Kyzylorda-news.kz. Қызылорда өңірінде Мәжіліс және мәслихат депутаттарын сайлауын өткізу жұмыстары қарқынды жүруде.
Өңірде барлығы 516 сайлау комиссиясы жұмыс істейді. Оның 9 аумақтық, 134 округтік, 373 учаскелік.
Сайлау процессінің ашық әрі әділ өтуін қамтамасыз ету үшін сәрсенбі күннен бастап барлық сайлау комиссия мүшелеріне оқыту және әдістемелік бағыт-бағдар беру үшін арнайы оқыту-семиналары басталды. Барлығы 1500-ге жуық маман оқытылады.
Президент жанындағы мемлекеттік басқару академиясының облыстық филиалында алғашқы үш күн Қызылорда қаласының мамандарын оқытуға арналды.
Келер аптадан бастап барлық аудандағы сайлау комиссиясының мүшелері үшін көшпелі оқыту-семиналары өткізіледі.
Учаскелік, округтік сайлау комиссиясының мүшелері сайлау туралы заңнамадағы өзгерістер, үгіт-насихат жұмыстарын жүргізу, байқаушылармен жұмыс жасау, дауыс беру тәртібі, кандидаттармен жұмыс жүргізудің жолдары тақырыбында ақпараттар алып, өзара пікір алмасты.
