Kyzylorda-news.kz. Қармақшы ауданының әкімі Мұса Қалдарбеков Төретам кентінде жұмыс сапарымен болып, жаңадан жөндеуден өтіп жатырған жолдармен танысып шықты.

Аудан басшысы Төретам кентінің тұрғындарымен, қоғамдық кеңес мүшелерімен және жолды жөндеу мамандарымен пікірлесті.

«Ауыл ел бесігі» бағдарламасы аясында көптеген игі бастамаларды жүзеге асырғалы отырмыз. Жұмысты уақытылы және сапалы жүргізу басты мақсат болуы қажет. Құрылысы жүргізіліп жатқан жолдардың сапалы орындалуына тұрғындар тарапынан, қоғамдық ұйымдар мен кент басшыларының тарапынан үнемі бақылауда болуы керек«,- деді аудан әкімі Мұса Қалдарбеков.

Сонымен бірге аудан әкімі мемлекет тарапынан бөлінген қаржының уақтылы игерілуін және жол құрылысы жүрген нысандарды белгіленген уақытта халық игілігіне берілуін Төретам кентінің басшылығына жүктеді. Кентті абаттандыру, үнемі тазалығын сақтап, әрлеу жұмыстары бойынша кент басшылығына нақты тапсырмалар беріп, бақылау басты назарда болатынын жеткізді.

Тағы да оқыңыз: