<a href="https://kyzylorda-news.kz/">Kyzylorda-news.kz</a> ақпараттық агенттігінің 19 желтоқсанға арналған жұлдыз-жорамалы.
Тоқты
Керемет күн. Бүгінгі күн романтикалық кездесулер ұйымдастыруға қолайлы болмақ. Барлық мәселе оң шешім табады.
Торпақ
Бүгін үй шаруашылығымен айналысып, біраз іс тындырасыз. Сонымен қатар шығармашылықпен де шұғылданыңыз. Қателесуден қорықпаңыз.
Егіздер
Өз күшіңізге көп сене бермеңіз. Әйтпесе, бойына сеніп жылдан құр қалған түйе секілді дымсыз қаласыз. Сізді алдағысы келетіндер көп.
Шаян
Көптен бері бастауды жөн санап жүрген жеке ісіңізді қолға аласыз. Дәл қазіргі сәт сіз үшн бизнес бастауға қолайлы болмақ.
Арыстан
Барлық ісіңіз ретімен орындалып, жоспарларыңыз жылдам жүзеге асатын болады. Егер басыңыз бос болса, бүгін екінші жартыңызды жолықтырасыз.
Бикеш
Бүгін сауда-саттық жасайтын күн. Ірі тұрмыстық бұйым аласыз немесе банктен шот ашып, қаржы жинақтай бастайсыз.
Таразы
Бүгін махаббатта да, жұмыста да жолыңыз болады. Егер басыңыз бос болса, қызықты романтикалық кездесулер күтіп тұр.
Сарышаян
Өзіңізге қажетті дүниеге қол жеткізу үшін барынша тырысып бағасыз. Өз арманыңызды орындауға деген құлшынысыңыз жұртты таңқалдырады.
Мерген
Бүгін ескі мәселелерге қайта ораласыз. Оларды шешу жолдарын қарастырып, өз дегеніңізге жетесіз. Өз ісіңізге риза боласыз.
Тауешкі
Бүгін сіз үшін алынбас қамал жоқ. Барлық шаруаны атқаруға, кез келген мақсатқа жетуге мүмкіндігіңіз бар. Барлық жоспарыңыз жүзеге асады.
Суқұйғыш
Айналыңыздағы адамдармен байланыс орнатуда, қарым-қатынас жасауда белсенділік танытыңыз. Осы орайда біраз жетістікке жетесіз.
Балықтар
Өз сезіміңізді басқара аласыз. «Жүрекке әмір жүрмейді» дегенмен, барлығын ақылға саласыз. Ескі достармен кездесесіз.

Жұлдыздар не дейді?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> ҚР Цифрлық даму, инновациялар және аэроғарыш өнеркәсібі министрі Асқар Жұмағалиев «Байқоңыр» ғарыш айлағы аумағында кабель ұрланғандығын растады, деп хабарлайды <a href="http://lenta.inform.kz/kz/ministr-baykonyrda-kabel-din-urlanganyn-rastady_a3595704">ҚазАқпарат</a>.
Айта кетейік, Мәжілістің жалпы отырысында депутат Снежанна Имашева «Байқоңыр» ғарыш айлағы аумағында ұзындығы 2,5 шақырым кабель ұрланғандығы туралы ақпарат тарағанын айтты. Осы орайда ол ғарыш айлағы нысандарын қорғау бойынша жұмыстардың атқарылу барысы туралы сұрады.
<blockquote>
 «Шын мәнінде мұндай факті болды. Қылмыстық іс ашылып, құқық қорғау органдары бұл мәселені қарастыруда. Оның қорытындысы бойынша тиісті шешім шығарылады. Бүгінде аталған нысан бойынша жұмыс істейтін күзет компаниясы келтірілген шығынды өтейтінін мәлімдеді», – деді А.Жұмағалиев Парламент Мәжілісінің жалпы отырысында депутат сауалына жауап бере отырып.
 «Барша периметрді қамтитындай камераларды орнату бойынша жұмыс жүргізілуде. Сонымен қатар барша қоршауды қалпына келтіру шаралары атқарылуда», – деді министр.
</blockquote>
Өз кезегінде Қаржы министрінің бірінші орынбасары Берік Шолпанқұлов «Байқоңырда» мүліктің сақталуына ресейлік тарап жауапты екенін, ал қазақстандық «Байқоңыр баланс» ұйымы пайдалану талаптарына бақылап, есеп-қисап және мониторинг шараларын жүргізетенін атап өтті.

