<a href="https://kyzylorda-news.kz/">Kyzylorda-news.kz</a>&nbsp; Қазақстанда ұстаздарды қолдау мақсатында «Үздік педагог» байқауы басталды. Жеңімпаздарға 1000 АЕК (3,9 млн теңге) көлемінде мемлекеттік сыйақы қарастырылған,&nbsp;деп хабарлайды<a href="https://el.kz/qazaqstanda-mugalimderge-4-mln-tenge-syyaqy-beriledi_400029482/">&nbsp;El.kz</a>&nbsp;интернет порталы.Оқу-ағарту министрлігінің&nbsp;мәліметінше, байқау аясында мұғалімнің білім саласын дамытуға қосқан үлесі, ұстаз қызметінің тиімділігі мен оның кәсіби шеберлігі ескеріледі.Жарысқа мектепке дейінгі, орта, техникалық және кәсіптік білім беру ұйымдарының педагогтері қатыса алады.Конкурс үш кезеңнен тұрады:<ul><li style="text-align:justify;">1-кезең – аудандық, қалалық деңгей (8-25 шілде);</li><li style="text-align:justify;">2-кезең – облыстық деңгей (28 шілде- 15 тамыз);</li><li style="text-align:justify;">3-кезең – республикалық деңгей (18 тамыз – 18 қыркүйек).</li></ul>Екі кезеңнің қорытындысы бойынша ең жоғары ұпай жинаған педагогтер республикалық деңгейге өтеді. Байқауға қатысуға өтінімдерді қабылдау, тіркеу, конкурс құжаттарын тапсыру, бағалау uzdikustaz-nobd.edu.kz веб-порталында жүзеге асырылады.Айта кетейік, «Үздік педагог» Республикалық конкурсы – 2012 жылдан бері өткізіліп келе жатқан дәстүрлі байқау.«Үздік педагог» атағына білім беру ұйымдарында жұмыс істейтін және құжаттарды тапсыру кезінде кемінде бес жыл үздіксіз педагогикалық өтілі бар педагогтер үміткер бола алады. Олар – балабақша, мектеп, колледж мұғалімдері. Байқауға қатысу туралы қосымша ақпаратпен Оқу-ағарту министрлігінің сайтынан танысуға болады.Фото: Нұрболат Нұржаубай

Үздік мұғалімдерге 4 млн теңге сыйақы беріледі

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Парламент Мәжілісінің депутаты Мұрат Әбенов және облыстық мәслихат төрағасы Мұрат Тілеуімбетовпен бірге Қызылорда қаласындағы білім беру мекемелерінің құрылыс барысымен танысты.<img src="https://knadmin.beoblood.kz/uploads/stroitelstvo_shkoly_Foto_oblakimat_3_7c0896436e.jpg" alt="строительство школы Фото облакимат 3.jpg">Алдымен СПМК-70 мөлтек ауданындағы 1500 орындық жаңа мектептің құрылыс алаңында болды. Бас мердігер &nbsp;“Integra Construction KZ” серіктестігі құрылыс-монтаж жұмыстарын аяқтауға жақын. Ғимараттың қабырғалары толық қаланып, іші әрленуде, инженерлік жүйелері орнатылуда. Құрылысқа 11 инженер-техникалық қызметкер, 183 жұмысшы және 6 техника жұмылдырылған.Арай мөлтек ауданындағы &nbsp;1500 орындық мектептің де құрылысы қарқын алған. Бас мердігер “Абу-Сер” серіктестігі ішкі әрлеу, есік-терезе орнату, жылу жүйелерін монтаждау және аулаға инженерлік желілерді тарту жұмыстарын атқаруда. Құрылыс басында 10 инженер, 185 жұмысшы еңбек етуде, 22 техника іске қосылған. Мектеп тамыз айында пайдалануға беріледі деп жоспарлануда.<img src="https://knadmin.beoblood.kz/uploads/stroitelstvo_shkoly_Foto_oblakimat_2_e0d2933cb3.jpg" alt="строительство школы Фото облакимат 2.jpg">

Облыс әкімі білім ордаларындағы құрылыс жұмыстарын көрді

<a href="https://kyzylorda-news.kz/">Kyzylorda-news.kz</a> ҚР Парламенті Мәжілісінің депутаты Мұрат Әбенов Өнер орталығында өткен &nbsp;Қорқыт Ата атындағы Қызылорда университеті «Педагогика және дәстүрлі өнер», «Экономика және құқық» институттарының бітіруші түлектеріне диплом табыстау кешіне қатысты.2024-2025 оқу жылының қорытындысы бойынша Қорқыт ата атындағы Қызылорда университетін барлығы 2579 түлек бітіруде. Оның 2336 бакалавриат, 243 магистратура. Оның 196 үздік диплом иегерлері бар.Салтанатты шарада құттықтау сөз алған халық қалаулысы түлектерді құттықтап, университет ұжымы білім саласының дамуы мен &nbsp;жас ұрпақты оқыту мен тәрбиелеудегі қажырлы еңбектеріне ризашылығын білдірді. &nbsp;Сондай-ақ магистратура білім беру бағдарламалары бойынша университет түлектеріне диплом табыстады.

Университет түлектеріне диплом табысталды

<a href="https://kyzylorda-news.kz/">Kyzylorda-news.kz</a>&nbsp; Мәжіліс депутаты Асхат Аймағамбетов&nbsp;Adal Adam&nbsp;YouTube&nbsp;арнасына берген сұқбатында мұғалімдердің қазіргі уақыттағы бет-бейнесі жөнінде маңызды сөз айтты, деп хабарлайды <a href="https://qaz365.kz/education/14228-askhat-aimagambetov-tiktok-tan-tuspeitin-mug-alimderge-undeu-zhasady/">Qaz365.kz.&nbsp;</a><blockquote>Мен осы мәселені әріптестеріме айтқанда, олар: «Сенің ойың заманауи емес. Сен өзің жап-жассың, неге осындай нәрселерді айтасың?» – деген еді. Мүмкін, бұл консервативті көзқарас болуы мүмкін. Әрине, қазіргі уақыт – TikTok-тың, Instagram-ның, Netflix-тің заманы. Оны түсінеміз, бірақ бізде құндылықтар деген бар, мұғалімнің бейнесі деген бар, директордың өзінің бейнесі бар. Балаларға жақын болу өте маңызды. Мен өзім қазіргі уақытта ұстаздық қызмет атқарып жүрмін. Өзіміз оқушы кезімізде мұғалімдерді ерекше құрметтеп, тіпті дем ала алмай, тапжылмай отыратын сәттеріміз болды. Бәрі бірдей болған жоқ. Сондықтан ұстаздың бейнесі өте маңызды, имиджі өте маңызды, беделі өте маңызды. Оны күнделікті күлкіге, әзілге айналдыруға болмайды. Рилстің аты рилс, жұмысты көрсету керек, балалармен жақын қарым-қатынас болуы керек. Бірақ балалармен анекдот айтып, түрлі трендтен қалмаймын деп жүргені сұрақ туғызады. Әр нәрсенің реті болуы керек. Сол себепті бұл бағытта министрліктің өзіндік бір ұстанымы болуы керек, – деді Асхат Аймағамбетов.</blockquote>Еске салсақ, соңғы кездері мектеп директорлары әлеуметтік желіде әр түрлі тренд түсіруге көшкен.Фото: скрин видео

