Kyzylorda-news.kz. Бүгін Шығыстың жарық жұлдызы атанған Ғани Мұратбаевтың туған күні. Ол 1902 жылы 3 маусымда Қазалы ауданының қазіргі өзінің атымен аталатын Ғани Мұратбаев ауылында дүниеге келген.
Аудан әкімі Мұхтар Оразбаев Қазалы қаласын аралау кезінде құнды кітаптары бар кітапханаға арнайы барып, жұмысымен танысты.
Аудандық мәдениет және тілдерді дамыту бөлімінің басшысы Болат Жолтаев тарихи ғимаратта Шығыстың жалынды жетекшісі атанған Ғани Мұратбаев білім алғандығын жеткізді.
Қазалы қаласындағы кітапхананың тарихы тереңнен сыр шертеді. Биыл оқырмандар үшін маңызды орынның ашылғанына 120 жыл толды.
Кітапхананың «Алтын қорында» орыстың атақты академигі А.С.Берг пен белгілі саяхатшы П.П.Семенов-Тянь-Шанскийқолтаңбасымен бірге өз қолымен сыйға берген 200-ге тарта құнды кітаптар сақталған. 55 мыңға жуық кітап қоры бар кітапханада 3 мыңнан астам тұрақты оқырманы бар.