«Байқоңыр» ғарыш айлағында кабель ұрланған

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Қанат Бозымбаев Тәуелсіздік күніне орай мемлекеттік наградаларды табыстау рәсіміне мойнына медициналық бекіткіш тағып келген болатын, деп жазады <a href="https://sputniknews.kz/politics/20191218/12320576/Bozymbaev-qyzmet-ministr.html">Sputnik</a>.
&nbsp;Энергетика министрлігінің баспасөз хатшысы Нұрлыбек Жеңісбек Қанат Бозымбаевтың не үшін қызметінен кеткенін айтты.&nbsp;
<blockquote>
 “Министр президент Қасым-Жомарт Тоқаевқа өзінің денсаулығы мен жуырда жасалған операция туралы айтты. Дәрігерлер көлікпен аз жүруге кеңес берген. Ұшақпен ұшуды азайтып, қалпына келу курсынан өту керектігін ескертті”, – деп жазды Нұрлыбек Жеңісбек&nbsp;Telegram-да.
</blockquote>
Министрдің өңірлерге жиі барып, салалық нысандар, стансалар мен кен орындарын аралайтыны белгілі. Сондай-ақ, бұл қызмет шетелдік инвесторлармен келіссөздер жүргізуді талап етеді.
Энергетика министрі қызметіне байланысты Бозымбаевқа ескерту жасалмаған.
Ол президент жарлығымен Қазақстан Республикасы президентінің көмекшісі қызметіне тағайындалды.

Қанат Бозымбаев денсаулығына байланысты қызметінен кетті

<a href="https://kyzylorda-news.kz/">Kyzylorda-news.kz.</a> «Байқоңыр» ғарыш айлағында «Бәйтерек» зымыран кешені іске қосылады, деп хабарлайды&nbsp;<a href="https://24.kz/kz/zha-aly-tar/o-am/item/361906-deputattar-b-jterek-zymyran-keshenin-rudy-ma-ldady">«Хабар 24»</a>.
Бұл – Қазақстан мен Ресейдің ортақ жобасы. Кешенді құру мәселесі бүгін Мәжілістің жалпы отырысында қаралды. Бастаманы депутаттар мақұлдады. Атап өтейік, «Бәйтерек» кешені «Зенит-М» ғарыш зымыран базасында құрылады. Ол «Союз-5» зымырандарын ұшыруға арналған. Аталған кешеннен көкке жіберілетін зымыран тасығыштар «Протон» сынды гиптилді қолданбайды. Сұйық оттегі мен керосинге негізделеді. «Сондықтан қоршаған ортаға да зияны болмайды», – дейді министр.
<blockquote>
 «Бұл – әлеуметтік жағынан өте маңызды жоба. Өйткені «Байқоңыр» айлағында алғаш рет жасалған жоба. Бұл Байқоңырда біздің бірінші объектіміз болады. Біздің мамандар осында жұмыс істейді. Екіншіден, жобада 500-ден аса Қазақстанымыздың мамандары жұмыс істейтін болады», – дейді ҚР цифрлық даму, инновациялар және аэроғарыш өнеркәсібі министрі Асқар Жұмағалиев.
</blockquote>
Сондай-ақ Мәжілістің жалпы отырысында еңбек қатынастары туралы жаңа заң жобасы талқыланды. Құжатта әскерге шақырылған азаматтың жұмыс орнын сақтап қалу қарастырылған. Екінші жаңалығы – үйінде денсаулығына байланысты күтім қажет болған жақындары бар тұлғалардың толық емес жұмыс кестесіне көшуіне мүмкіндік беру де көзделіп отыр. Заң жобасында жалақысын ала алмай жүрген жұмысшылардың да құқығын қорғау бойынша тармақтар бар.
<blockquote>
 «Заң жобасында біз жұмыскердің жауапкершілігін арттырып жатырмыз. Сондықтан ол бүкіл баптарда қарастырылған. Бірақ біз оны үлкейтіп жатырмыз. Ол пения жұмысшының жалақысын уақытылы төлемеген кезде 0.25 пайызға көбейіп жатыр. Инфляцияға байланысты қаралады», – дейді ҚР Парламенті Мәжілісінің депутаты Жанат Омарбекова.
</blockquote>

