Kyzylorda-news.kz. Қызылорда облысы ішкі саясат басқармасының қолдауымен облыстық тілдерді оқыту орталығы «Еңсесі биік Елорда» тақырыбында онлайн диктант өткізді.
Оған облыстық басқарма қызметкерлері қатысты. Шараға қатысушылар жазба жұмысын жазар алдында жағымды көңіл-күй қалыптастыру мақсатында «Әуенді сауалнама» толтырды. Орталық директоры Л. Ортаева ZOOM қосымшасы арқылы онлайн диктант жазудың ережесі мен талаптарын түсіндірді.
Диктанттың мәтіні орталықтың ғылыми-әдістемелік кеңес отырысында талқыланып, бекітілген. Ондағы сөз саны – 143, яғни В2 ортадан жоғары деңгейге арналған.
Шара соңында қатысушылар жұмыстарын орталықтың электронды поштасына жолдады. Жазба жұмысының қорытындысымен жоғары нәтиже көрсеткен қызметкерлер басқарманың Алғыс хатымен марапатталады.