Kyzylorda-news.kz. 7 қыркүйегінен бастап 1 желтоқсан аралығында облыс көлемінде «Учаске» жедел профилактикалық іс-шарасы өтуде.
«Шара барысында барлығы 29 мың 607 тексерістер жүргізілсе, оның ішінде 7 мың 564 пәтерлер және 22 мың 43 жеке меншік үйлер араланды. Тексеру барысында, облыс көлемінде 45 пәтер заңсыз жалға ұсынылып жатқандығы анықталып, олар бойынша шешім қабылдау мақсатында құжаттар жинақталып, Мемлекеттік кірістер департаментінеұсыныстар жолданды. Ішкі істер органдарының тізімдік есебінде тұрған 2054 тұлғалардың тұрғылықты мекен-жайларынан тексеру жұмыстары жүргізіліп,олармен қылмыстарды қайта жасамау бағытында профилактикалық әнгімелер жүргізілді. Облыс көлемінде көші-қон заңнамаларын бұзған 1 азамат елімізден тыс шығарылды», – делінген полиция департаментінің таратқан хабарламасында.
Сонымен қатар, 10 заңсыз қаруды сақтау дерегі анықталып отыр. 3 мың 232 әкімшілік құқық бұзушылық деректері анықталып, олар бойынша тиісті шешім қабылданған.