Асхат Аймағамбетов TikTok-тан түспейтін мұғалімдерге үндеу жасады

<a href="https://kyzylorda-news.kz/">Kyzylorda-news.kz</a> Облыстық мәслихат төрағасы Мұрат Тлеумбетов пен облыстық мәслихаттағы «AMANAT» партиясы депутаттық фракциясының бір топ мүшелері Жаңақорған ауданындағы сапары барасында екі бірдей тынығу лагерінің жұмысына мониторинг жүргізді.Фракция мүшелері алдымен Құттықожа ауылында орналасқан «Тау самалы» тынығу лагерінің жұмысын көрді. Аталған тынығу лагерінде 1 ауысымда 80 оқушы, жазғы маусымда 560 бала тынығады. Табиғаты әсем, тау бөктерінде орналасқандықтан балғындардың таза ауамен белсенді демалуына зор мүмкіндік.Лагер аумағында суға түсетін ашық бассейн, кітапхана, ойын алаңқайлары, жатын орын, асхана қамтылған. Сондай-ақ, балалардың жазғы демалысын қызықты әрі пайдалы өткізу мақсатында интеллектуалдық сайыстар, әртүрлі үйірмелер, ұлттық спорттық ойындар күнделікті ұйымдастырылып отырады. Осы арқылы балалардың денсаулығы мен ойлау қабілетін дамыту басты назарда. Одан бөлек, аудандық мәдениет үйі және спорт бөлімімен біріккен іс-шаралар өткізіліп тұрады,- дейді лагер басшылығы.Облыстық мәслихат төрағасы Мұрат Тлеумбетов жазғы тынығу маусымының сапалы ұйымдастырылуы өскелең ұрпақтың денсаулығы мен тәрбиесіне тікелей әсер ететін маңызды бағыт екендігін атап өтіп, бірінші кезекте балалардың қауіпсіздігі мен демалыс сапасына баса мән беру қажеттігін жеткізді.Мұнан соң, фракция мүшелері ауданға қарасты Бесарық елді мекенінде орналасқан «Қызылорда облыстық қосымша білім беру және олимпиадалар орталығы» лагерінде болды.Бүгінде аталған лагер тек тынығу орны ғана емес, балалардың білім көкжиегін кеңейтетін орталыққа айналған. Жыл сайын 7 ауысымда 2100-ге жуық оқушыны қабылдайтын лагер базасында мектеп бітіруші түлектерге арналған «Алтын белгі» және «Үздік аттестат» иегерлерін дайындауға бағытталған оқу курстары тұрақты ұйымдастырылуда.Лагер аумағындағы жайлы ахуал, жасыл желекке оранған табиғи орта, 4 мезгіл тамақтану, оқушыларға арналған тәрбиелік-танымдық шаралар барлығы да балалар үшін қолайлы жағдай қалыптастырылғанын көрсетеді.Халық қалаулылары лагердің материалдық-техникалық базасымен танысып, тынығушылармен және педагогикалық ұжыммен пікір алмасты. Педагогтар оқу-демалыс бағдарламасының мазмұнына тоқталып, жыл сайын қатысушылар санының артып келе жатқанын жеткізді.Өз кезегінде фракция мүшелеріде балаларға қосымша білім беру жүйесінің маңыздылығына тоқталып, мұндай орталықтардың интеллектуалды ұрпақ тәрбиелеуде айрықша рөл атқаратынын атап өтті.

Лагерлер жұмысына мониторинг жұмыстары жалғасып жатыр

БЕС ЖАҢАЛЫҚ: Апталық шолу

<a href="https://kyzylorda-news.kz/">Kyzylorda-news.kz</a> 2025 жылғы қаңтар–сәуір айлары аралығында ҚР Сауда және интеграция министрлігінің Сауда және тұтынушылардың құқықтарын қорғау комитетінің аумақтық департаменттері азаматтардың құқықтарын жалпы сомасы 690,5 млн теңгеге қорғады. Бұл – жүйелі әрі мақсатты жұмыстың нақты нәтижесі. Аталған кезеңде 122 тұтынушының мүддесін қорғауға бағытталған 34 резонанстық іс қаралып, 461,9 млн теңге көлемінде өтемақы қайтарылды.Осы істердің қатарында қайтарылған сома 5 млн теңгеден асқан жағдайлар да бар. Алматы қаласында пәтер сатып алған азаматқа заңмен көмек көрсетілді. Қабырғалардағы жарықтар, жылу оқшаулауының нашарлығы және шектен тыс шу деңгейі анықталған соң, тұтынушының шағымы негізінде 25,9 млн теңге қайтарылды. Астана қаласында премиум санатындағы автокөлік сатып алған азамат көліктің рулдік басқару жүйесіндегі ақауға тап болған. Сот процесіне департаменттің қатысуымен сатушыдан 45,8 млн теңге өндіру туралы шешім қабылданды. Мұндай ақауы бар автокөлікке қатысты істердің жалпы саны 21, ал қайтарылған қаражат көлемі 338,2 млн теңгені құрады. Сонымен қатар, Павлодар облысында үш тұтынушыға 53,8 млн теңге, Қызылорда облысында техникалық талаптарға сай келмеген ойын жабдықтарын сатып алған тұтынушыға 6,4 млн теңге қайтарылды.Бірнеше адамның құқықтары бұзылған ұжымдық шағымдарға да ерекше назарда. Павлодар облысында толық ақпарат берілмей рәсімделген косметикалық өнімдерге арналған несиелер бойынша 17 тұтынушыға 9,1 млн теңге қайтарылды. Түркістан, Жамбыл облыстарында және Шымкент қаласында тағы 33 тұтынушы сапасыз массаж жабдықтары, тұрмыстық техника және орындалмаған шипажай жолдамалары үшін 7,5 млн теңге көлемінде қаражаттарын қайтарып алды. Атап айтқанда, Шымкент қаласында бес тұтынушыға 1,3 млн теңге, Сарыағаш ауданында шипажай жолдамалары үшін төленген 1 млн теңге қайтарылды.Кейбір даулар сот арқылы шешілді, өйткені құқық бұзушылықтар ондаған тұтынушыны қамтыды. Жетісу облысында смартфонды жеткізбегені үшін департамент сотқа жүгініп, нәтижесінде 17 тұтынушыға 7,2 млн теңге қайтару туралы шешім шықты. Оның ішінде тоғыз тұтынушы ақшасын сот шешіміне дейін қайтарып алған. Павлодар облысында көрсетілмеген қызметке қатысты дау медиация тәртібімен аяқталып, 12 тұтынушыға 900 мың теңге қайтарылды.Аталған төрт айдың қорытындысы аумақтық департаменттердің тұтынушылардың құқықтарын қорғаудағы рөлінің артып келе жатқанын көрсетеді. Құны жоғары тауарларға қатысты жеке даулардан бастап ұжымдық мәселелерге дейін – әрбір қорғалған іс елімізде тұтынушылардың құқықтарын қорғау жүйесінің нақты әрі тиімді жұмыс істеп отырғанын дәлелдейді.

