстан Республикасының Тұңғыш Президенті күнімен құттықтаймын! Биыл бірлігі бекем, татулығы жарасқан Қазақстан халқы Тәуелсіздіктің 30 жылдығын атап өтуде. Елбасының көшбасшылығы арқасында саяси жүйесі тұрақты, экономикалық әлеуеті мықты, ұлттық рухы берік, халықаралық беделі зор қуатты мемлекетті құрдық. Осы жасампаз істерді Елбасының серігі, Президентіміз Қасым-Жомарт Кемелұлы Тоқаев жүйелі түрде жүзеге асыруда. Еліміз тәуелсіздік жылдары қаншалықты толымды табыстарға қол жеткізсе, оған Сыр елі де өз үлесін қосуда. 
 «Сыр – Алаштың анасы», бұл – қазақ елінің алғашқы астанасы Қызылорда жайлы Елбасының сөзі. 
 Екіншіден, Отандық ғарыш кеңістігінің өркендеуі. Қызылорда облысы – Қазақстанда ғана емес әлемде ғарыштық кешен орналасқан стратегиялық маңызы бар өңір. 
 Үшіншіден, халықаралық сарапшылар тарапынан «Ғасыр жобасы» аталған Арал теңізін сақтап қалу идеясы. Экологиялық апат аймағы ретінде тарап кеткелі тұрған облысымыз Тұңғыш Президентіміздің дана саясатымен Тәуелсіздік тарихында өз орнын сақтап қалды. 
 Төртіншіден, «Батыс Еуропа – Батыс Қытай» жолы арқылы ел мен елді, жер мен жерді жақындатты. Бұл барлық ауданы теміржол мен автокөлік жолының бойында орналасқан Сыр елі үшін ең тиімді инфрақұрылымдық шешім, – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/11/262919220_196208636033722_4509026016156636189_n.jpg" alt="" />
Конференцияда Мұрат Бахтиярұлы «Елбасы және ел тәуелсіздігі», Наурызбай Байқадамов «ҚР Тұңғыш Президенті – Елбасы Н.Ә.Назарбаевтың Тәуелсіз Қазақстанды қалыптастырудағы рөлі», Бақберген Досманбетов «Елбасы – елорда архитекторы», Серік Дүйсенбаев «Тұңғыш Президент және Сыр өңіріндегі дамудың өрелі 30 жылы» тақырыбында баяндама жасап, Ұлт көшбасшысы Ұлы даланың ұлы есімдерінің тікелей жалғасы, Тәуелсіз Қазақстанның негізін қалаушы ұлы реформатор Нұрсұлтан Назарбаевтың сарабдал саясаты туралы сөз қозғады.
Сонымен қатар облыстық Қазақстан халқы Ассамблеясы төрағасының орынбасары, неміс этномәдени бірлестігінің төрағасы Ирина Шек «Елбасы және Қазақстан халқы Ассамблеясы: бейбітшілік пен келісім жолы» тақырыбында баяндама жасаса, Жеңіс Сейдоллаұлы, Мұхтар Ниязов, Илья Ильин мен Талғат Тілес Тәуелсіз Қазақстанды қалыптастыру жолындағы азаматтардың үлесі туралы ой қозғап, жүрекжарды пікірлерін жеткізді.
<img src="https://kyzylorda-news.kz/wp-content/uploads/2021/11/262902757_196209012700351_1272248834876290106_n.jpg" alt="" />
<img src="https://kyzylorda-news.kz/wp-content/uploads/2021/11/262859428_196208939367025_6213194692619163956_n.jpg" alt="" />
<img src="https://kyzylorda-news.kz/wp-content/uploads/2021/11/262719848_196208972700355_9178996250587879210_n.jpg" alt="" />

Елбасының ерен еңбегі: Қызылордада Тұңғыш Президент күніне арналған республикалық конференция өтті

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 654адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 108,
Алматы қаласы – 34,
Шымкент қаласы – 3,
Ақмола облысы – 63,
Ақтөбе облысы – 8,
Алматы облысы – 27,
Атырау облысы – 4,
Шығыс Қазақстан облысы – 30,
Жамбыл облысы – 8,
Батыс Қазақстан облысы – 9,
Қарағанды облысы – 103,
Қостанай облысы – 68,
Қызылорда облысы – 6,
Маңғыстау облысы – 3,
Павлодар облысы – 90,
Солтүстік Қазақстан облысы – 85,
Түркістан облысы – 5.
Жалпы ел бойынша ауырғандар саны 971541.

Қазақстан және Қызылорда облысының жаңалықтары: Басты жаңалықтар old

Театр тарланы Хұсейін Әмір-Темір – 80 жаста

«Қорқыт ата» халықаралық әуежай терминалының құрылысы мәселелері талқыланды

Жеке аударымдарға салық салынбайды

Қызылордалық команда республикалық турнирде ІІ орын иеленді

Облыс әкімі Жаңақорған ауданындағы бірқатар әлеуметтік нысандарды ашты

Элеонора Қайырғалиева: Вакцина тегін және ерікті түрде жүргізіледі

Қазақ күресі: Сыр балуандары топ жарды

Қызылордада «Қаламгерлер аллеясы» ашылды

Қызылордада 45 автомобиль жолы жөнделіп жатыр

Қызылорда: Тұтынушыларға 2,3 млн. теңге қайтарылған

Елбасының ерен еңбегі: Қызылордада Тұңғыш Президент күніне арналған республикалық конференция өтті

COVID-19: Өткен тәуліктегі мәлімет жарияланды

Қазақстан және Қызылорда облысының жаңалықтары: Басты жаңалықтар old

Театр тарланы Хұсейін Әмір-Темір &#8211; 80 жаста

«Қорқыт ата» халықаралық әуежай терминалының құрылысы мәселелері талқыланды

Жеке аударымдарға салық салынбайды

Қызылордалық команда республикалық турнирде ІІ орын иеленді

Облыс әкімі Жаңақорған ауданындағы бірқатар әлеуметтік нысандарды ашты

Элеонора Қайырғалиева: Вакцина тегін және ерікті түрде жүргізіледі

Қазақ күресі: Сыр балуандары топ жарды

Қызылордада «Қаламгерлер аллеясы» ашылды

Қызылордада 45 автомобиль жолы жөнделіп жатыр

Қызылорда: Тұтынушыларға 2,3 млн. теңге қайтарылған

Елбасының ерен еңбегі: Қызылордада Тұңғыш Президент күніне арналған республикалық конференция өтті

COVID-19: Өткен тәуліктегі мәлімет жарияланды

Театр тарланы Хұсейін Әмір-Темір – 80 жаста