Депутаттар «Бәйтерек» зымыран кешенін құруды мақұлдады

<a href="https://kyzylorda-news.kz/">Kyzylorda-news.kz.</a> Таяуда Қазақстан мен Ресейдің бірлескен комиссиясы “Бәйтерек” ғарыш зымыран кешеніне Нұрсұлтан Назарбаевтың атын беру мәселесін қарастырады. Бұл туралы бүгін цифрлық даму, инновациялар және аэроғарыш өнеркәсібі министрі Асқар Жұмағалиев мәлімдеді, деп хабарлайды&nbsp;<a href="https://sputniknews.kz/space/20191218/12318721/Nazarbaev-esim-bayterek.html">Sputnik Қазақстан</a>.
Бұған дейін Ресей президенті Владимир Путин Байқоңырда құрылатын “Бәйтерек” ғарыш зымыран кешеніне Назарбаевтың есімін беруді ұсынған болатын. Ұсыныс Елбасының осы жылдың қыркүйегінде Мәскеуге жасаған сапарында айтылды.
<blockquote>
 “Мұндай шешімдер Ресеймен бірлескен ғарыш саласымен айналысатын тиісті комиссияның отырысында қабылданады. Бұл мәселе жуырда комиссияның отырысында қаралатын болады”, – деді Жұмағалиев мәжіліс кулуарында.
</blockquote>
Бүгін мәжіліс “2004 жылғы 22 желтоқсандағы Қазақстан үкіметі мен Ресей үкіметі арасындағы “Байқоңыр” ғарыш айлағында “Бәйтерек” ғарыш зымыран кешенін құру туралы келісімге өзгерістер мен толықтырулар енгізу туралы хаттаманы ратификациялау туралы” заң жобасын мақұлдады. Хаттамаға Мәскеуде 2018 жылдың 22 тамызында қол қойылған.
“Бәйтерек” кешені “Зенит-М” ғарыш зымыран кешенінің базасында құрылады. Ғарыш зымыран кешені “Союз-5” зымырандарын ұшыруға арналған.
2018 жылы “Байқоңыр” айлағының 42, 43 және 45 алаңдарында орналасқан “Зенит-М” кешенінің 243 объектісі Қазақстан тарапына берілді. Қазақстандық тарап “Зенит-М” кешенінің жерүсті инфрақұрылым объектілерін жаңғыртады. Бұл жұмыстарға 233 миллион доллар жұмсалады деп болжанып отыр. Жерүсті кешенін жаңғырту және құрылыс жұмыстары кезінде қазақстандық компанияларды барынша тарту жоспарланған. Оның арқасында қосымша жұмыс орындары ашылады.
Ал Ресей тарапы “Союз 5” зымыран тасымалдағыштарының өндірісіне жауапты. Бұған ресейлік тараптан 916 миллион доллар бөлінбек.

«Бәйтерекке» Елбасының есімі қашан беріледі?