Сауда министрлігі 4 айда тұтынушылардың 690,5 млн теңгесін қайта өндірді

<a href="https://kyzylorda-news.kz/">Kyzylorda-news.kz</a> Мемлекет басшысының бастамасымен 2019 жылы Президенттік жастар кадр резервін қалыптастыру бастамасы қолға алынды. Бұған дейін 2019, 2021 және 2023 жылдары өткен үш іріктеуге 60 мыңнан аса үміткер қатысып, 400 азамат резервке қабылданған. Олардың 80 пайызы бүгінде мемлекеттік органдар мен ұйымдарда қызмет атқаруда. Биыл Президенттік жастар кадр резервінің төртінші іріктеуі өтпек. Бұл туралы Өңірлік коммуникациялар қызметінің ақпарат алаңында ҚР Мемлекеттік қызмет істері агенттігінің Қызылорда облысы бойынша департаментінің басшысы Ерлеген Мендалиев мәлімдеді.<blockquote>– Бұл жолғы іріктеудің басты ерекшелігі – әрбір кезеңде салалық бағыттар бойынша пропорционалды түрде іріктеу жүргізіледі. Яғни, әр бағыт бойынша үміткерлер саны теңестіріліп, арнайы квоталар қарастырылады. Кандидаттарға қойылатын жалпы талаптар өзгеріссіз қалды. Нақтырақ айтқанда, үміткерлер қазақ тілін біліуі керек, жасы 35-тен аспауы тиіс, жоғары білімі және кемінде 5 жыл еңбек өтілі болуы міндеттеледі. Іріктеуге саяси тұлғалар мен «А» корпусындағы мемлекеттік қызметшілер, қазіргі резерв құрамындағы азаматтар қатыса алмайды. Конкурс 6 кезеңнен тұрады және маусым-қазан айларында өткізіледі. Кандидаттардың құжаттарын қабылдау 1 маусымнан бастап бір ай уақыт аралығында арнайы ақпараттық жүйеде онлайн режимде жүзеге асырылады. Екінші кезеңде мәтіндік және сандық ақпаратпен жұмыс істеу қабілеті бағаланса, үшінші кезеңде онлайн режимде эссе жазу форматында өтеді. Одан кейінгі кезең ассессмент-орталық және құзіреттер бойынша сұхбат деген екі блоктан тұрады. Әңгімелесу кезеңін 8-15 қазан аралығында өткізуді жоспарлап отырмыз. Резервке үздік 50 кандидатты қабылдау үшін Ұлттық комиссияның отырысын 25 қазанға дейін өткізіп, сол айдың соңында шешім шығаратын боламыз,- деді Ерлеген Жәрдемұлы.</blockquote>Фото: Қызылорда облысының Өңірлік коммуникациялар қызметі

