Мемлекет басшысы дәрігерлерге алғысын жеткізді – Kyzylorda News
Басты бет

Мемлекет басшысы дәрігерлерге алғысын жеткізді

18.03.2020, 9:20

395 0

Kyzylorda-news.kz. ҚР Президенті Қасым-Жомарт Тоқаев елімізде қауіпті індетпен күні-түні күресіп жатқан медицина мамандарына алғыс айтты.

«Коронавирусты анықтау, науқастарды емдеу және вирустың одан әрі таралмауы үшін аянбай еңбек етіп жатқан дәрігерлерге алғыс айтамын. Үкімет осындай қызметкерлерге сыйақы беру шараларын қабылдайды», – деп жазды Мемлекет басшысы Twitter-де.

Бұған дейін Қ.Тоқаев төтенше жағдайға байланысты қашықтан жұмыс істеуге көшуді тапсырған болатын.

«ТЖ режимінде қоғамның тіршілігін қамтамасыз ететін, қауіпсіздік пен құқықтық тәртіпті бақылайтын мекемелерден, жекелеген БАҚ-тан өзге мемлекеттік, квазимемсектор қызметшілерінің 70%-ын қашықтан жұмыс істеуге көшірген жөн. Жеке кәсіпорындарға да осындай шараны қолдану ұсынылады», – деді Президент.