<img src="https://kyzylorda-news.kz/wp-content/uploads/2019/12/18bilersoty2.jpg" alt="" />
<a href="https://kyzylorda-news.kz/">Kyzylorda-news.kz.</a> Елдігіміздің беріктігін нығайту мақсатында биліктің бір тармағы ретінде бүгінгі соттар кешегі өткен билердің ісін жалғастырып, ел ішінде туындаған дауларды шешуде, оны мән-мағынасы бо­йынша ғана қарап қоймай, екі тараптың бітімге қол жеткізу жолдарын медиация институты арқылы ел арасында кеңінен насихаттауда. Ел болған соң дау-дамайсыз болмайтыны анық. Бірақ сол жанжалды ушықтармай дер кезінде шешуге қол жеткізу жолдарын дамыту, бүгінгі күнде қай жиынның болса да басты тақырыбына айналып отыр.
Өйткені ұлтымызға жат жағдайлардың белең алуы, салт-дәстүріміздің ұмы­тылып, құндылықтарымыздың құнсыз­данып, дүние игіліктері көбірек дәріптелетін қазіргі қоғамда дау-дамайлар жылдан-жылға еселеп артуда.
«Сотқа беремін» деген суық сөз бүгінде жиі айтылатын болды. Неге екені белгісіз, соттасуға құмар болып алдық. Ашуды ақылға жеңдіре алмай, болмашыға алтын уақытын сот табалдырығын тоздырумен өткізіп жүргендер қаншама?! Әсіресе, азаматтық даулар саны өскен. Тараптар арасындағы түйткілдің сот арқылы шешілуі орынды дегенімізбен, өзара түсінісіп, бір бітімге келуге болатын ұсақ-түйек даулардың сотқа дейін жетуі мақтанып айтатын көрсеткіш емес.&nbsp;
Елбасы «Қазақстандықтардың әл-ауқатының өсуі: табыс пен тұрмыс сапа­сын арттыру» атты Жолдауында, &nbsp;жыл сайын 4 миллион азаматымыз &nbsp;сот­та қаралатын іске қатысатынын, бұған қаншама күш пен қаражат жұм­са­латынын, уақыт пен ресурстардың орынсыз шығынын талап ететін артық сот рәсімдері қысқаруға тиістігін атап өтті.
Өздеріңіз білетіндей, елімізде қоғамдағы даукестіктің деңгейін төмендетіп және дауларды келісім арқылы тиімді шешу шараларын жолға қою бағытында түрлі шаралар жүргізіліп келеді. Арнайы медиация туралы Заң қабылданды. Азаматтық процестік кодексіне татуластыру рәсімдері туралы арнайы тарау енгізілді.
«Медиация заңы» қабылданып, медиатор ұғымы пайда болса да, оны әлі күнге ұлттық болмысқа сіңіре алмай келеміз. Сол себепті «Медиация Заңы» қазақ қоғамында басқаның балапанындай еркін қанат қағып кете алмай жүр.
Жоғарғы Сот бастамашы болған «Сот төрелігінің 7 түйіні» жобасының «Татуласу: Сотқа дейін және сотта» деп аталатын бағдары бойынша өткен жылғы бірінші жартыжылдық қорытындысына арналған кеңесте жергілікті жерлерде билер кеңесін құру ұсынылды. Осыған орай, бүгінде осы Билер кеңесін құру мақсатында әр өңірде жұмыстар жүргізіліп жатыр.
Би – қазақтың ұғымында тек дәстүрлі құқықты қолданушы ғана емес, ақылгөй данышпан, көреген көсем, көңіл шырағы қиядағыны шалатын, ойы орамды, сөзі шалымды көреген де көріпкел дана. Салмақты сөздің сандығы, от ауызды, орақ тілді, ойы ұшқыр, өткір сөз зергері. Өлшеп пішіп, екшеп шешетін – әділдік таразысы. Бәрін де татуластыра алатын бітімгер. Айта берсе бидің бойына сыймайтын қасиет жоқ еді.