Президенттік жастар кадр резервіне іріктеудің төртінші кезеңі басталады

<a href="https://kyzylorda-news.kz/">Kyzylorda-news.kz</a> &nbsp;Азаматтарды тұрақты жұмыспен қамту – басым бағыттардың бірі. Осы мақсатта Солтүстік өңірлердегі бос жұмыс орындарының жәрмеңкесі жыл сайын ұйымдастырылып келеді. Бұл – жұмыссыз азаматтарға нақты қолдау. Осыған орай, «Нұрсәт» теннис орталығында жұмыс күшінің ұтқырлығын арттыру мақсатында «Болашаққа бағдар» бос жұмыс орындары жәрмеңкесі және “Қызылордада жасалған” өнімдер жәрмеңкесі өтеді. Шара аясында қызылордалықтарға тұрақты жұмыс орындары ұсынылады. Бұл туралы Өңірлік коммуникациялар қызметінің ақпарат алаңында өткен баспасөз-конференциясында еліміздің әр өңірінен келген Еңбек мобильділігі орталықтарының директорлары мәлімдеді.<blockquote>– «Болашаққа бағдар» жәрмеңкесі - жұмыс іздеушілер мен жұмыс берушілерді тікелей байланыстыратын тиімді алаң. Біз бұл шараға мемлекеттің жұмыс күшінің ұтқырлығын арттыру үшін азаматтардың ерікті түрде қоныс аударуына ықпал ететін бағдарламаны түсіндіру мақсатында арнайы келіп отырмыз. Жұмыс күші артық аймақтардан жұмыс күші тапшы өңірлерге көшу - ел экономикасының теңгерімді дамуы үшін маңызды қадам. Солтүстік Қазақстан облысы - еліміздің ауыл шаруашылығы мен өнеркәсіп саласының маңызды орталығы. Облысымызда жұмыс күшінің ұтқырлығын арттыру және жаңа жұмыс орындарын құру бойынша ауқымды жұмыстар жүргізілуде. Жұмыс күші тапшы аймақ ретінде біз еңбек ресурстарын көбейтуге, кадр жетіспеушілігін шешуге ерекше көңіл бөлудеміз. Осы бағытта Қызылорда облысымен тығыз ынтымақтастық орнатылып келеді. 2020 жылдан бастап Қызылорда облысынан Солтүстік Қазақстан облысына 765 адам немесе 238 қоныс аударушы отбасы қоныс аударды. Бұл отбасылар қазір біздің өңірде тұрақты өмір сүріп жатыр, олардың барлығының тұрғын үйлері, жер телімдері бар және әлеуметтік жағынан жақсы қамтамасыз етілген. Бұл бағдарламаның тиімділігін көрсететін нақты мысалдардың бірі. Біз көшуге ниетті азаматтарды қолдауға, жаңа ортаға бейімделуге көмектесуге дайынбыз. Қоныс аудару бағдарламасы аясында мемлекет тарапынан тұрғын үймен қамтамасыз ету, жұмысқа орналастыру және әлеуметтік қолдау шаралары қарастырылған,- деді Солтүстік Қазақстан облысының Еңбек мобильділігі орталығының директоры Аман Жақсыбайұлы.</blockquote>&nbsp;Бұл жәрмеңке – еліміздің өңірлері арасындағы еңбек ресурстарын тиімді үйлестіруге, азаматтарымызға жаңа мүмкіндіктер ұсынуға бағытталған маңызды шара.&nbsp;<blockquote>– Осы бастама аясында біз, Шығыс Қазақстан облысы, еліміздің оңтүстік өңірлерінен, оның ішінде Қызылорда облысынан азаматтарды жұмыс күші тапшы аймақтарға тарту бойынша белсенді жұмыс жүргізіп келеміз. Жыл басынан бері Қызылорда облысынан Шығыс Қазақстан облысына 3 отбасы қоныс аударып, тұрақты жұмысқа орналасып, жаңа өмір бастады. Бұл – еліміздің ішкі көші-қонын жүйелі жүргізудің, азаматтарға нақты қолдау көрсетудің нәтижесі. Біздің өңірде білім беру, денсаулық сақтау, ауыл шаруашылығы, өндіріс және қызмет көрсету салаларында бос жұмыс орындары жеткілікті. Қоныс аударушыларға тұрғын үймен қамтамасыз ету, әлеуметтік төлемдер тағайындау, балаларды мектепке немесе балабақшаға орналастыру сияқты жан-жақты қолдау қарастырылған. «Болашаққа бағдар» жобасы - тек бос жұмыс орнын ұсыну ғана емес, бұл - жаңа өмірге жол ашу, отбасы үшін тұрақты тұрмыс пен жарқын келешекке бастар жол,-деді Шығыс Қазақстан облысының Еңбек мобильділігі орталығының директоры Арайлым Керімбекқызы.</blockquote>– &nbsp;Павлодар облысы көші-қон бағдарламасына ең бірінші болып қатысқан өңірлердің бірі.&nbsp;<blockquote>2016 жылдан бері біздің облысқа 20 000-ға жуық адам көшіп келді. Оның 30 пайызы қандастарымыз болса, қалғандарының бәрі де оңтүстік өңірлерден келген отбасылар. Көшіп келушілердің 90 пайызға жуығы Павлодар өңірінде тұрып жатыр. Бұл өте жақсы көрсеткіш деп ойлаймын. Себебі, бағдарлама бастау алған жылдары бізде де күмән болған еді. Алайда, оңтүстіктегі халық саны көп орналасқан елді мекендерден Павлодарға келушілердің саны жыл өткен сайын артып келеді. Биыл біз 4 050 адамды өз өңірімізге қабылдауға дайынбыз,- деді Павлодар облысының Еңбек мобильділігі орталығының директоры Меруерт Сейтбекқызы.</blockquote>&nbsp;Бос жұмыс орындары жәрмеңкесі – еліміздегі өңіраралық ынтымақтастықты нығайтуға, еңбек нарығындағы теңгерімді қамтамасыз етуге бағытталған маңызды қадамдардың бірі.&nbsp;<blockquote>Ұлытау облысы – еңбек күші тапшы, бірақ жұмысқа ниетті азаматтарға есігін айқара ашқан өңірлердің қатарында. Біз бұл жәрмеңке арқылы тек жұмыс орындарын ғана емес, жаңа мүмкіндіктер мен тұрақты өмірге бастар жол ұсынып отырмыз. Қоныс аударушыларға мемлекет тарапынан барлық тиісті қолдау көрсетіледі. Жұмыспен қамту, тұрғын үймен қамтамасыз ету, әлеуметтік бейімделу - осының бәрі біздің басты назарымызда. Жаңа ортаға тез үйреніп, өмір сүру сапасын арттыруға жағдай жасалады. Ұлытау облысы - тамыры терең, табиғаты көркем, болашағы зор өңір. Сіздерді осы қасиетті аймақтың дамуына үлес қосуға шақырамыз,-деді Ұлытау облысының жұмыспен қамту басқармасы басшысының орынбасары Шәміл Жұманазарұлы.</blockquote>Абай облысы - әлеуеті зор, кәсіби мамандарға сұраныс жоғары өңір.&nbsp;<blockquote>– Жаңадан құрылған бұл облыс бүгінде даму қарқынына ие, тұрғындарға жаңа мүмкіндіктер ұсынуда. Өткен жылы Қызылорда облысынан 5 отбасы Абай еліне қоныс аударып, өздеріне лайықты жұмыс тауып, жаңа ортаға сәтті бейімделді. Бұл - өзара сенім мен жүйелі жұмыстың нақты жемісі,-деді Абай облысының Еңбек мобильділігі орталығының бөлім басшысы Айдана Аманғазықызы.</blockquote>

Солтүстік өңірлердегі бос жұмыс орындарының жәрмеңкесі өтеді

<a href="https://kyzylorda-news.kz/">Kyzylorda-news.kz</a> &nbsp;Қазақстан Республикасы Энергетика министрлігі 2025 жылғы қаңтар–сәуір айларындағы ірі мұнай өңдеу зауыттарының жұмыс қорытындыларын шығарды.Елдің ірі мұнай өңдеу зауыттарында 2025 жылдың алғашқы төрт айында 6,092 млн тонна мұнай өңделді. Бұл көрсеткіш 2024 жылдың сәйкес кезеңімен салыстырғанда 10,8%-ға жоғары.Өңдеу көлемінің артуы ішкі және сыртқы нарықтарда сұранысқа ие негізгі мұнай өнімдерінің өндірісінің ұлғаюына басты фактор болды.Атап айтқанда: автомобиль бензині өндірісі 25,4%-ға артып, 2,082 млн тоннаны құрады; дизель отынының өндірісі 18,9%-ға өсіп, 1,921 млн тоннаға жетті; авиациялық керосин өндірісі 5,3%-ға артып, 0,255 млн тоннаны құрады.Энергетика министрлігі мұнай өңдеу саласының тұрақты жұмысын қамтамасыз ету, ішкі нарықты мұнай өнімдерімен сенімді жабдықтау, сондай-ақ кәсіпорындардың тиімділігі мен технологиялық даму деңгейін арттыруға бағытталған стратегиялық шараларды іске асыруды жалғастырады.

