Қызылордада жантүршігерлік жол апатынан қаза тапқандардың отбасына көмек көрсетіледі – Kyzylorda News
Басты бет

Бізге жаңалық жіберіңіз: +7(702)702-76-00

Қызылордада жантүршігерлік жол апатынан қаза тапқандардың отбасына көмек көрсетіледі

22.11.2019, 16:30

1680 2

Kyzylorda-news.kz. Қызылорда қаласындағы аялдаманың бірінде болған жантүршігерлік жол-көлік оқиғасы орнында қаза тапқан 3 адамның және көп жарақаты салдарынан ауруханада көз жұмған баланың отбасына облыстық әкімдік тарапынан көмек көрсетіледі. Бұл туралы елордада ҚР Президенті жанындағы Орталық коммуникациялар қызметінде өтіп жатқан брифингте Қызылорда облысының әкімі Қуанышбек Ысқақов мәлімдеді.

Брифинг кезінде Қызылорда облысы әкіміне 21 қараша күні болған жол-көлік оқиғасы туралы БАҚ өкілдері: «Сұмдық апат туралы не айтасыз? Қазір қандай шаралар қолға алынып жатыр? Қандай да бір көмек болады ма?» деген сауалдарын қойды.

«Бұл оқиға туралы облыстық әкімдіктің тиісті басқармалары мен Қызылорда қаласының әкіміне қатаң тапсырма берілді. Олар менің атымнан жол апатынан көз жұмған адамдардың отбасыларына барып көңіл айтты. Бүгінгі таңда аталған оқиғаның мән-жайы зерттеліп жатыр. Қаза тапқан 3 бала мен 1 адамның отбасына облыстық, қалалық әкімдік тарапынан көмек көрсетіледі», – деп жауап қатты облыс әкімі Қ. Ысқақов.

Естеріңізге сала кетелік, жол апаты кеше сағат 09.15 шамасында Назарбаев даңғылы бойында болған. «Тойота Камри» маркалы автокөлігі «Mercedes-Benz» көлігін сол қапталынан келіп соққан. Салдарынан «Тойота Камри» жүргізушісі көлікті басқара алмай, автобус аялдамасында тұрған адамдарды басып кеткен.

2

  • Бір үйден екі бірдей сәби қайтып отырғанда адам жұмсамай әкім өзі неге бармасқа Ердоған табыт көтерген жоқ па еді

  • ҚЫЗЫЛОРДА Жол жүру ережесі жоқ. Жүргінші жолағынан өтіп келе жатқан адамды айналып өтеді жүргізіші. Сол жақ көлік жүру қатарын бермейді. Сол себепті оң жағынан басып озады. Ол жол жүру ережесінде тиым салынған. Назарбаев даңғылы мен Астана даңғылының қилы сынды егерде Оңтүстік – Батысқа (қозғалыс бағыты). Бағдар шам бар. Үш қатар жол екеуі оң соңғы қатар тура оңға, ортаңғы тура, сол соңғы қатар тек солға керек десеңіз сол қатарға сызып қойған солға бұрылу деп. Ал біздің Қызылордалықтар ол жерденде тура жүре береді. Әлде Қызылордалықтарға заң бөлек ба? Сергек қойған жөн болар еді.

Пікір қалдыру