Ұлы билер Төле, Қазыбек, Әйтеке өмір сүрген кезең – тарихымыздың тәлімі көп, ел үшін үлгі болатын ерекше кезеңі. Олар жаугершіліктің кесірінен ыдыраған халқының есін жиған, әділетті билік шешімдерінен айнымай, келешекке көз салып, үміт отын жағу арқылы көрегендік пен ұйымдастырушылық көрсете білген. Билердің оқығаны көп болмаса да, тоқығаны мол, парасатты, азаматтық тұғырлары биік қасиеттерін, рухани мол қазынасын жария ететін аңыздар мен шежірелер бүгінгі күнге де жеткен. Қазақ билерінің өзіне тән ерекшелігі мен басқа халықтарда кездеспейтін қасиеті – дау-жанжалдарды мағыналы, шешендік сөздермен шешуі.
Арнайы том-том болып жазылған кодекстерге, толып жатқан құқықтық-нормативтік актілерге сүйенбей-ақ, өз орнымен қисынды айтылған бір сөзбен дауды тоқтатуды қалыптастырған қазақ ұлты сөз мағынасына, оның шексіз мүмкіндігіне ертеден-ақ назар аударған. «Қап салмағы дәнінде, сөз салмағы мәнінде» деп білетін билер әділдікті шешендікпен ұштастырып, елдің қамын жеген.
Билеріміз сөз құдіретін тиімді пайдаланып, шешімдер шығарғанда мүдделі тұлғалардың ғана емес, оған қатысушы жұртқа да тәрбиелік мәні зор, көпшіліктің көкейінен шығатын аталы сөздерді айтып, олардың сана-сезімі мен мінез-құлқына сіңіруін, іс-әрекетінде қолдану жолдарын қарастырған.
Жазба әдебиеті болмаса да, халқымызға тән ұлы қасиеттердің бірі, ауыз әдебиетінің озық үлгілері ретінде, билер шешімі өзінің терең мазмұнымен талай жұртты таң қалдырып, араға талай ғасыр салып, бүгінгі күнге дейін жетіп отыр.
Ел аузындағы «Төле би былай депті», «Қаз дауысты Қазыбек би айтыпты», «Әйтеке би айтқан екен» деген сөздер осыдан қалған.
Сондықтан да, қазіргі кезде қолға алынып жатқан Билер кеңесін құру бағытындағы бұл бастамадан біздің аймақ қалыс қалмайды деп сенемін.
Біздің облыстың әр ауданында, әр ауылында әр аймақтың құрмет тұтып, ақылына жүгінетін, сөзіне сеніп, ісіне риза болатын ардақтылары бар.
Міне, соларға «Би» мәртебесі берілсе, олар сөздің күшімен-ақ қандай-да болмасын дауды, мәселен, ажырасамыз деген жастарға ұлттық дәстүрімізді, әдет-ғұрыптарымызды, ата-бабаларымыздан қалған өсиет сөздерді жастардың санасына сіңіріп, бұзылған отаудың келешегі, ондағы баланың болашағы туралы ой салып, шаңырақты сақтап қалуларына жол сілтеп отырса, ешқандай дау арыға бармайды деп санаймын.
Өткеннің елдігімізге пайдалы жақтарын игілікке айналдырып, «Би», «Билер кеңесі» мәртебесін қайта қалпына келтіруге жасалып жатқан қазіргі нақты қадамдар – ұлттық жаңғырудың көрінісі.
Ендеше мен билер сотын жаңғырту &nbsp;елдің рухани жаңғыруының бастамасы деп білемін. Билер кеңесінің атқарар ісі ауқымды, оның халыққа тигізер пайдасы да аз болмайды деп сенемін.
Зейнулла НҰРСЕЙТОВ,
Қызылорда облысының Билер кеңесінің төрағасы.