Қазақстанда мұнай өңдеу көлемі 10,8%-ға артты 

<a href="https://kyzylorda-news.kz/">Kyzylorda-news.kz</a> «Өнер орталығында» облыс әкімі Нұрлыбек Нәлібаевтың қатысуымен су, балық шаруашылығы, ветеринария қызметкерлері күніне орай салтанатты шара өтті. Оған ҚР Парламенті Мәжілісінің депутаттары Мұрат Ергешбаев, Мұрат Әбенов, құқық қорғау органдарының басшылары, зиялы қауым өкілдері мен сала қызметкерлері қатысты.Аймақ басшысы су, балық, мал шаруашылығы және ветеринария салаларында атқарылған жұмыстарды саралап, жиналған жұртшылықты кәсіби мерекемен құттықтады.<blockquote>«Президентіміз Қасым-Жомарт Кемелұлы 2025 жылды «Жұмысшы мамандықтары жылы» деп жариялап, «Біз жұмысшы мамандықтарын дәріптеу арқылы қоғамда еңбекқор және нағыз маман болу идеясын насихаттаймыз!Адал әрі табанды еңбегімен табысқа жеткен адамдар қашанда құрметті, сыйлы болуы керек» деді. Бұл - экономикалық тұрақтылық пен әлеуметтік прогрестің басты факторы ретінде жұмысшы кәсіптерінің рөлін күшейтудегі стратегиялық қадам.Күні кеше Президентіміз Қасым-Жомарт Кемелұлысу шаруашылығы қызметкерлерін Ақордада қабылдап, мемлекеттік наградалар табыстады. Салтанатты қабылдауда жерлестеріміз, сала ардагері Сұлтанбек Тәуіпбаев «Парасат» орденімен, «Шиелісушар» өндірістік учаскесінің басшысы Дихан Әубәкіров, «Қызылорда су торабы» өндірістік учаскесінің аға инженер-гидротехнигі Мақсұт Өтеулиев «Құрмет» орденімен наградталды. Бұл - аймағымыздағы су шаруашылығы саласында атқарылған жұмыстарға берілген жоғары баға.Алаштың анасы атанған Сыр елі еңбегімен елге сыйлы, өмір жолы жас ұрпаққа өнеге болған абзал да адал жандарға, еңбек адамдарына кенде емес. Біз еңбеккерлерге лайықты құрмет көрсетіп, ғибратты ғұмырын жастарға үлгі-өнеге етуді дәстүрге айналдырып келеміз. Бұл - біздің басты парызымыз», - деді Нұрлыбек Машбекұлы.</blockquote>Салтанатты шарада «Құрмет» орденімен су шаруашылығы саласының ардагері Бегеш Жақып, «Ерен еңбегі үшін» медалімен «Қазалы су торабы» өндірістік учаскесінің басшысы Болат Асербаев , «Су шаруашылығы саласының еңбек сіңірген қайраткері» құрметті атағымен ардагер Әділхан Қарлыханов марапатталды.Саланың дамуына елеулі үлес қосқан бірқатар қызметкерге ҚР Премьер-министрінің Алғыс хаты, «Балық шаруашылығы саласына еңбек сіңірген қызметкер» құрметті атағы, «Ауыл шаруашылығы саласының үздігі» төсбелгісі, «Еңбек ардагері» медалі, «Су шаруашылығының ардагері» және «Қазақстан Республикасы су шаруашылығының үздігі» төсбелгісі табысталды.Сонымен қатар, Ауыл шаруашылығы, Су ресурстары және ирригация министрлерінің Құрмет грамотасы мен Алғыс хаты, облыс әкімінің Алғыс хаты табыс етілді.Іс-шарада 42 қызметтік автокөлік пен 65 арнайы техниканың кілті аталған салалардың мекемелеріне берілді.<img src="https://knadmin.beoblood.kz/uploads/2_Su_baly_sharuashyly_y_veterinariya_mekemelerine_yzmettik_zh_ne_arnajy_k_likter_tapsyryldy_5e17c41d23.jpg" alt="2 Су, балық шаруашылығы, ветеринария мекемелеріне қызметтік және арнайы көліктер тапсырылды.jpg"><img src="https://knadmin.beoblood.kz/uploads/1_Su_baly_sharuashyly_y_veterinariya_mekemelerine_yzmettik_zh_ne_arnajy_k_likter_tapsyryldy_729453419d.jpg" alt="1 Су, балық шаруашылығы, ветеринария мекемелеріне қызметтік және арнайы көліктер тапсырылды.jpg">Фото: Қызылорда облысы әкімінің баспасөз қызметі

