Коронавирус: Қытайда науқастардың 93%-дан астамы ауруынан айыққан – Kyzylorda News
Басты бет

Коронавирус: Қытайда науқастардың 93%-дан астамы ауруынан айыққан

23.04.2020, 11:00

556 0

Kyzylorda-news.kz. Қытайда коронавирус инфекциясымен ауырған науқастардың 93%-дан астамы ауруынан айыққан, деп хабарлайды Төтенше жағдай режимін қамтамасыз ету жөніндегі Мемлекеттік комиссияның Жедел штабына сілтеме жасап.

Қазіргі уақытта бұл елде сырттан келген және жергілікті жерде коронавирус инфекциясын жұқтырғандардың саны күн сайын азайып келеді. Соңғы мәліметтерге сәйкес, Қытайда коронавирусты жұқтырғандар саны 82 798-ді құраған, оның 77 207-сі емделіп, ауруханадан шығарылған. Бұл жалпы науқастар санының 93,2%-ын құрайды. Ауруханаларда шамамен 1 мың емделуші қалған.

ҚХР Денсаулық сақтау мәселелері жөніндегі мемлекеттік комитетінің мәліметтері бойынша, коронавирус инфекциясын жұқтырғандардың 93,2%-ы сауығып, 5,59%-ы қайтыс болған.