Су, балық шаруашылығы, ветеринария мекемелеріне қызметтік және арнайы көліктер тапсырылды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен Жаңақорған ауданында теміржол арқылы өтетін аспалы көпір ашылды. Оған Парламент Мәжілісінің депутаттары Мұрат Ергешбаев, Мұрат Әбенов, зиялы қауым өкілдері мен аудан тұрғындары қатысты.<img src="https://knadmin.beoblood.kz/uploads/Zha_a_k_pir_Zha_a_or_an_4_701676eb6d.jpg" alt="Жаңа көпір Жаңақорған 4.jpg">Аймақ басшысы жаңақорғандықтарды жаңа көпірдің ашылуымен құттықтап, өңірдегі жол инфрақұрылымын дамыту жұмыстарына тоқталды.<blockquote>“Мемлекет басшысы Қасым-Жомарт Кемелұлы: «Жер көлемі жөнінен әлемде тоғызыншы орын алатын еліміздің көлік-транзит саласында зор мүмкіндіктері бар. Бұл – айрықша назар аударуды талап ететін стратегиялық бағыт», - деген болатын. 2023-2025 жылдары аймағымыздың 1 232 шақырым автомобиль жолдары мен көшелерін, 18 көпір өткелін салуға, күрделі жөндеуге 121 млрд. 500 млн. теңге бөлінді. Нәтижесінде жақсы жағдайдағы жолдардың үлесі 92 пайызға жетті. Биыл 329 шақырым жол жөнделіп, жақсы жағдайдағы жолдардың үлесі 95 пайыз болмақ. Республикалық маңызы бар «Қызылорда-Жезқазған» автомобиль жолын қайта жаңғырту жұмыстары биыл аяқталады. Қызылорда қаласындағы теміржол асты автожолының құрылысы қарқынды жүруде. Бұл қаладағы көлік қатынасының жүктемесін біршама төмендетеді. Мамыр айында Арал қаласында &nbsp;940 метрлік аспалы көпір ел игілігіне табысталды. Жақын күндері Қармақшы ауданының Жосалы кентінде дәл осындай аспалы көпір құрылысын бастаймыз. Жаңа көпір Жаңақорғанның болашағына жол ашатын, ел игілігіне қызмет ететін алтын көпірге айналсын! Баршаңызға амандық, жасампаз істерімізге толағай табыс тілеймін!”, - деді Нұрлыбек Машбекұлы.</blockquote><img src="https://knadmin.beoblood.kz/uploads/Zha_a_k_pir_Zha_a_or_an_365e6fc366.jpg" alt="Жаңа көпір Жаңақорған.jpg">Рәсімде Мәжіліс депутаты Мұрат Әбенов, ел ағасы Нәжмәдин Мұсабаев құттықтау сөз сөйледі.Жаңақорған ауданының құрметті азаматы Серхожа Ыдырысов батасын берді. Сондай-ақ, аспалы көпірді салған мердігер мекеме қызметкерлері мен ауданның дамуына үлес қосқан бірқатар азаматтар облыс әкімінің Алғыс хатымен марапатталды.Айта кетейік, &nbsp;Жаңақорған ауданының бюджеті сонғы 2 жылда 12,7 млрд теңгеден 22 млрд теңгеге артты Үш жылда 200 млрд теңгеге жуық инвестиция тартылды. Ауыз су мәселесі толық шешілді, 4 елді мекеннің су желілері жаңартылып, аудан халқы 100% таза ауыз сумен қамтылды.<img src="https://knadmin.beoblood.kz/uploads/Zha_a_k_pir_akimat_a58020001e.jpg" alt="Жаңа көпір акимат.jpg">Бүгінде тұрғындардың 52%-ы "көгілдір отын" тұтынуда. Тағы 8 елді мекенді газдандыруға 7,3 млрд теңге бөлініп, жұмыс биыл аяқталады.«Жайлы мектеп» ұлттық жобасы аясындағы 10 мектептің екеуі Жаңақорғанда салынды. Сонымен бірге 3 жаңа амбулатория және Төменарықта 15 орындық аурухана пайдалануға берілді. Жақында 972 млн теңгеге аудандық ауруханаға қосымша ғимарат салынып, қазан айында қолданысқа беріледі.&nbsp;

Жаңақорғанда теміржол арқылы өтетін аспалы көпір пайдалануға берілді

<a href="https://kyzylorda-news.kz/">Kyzylorda-news.kz</a> &nbsp;Мемлекет басшысы Қасым-Жомарт Тоқаев су шаруашылығы саласы қызметкерлерін кәсіби мерекемен құттықтап, су – бүкіл тіршіліктің көзі, әлемдегі барлық ел үшін аса маңызды стратегиялық ресурс екенін айтты. Бұл сала әрдайым мемлекеттің айрықша назарында.Президент 2023 жылы халыққа Жолдауында суды тиімді пайдалану жайына ерекше тоқталып, елімізде Су ресурстары және ирригация министрлігі құрылды. Нақты міндеттер айқындалып, ауқымды реформалар қолға алынды. Жаңа Су кодексі қабылданды.Мемлекет басшысы ірі инфрақұрылымдық жобалардың, су нысандарын салуға және қалпына келтіруге бөлінген қаражат пен шетелдік инвестицияның, маман тапшылығын жоюдың маңыздылығына тоқталды.Сондай-ақ халықты таза ауыз сумен қамтамасыз ету, су үнемдеу технологиясын қолдану, су дипломатиясын күшейту шараларын атап өтті. Су ресурстарын дамытуға үлес қосқан сала қызметкерлеріне алғыс айтты.<blockquote>– Су экономикаға, экологияға, халықтың денсаулығына, жалпы, барлық салаға ерекше ықпал етеді. Сондықтан судың таза әрі қолжетімді болуы өте маңызды. Елімізде Кіші Аралды құтқару үшін жылдар бойы ауқымды жұмыс атқарылып келеді. Соның арқасында қашқан теңіз қайта оралып, айдыны суға толып жатыр. Каспий теңізін, Балқаш көлін, басқа да су көздерін сақтап қалу үшін нақты шаралар қабылдау қажет. Су, дұрыс пайдалана білсең – құт, ысырап етсең – жұт. Былтыр Қазақстанның бірнеше аймағы қарғын судан қатты зардап шекті. Мұндай жойқын табиғи апат елімізде бұрын-соңды болмаған. Күрделі кезеңде сіздер қайсарлық пен кәсібиліктің озық үлгісін көрсеттіңіздер. Әр қызметкер күні-түні еңбек етіп, апат салдарын жоюға белсене атсалысты. Мен баршаңызға шынайы ризашылығымды білдіремін, – деді Мемлекет басшысы.</blockquote>Салтанатты іс-шарада Қасым-Жомарт Тоқаев Қазақстанның су шаруашылығын дамытуға елеулі үлес қосқан бір топ азаматты мемлекеттік наградамен марапаттады. Былтыр «Қазақстанның су шаруашылығы саласының еңбек сіңірген қайраткері» құрметті атағы бекітілді. Бүгін осы атақ бірқатар ардагерге берілді.<img src="https://knadmin.beoblood.kz/uploads/1_yzylordaly_su_salasy_yzmetkerlerine_memlekettik_marapattar_tabys_etildi_5897cb3eb9.jpg" alt="1 Қызылордалық су саласы қызметкерлеріне мемлекеттік марапаттар табыс етілді.jpg"><img src="https://knadmin.beoblood.kz/uploads/yzylordaly_su_salasy_yzmetkerlerine_memlekettik_marapattar_tabys_etildi_b4175e6da1.jpg" alt="Қызылордалық су саласы қызметкерлеріне мемлекеттік марапаттар табыс етілді.jpg">Марапатталғандар қатарында Қызылорда облысының су шаруашылығы мамандары да бар. Сала ардагері Сұлтанбек Тәуіпбаев «Парасат» орденіне ие болды. Ал су нысандарын басқаруда біліктілігімен көзге түскен «Қазсушар» РМК Қызылорда филиалы «Шиелісушар» өндірістік учаскесінің басшысы Дихан Әубәкіров пен «Қазсушар» РМК Қызылорда филиалы «Қызылорда су торабы» өндірістік учаскесінің аға инженер-гидротехнигі Мақсұт Өтеулиев «Құрмет» орденімен марапатталды. Аймақтың су қауіпсіздігін қамтамасыз ету, нысандарды тиімді пайдалану және суармалы егіншілікті дамытуға еңбек сіңірген марапат иелерін құттықтаймыз.Фото: Қызылорда облысы әкімінің баспасөз қызметі

Қызылордалық су саласы қызметкерлеріне мемлекеттік марапаттар табыс етілді

ҚР Парламенті Мәжілісіндегі «AMANAT» партиясы депутаттық фракциясының мүшесі Мұрат Ергешбаев жұмыс сапарымен Шиелі ауданында болып, &nbsp;«РУ-6» ЖШС еңбек ұжымымен кездесті.Бүгінде «РУ-6» ЖШС «Қазатомөнеркәсіп» ҰАК» АҚ жетекші уран өндіруші кәсіпорындарының бірі ретінде танымал. Күрделі қалыптасу жолынан өткен кәсіпорын, қазір «Солтүстік және Оңтүстік Қарамұрын» кен орнында табысты уран өндіруші компанияға айналған. «Кен басқармасы - 6» жауапкершілігі шектеулі серіктестігі 1997 жылдан бастап «Қазатомөнеркәсіп» ҰАК» АҚ кәсіпорындары құрылымына кіреді.Құрылтайшысы: «Қазатомөнеркәсіп» ҰАК» АҚ. «РУ-6» ЖШС ашық атауы бар кәсіпорын 1983 жылдың 1 қаңтарында КСРО орта машина салу министрінің бұйрығымен Қазақ КСР-ң Қызылорда облысы Шиелі кентінде құрылды.«РУ-6» &nbsp;ЖШС Қызылорда облысының «Солтүстік Қарамұрын» және «Оңтүстік Қарамұрын» кен орындарында уран өндіруді жерасты ұңғымалы шаймалау әдісімен өндіріп, алқашқы өңдеу жүргізумен айналысады.№6 Кен Басқармасының негізгі қызмет түрлері: уран кенін өндіру, басқалай бейорганикалық химиялық заттарды өндіру, қауіпті қалдықтарды жинау, қауіпсіз қалдықтарды жинау, қауіпті қалдықтарды өңдеу және жою, қауіпсіз қалдықтарды өңдеу және жою.Бүгінде «РУ-6» ЖШС - не қарасты өндіріс орынында 2500 – нан аса азаматтар табысты жұмыс жасап келеді.<img src="https://knadmin.beoblood.kz/uploads/FB_IMG_1752270980053_1f847bd207.jpg" alt="FB_IMG_1752270980053.jpg">

Мәжіліс депутаты «РУ-6» еңбек ұжымымен кездесті 

<a href="https://kyzylorda-news.kz/">Kyzylorda-news.kz</a> Сыр спорты тағы бір тарихи белесті бағындырды. Жуырда қызылордалық баскетболшылар ел ішінде өткен маңызды додаларда жоғары нәтижелерге қол жеткізіп, аймақ абыройын асқақтатты.&nbsp;Атап айтқанда, 1-4 шілде күндері Алматы облысы, Қонаев қаласында баскетболдан өткен Қазақстан Республикасының VI Жастар спорт ойындарында Қызылорда облысының қомандасы тартысты ойын өрнегін көрсетіп, жүлделі ІІІ орынды иеленді.&nbsp;Сондай-ақ, Талдықорған қаласында 4-8 шілде аралығында баскетболдан жасөспірім ұлдар мен қыздар арасында өткен Қазақстан Республикасының чемпионатында баскетболшыларымыз жүлделі орындарды еншілеп, марапат төрінен көрінді. Атап айтқанда 16 жас аралығындағы ұлдар арасында - І орын, 14 жас аралығындағы қыздар арасында жүлделі - ІІ орын, 12 жас аралығындағы қыздар арасында жүлделі - ІІІ орын иеленді.&nbsp;Осыған орай, бүгін облыстық дене шынықтыру, спорт және туризм басқармасының басшысы Бахтияр Ғарифоллаұлы команда жетекшілері, тәжірбиелі бапкерлер &nbsp;Александр Жавзмагин және Азамат Сыздықовты қабылдап, аймақ спортын дамытуға қосқан үлестері үшін алғыс білдіріп, бұдан да биік белестерді бағындыруға сенім білдірді. Сондай-ақ, алда өтетін ауқымды жарыстарға сәттілік пен жеңіс тіледі.&nbsp;Айта кетейік, &nbsp;31 тамыз бен 7 қыркүйек аралығында Моңғолияның Ұлан-Батыр қаласында баскетболдан Азия кубогы өтетін болады. Әр елден іріктелген үздік спортшылар қатарында қызылордалық Айтөре Сыздықов та бар. Ол жасөсіпірімдер арасында өтетін тартысты бәсекеде бақ сынамақ.&nbsp;

Қызылордалық баскетболшылар республикалық жарыста үздік нәтижеге қол жеткізді

<a href="https://kyzylorda-news.kz/">Kyzylorda-news.kz</a> Энергетика және тұрғын үй-коммуналдық шаруашылық салаларында Қызылорда облысында ауқымды инфрақұрылымдық жобалар жүзеге асырылуда. Жаңа жылу электр орталығының құрылысы мен қала аумағын ыстық сумен қамтамасыз ету жұмыстары - өңір үшін стратегиялық маңызы бар бастамалар саналады. Бұл туралы бүгін Өңірлік коммуникациялар қызметінің ақпарат алаңында облыстық энергетика және тұрғын үй-коммуналдық шаруашылық басқармасы басшысының міндетін атқарушы Тахир Нәдірбек пен «Қызылордажылуэлектрорталығы» директоры Бақытжан Молдиманов мәлімдеді.<blockquote>- Мемлекет басшысының тапсырмасына сәйкес, Қызылорда қаласында қуаттылығы 240 мегаватт электр және 277 гигакалория жылу энергиясын құрайтын жаңа жылу электр орталығының құрылысы жүріп жатыр. Бұл жоба өңірдегі электр тапшылығын болдырмауға бағытталған. Құрылысқа қажетті барлық негізгі қондырғылар жеткізіліп, монтаж жұмыстары қарқынды жүруде. Қазіргі таңда жобаның орындалу деңгейі 70 пайыздан асты. Құрылыс алаңында 1200-ден аса маман мен 130-ға жуық техника жұмыс істеуде. Жобаны толығымен түркиялық инвестор - «Aksa Energy» компаниясы жүзеге асырып отыр. Жаңа орталықты 2025 жылдың соңында іске қосу көзделген, - деді Тахир Қуанышбекұлы.</blockquote>&nbsp;<blockquote>- Мемлекет басшысы 2023 жылғы жұмыс сапары аясында Қызылорда қаласын ыстық сумен қамтамасыз ету мәселесін шешуді тапсырған болатын. Осыған сәйкес, 423 көпқабатты тұрғын үйді ыстық су жүйесіне қосу мақсатында екі кезеңнен тұратын жоба қолға алынды. Бірінші кезеңде 187 үй қамтылып, биыл бұл жұмыстар толығымен орындалды. Енді 2025 жылы 236 үйге желі тарту жоспарлануда. Қазірдің өзінде Ақмешіт пен Мерей мөлтек аудандарындағы 60-тан астам үйде құрылғыларды орнату басталып кетті. Бұл жұмыстар толығымен аяқталғанда қала тұрғындары жыл он екі ай үздіксіз ыстық сумен қамтамасыз етіледі, - деді Бақытжан Молдабекұлы.</blockquote>

Өңірдің энергетикалық әлеуеті артуда

<a href="https://kyzylorda-news.kz/">Kyzylorda-news.kz</a> &nbsp;Облыс көлемінде елді мекендер арасындағы қатынасты жақсарту, жол желілерінің сапасын арттыру және көлік қатынасының қауіпсіздігін қамтамасыз ету бағытында бірқатар маңызды жобалар жүзеге асырылып келеді. Бұл туралы бүгін Өңірлік коммуникациялар қызметінің ақпарат алаңында облыстық жолаушылар көлігі және автомобиль жолдары басқармасының басшысы Жәнібек Сыздықов мәлімдеді.<blockquote>- Бүгінгі таңда Қызылорда облысы аумағындағы жергілікті маңызы бар автомобиль жолдарының жалпы ұзындығы 3545 шақырымды құрайды. Оның ішінде республикалық маңызы бар жолдар - 1024,5 шақырым, облыстық жолдар - 555 шақырым, ал 1965,5 шақырым аудандық маңызы бар жолдар санатына жатады. Ағымдағы жылы өңірде ұзындығы 330 шақырымға жуық жолдар мен көшелерге, сондай-ақ көпір өткелдеріне жөндеу жұмыстары жүргізілуде. Бұл - халықтың қауіпсіз әрі ыңғайлы қозғалысын қамтамасыз етуге бағытталған маңызды қадам. Атап айтқанда, Қызылорда қаласындағы «Әуежайға кіре беріс» жолы, сондай-ақ Шіркейлі, Сыздық, Жаңадария каналдары үстіндегі көпірлер қайта жаңғыртудан өтіп, пайдалануға берілді. Сонымен қатар, Тәуелсіздіктің 25 жылдығы даңғылы кеңейтіліп, «Қызылжарма» каналы арқылы өтетін автожол көпірінің құрылысы толық аяқталды. Бұдан бөлек, Әбілхайыр хан көшесінен Саламатов көшесіне дейінгі Сырдария бөгеті бойымен жаңа жол салу жұмыстары жүргізіліп жатыр. Бұл бағыттағы жұмыстар қала ішіндегі көлік ағынын қайта реттеуге және жол жүктемесін азайтуға оң әсер етеді. Жол - тек қатынас құралы емес, ел экономикасының қозғаушы күші. Сол себепті біз үшін әрбір бағыт, әрбір учаске маңызды. Басты мақсатымыз - тұрғындардың өмір сапасын жақсарту, шалғай ауылдарды сапалы жолмен байланыстыру және өңірлік көлік логистикасын дамыту, - деді Жәнібек Шәкімбайұлы.</blockquote>Сондай-ақ, облыс аумағында тұрғындардың аудан және облыс орталығына қатынауын қамтамасыз ету, көлік қатынасын жүйелеу мақсатында жолаушылар тасымалы бағытында нақты жұмыстар жүргізілуде. Қазіргі таңда елді мекендер арасындағы тұрақты қатынас жолға қойылып, халыққа қолайлы көлік қызметі ұсынылуда.<blockquote>- Қазіргі уақытта облыста 200-ден астам тұрақты жолаушылар бағыты ұйымдастырылған. Оның ішінде ауданаралық, ауданішілік, қалаішілік және қала маңына қатынайтын бағыттар бар. Сонымен қатар, еліміздің ірі қалаларына және Ташкентке дейін қатынайтын облысаралық және халықаралық бағыттар да халыққа тұрақты қызмет көрсетіп отыр. Жолаушыларды тасымалдау қызметін 30-дан астам жеке және заңды тұлғалар жүзеге асыруда. Автопарктерде әртүрлі сыйымдылықтағы автобустар бар. Жыл басынан бері тасымалданған жолаушылар саны артты. Бұл тұрғындардың қоғамдық көлікке деген сұранысының жоғары екенін білдіреді. Сондай-ақ, Қызылорда қаласы мен аудан орталықтарында орналасқан автовокзалдар мен автостансалар арқылы халыққа тұрақты қызмет көрсетілуде. Алдағы уақытта бағыттардың қолжетімділігін арттырып, жолаушыларға жайлы жағдай жасау бағытындағы жұмыстар жалғасады, - деді басқарма басшысы.</blockquote>Қызылорда облысында темір жол бағытындағы вокзалдар мен қызмет көрсету бекеттерін жаңарту жұмыстары басталды. Бұл шаралар Мемлекет басшысының «Әділетті Қазақстанның экономикалық бағдары» атты Жолдауын іске асыру аясында көлік инфрақұрылымын жаңғырту мақсатында қолға алынған. Өңірде жолаушыларға сапалы, қауіпсіз және заманауи стандарттарға сай қызмет көрсету бағытында нақты жобалар жүзеге асырылуда.&nbsp;<blockquote>- 2023 жылы Қызылорда қаласындағы темір жол вокзалы мен оның аумағы күрделі жөндеуден өтіп, абаттандырылды. Бұл жұмыстар өз жалғасын өңірдегі Жаңақорған, Шиелі, Жосалы, Төретам, Қазалы, Арал және Сексеуіл станцияларында тапты. Бүгінде аталған 7 вокзалда ішкі демонтаж жұмыстары басталып, жаңғырту жұмыстары жүргізілуде. Сондай-ақ, Тереңөзек пен Жалағаштағы қызмет көрсету пункттерін кеңейту немесе жаңа заманауи нысан салу мәселесі қарастырылып жатыр. Бұл бағыттағы жобаларды іске асыруға тәжірибелі мердігер, жобалаушы және техникалық қадағалаушы ұйымдар тартылған. Темір жол нысандарын жаңғырту - тұрғындарға қолайлы жағдай жасау мен өңірлік көлік инфрақұрылымын дамытуға бағытталған маңызды қадам, - деді Жәнібек Шәкімбайұлы.</blockquote><img class="image_resized" style="width:100%;" src="https://knadmin.beoblood.kz/uploads/Zh_nibek_Syzdy_ov_41a4da4c48.jpg" alt="Жәнібек Сыздықов.jpg">

Бас тақырыптар