Билер сотын жаңғырту – елдің рухани жаңғыруының бастамасы

<a href="https://kyzylorda-news.kz/">Kyzylorda-news.kz.</a> Қазақстандықтарға науқас туысына күтім жасау үшін толық емес жұмыс күніне көшуге рұқсат етілуі мүмкін. Бүгін мәжіліс кейбір заңнамалық актілерге еңбек мәселелері бойынша өзгерістер мен толықтырулар енгізу туралы заң жобасын бірінші оқылымда мақұлдады, деп хабарлайды&nbsp;<a href="https://sputniknews.kz/society/20191218/12321017/zhumys-mazhilis-zan.html">Sputnik Қазақстан</a>.
Еңбек және халықты әлеуметтік қорғау министрі Біржан Нұрымбетов заң жобасындағы негізгі өзгерістерге тоқталды. Соның бірі – науқас жақынын күтіп-бағып отырған азаматқа толық емес жұмыс күнін ұсыну.
<blockquote>
 “Жалақысы сақталмайтын демалыс бүгінгі таңда тараптардың өз келісімі бойынша беріледі. Алайда отбасының науқас мүшесін күту үшін ұзақ демалыс қажет болған кезде, жұмыскерлер жалақысы сақталмайтын демалыс ала алмай, соның салдарынан жұмыстан шығуға мәжбүр болып жатады. Осыған байланысты, медициналық қорытындыға сәйкес жанұя мүшесіне күтім жасау үшін қызметкерлерге толық емес жұмыс уақыт режимін енгізу ұсынылады”, – деді министр мәжіліс отырысында.
</blockquote>
Нұрымбетовтың айтуынша, отбасы мүшелері ретінде күйеуі немесе әйелі, балалары, ата-анасы қаралып отыр. Яғни, тек ең жақындары.
<blockquote>
 “Еңбекақы еңбек кодексіне сәйкес, жұмыс істеген уақыты үшін төленеді”, – деп нақтылады ол.
</blockquote>
Депутаттар қандай дертке шалдыққан науқастарға күтім жасау үшін толық емес жұмыс уақыты берілетінін сұрады. Денсаулық сақтау вице-министрі Олжас Әбішевтің айтуынша, медициналық аурулар тізімі жасалмаған.
<blockquote>
 “Әр медициналық ұйымда дәрігерлік-консультациялық комиссия бар. Сол комиссия тиісті ұсыным береді. Біз мұны қолдаймыз”, – деді вице-министр.
</blockquote>
Мәжіліс заң жобасын бірінші оқылымда мақұлдады.
Еңбек кодексінің 70-бабына сәйкес, бүгінде толық емес жұмыс уақыты жүкті әйелге, үш жасқа дейінгі баласы бар ата-ананың біреуіне (бала асырап алушыға) беріледі.

Қазақстандықтарға толық емес жұмыс күніне көшуге рұқсат етілуі мүмкін

<a href="https://kyzylorda-news.kz/">Kyzylorda-news.kz.</a>&nbsp; <a href="https://kyzylorda-news.kz/"></a>Бүгін облыс көлемінде&nbsp; «Пиротехника» жедел-профилактикалық іс-шарасы басталды. &nbsp;Бұл туралы полиция департаментінің баспасөз қызметі хабарлады.
<blockquote>
 Полиция департаментімен Қызылорда облысына кіретін жолдар мен шеп бекеттерінде пиротехникалық бұйымдарды автокөліктермен тасымалдау тәртібін және сертификатталмаған өнімді жеткізушілерді анықтау мақсатында облыс көлеміндегі базарлар мен сауда орындарында рейдтік іс-шаралар ұйымдастырылуда.&nbsp;
</blockquote>
Сондай-ақ, Қызылорда қалалық ЖІІб-не облыс аумағындағы барлық бекеттерде темір жол қозғалысы арқылы сертификатталмаған өнімдерді тасымалдаудың жолын кесу, анықтау жөнінде нұсқаулар жолданды. Мереке қарсаңында балалар арасында жарақат алуды болдырмау мақсатында қоғамдық тәртіпті сақтау бойынша барлық білім беру мекемелерінде ювеналды полиция инпекторларымен кәмелетке толмағандар тарапынан пиротехникалық бұйымдарды пайдаланудың жолын кесуге назар аударылып, қауіпсіздік&nbsp; шаралары туралы дәрістер өткізілуде.&nbsp;
<blockquote>
 Елді мекендерде және бұл үшін бөлінбеген орындарда арнайы және қолдан жасалған пиротехникалық құрылғыларды жару орын алған&nbsp; жағдайда,&nbsp; пиротехникалық&nbsp; құралдар мен құрылғылар тәркілене отырып,&nbsp; ҚР&nbsp; ӘҚБтК-нің 436-бабының 2-бөлігіне сәйкес 20 айлық есептік көрсеткіш көлемінде айыппұл салынатын болады.
</blockquote>
Тәртіп сақшылары облыс тұрғындарына отшашу мен басқа да пиротехникалық заттарды пайдаланғанда қарапайым қауіпсіздік шараларын қатаң сақтауды ескертеді.
&nbsp; «Пиротехника» жедел-профилактикалық іс-шарасы 2020 жылдың 3 қаңтарына дейін жалғасатын болады.

Қызылордада  «Пиротехника» жедел-профилактикалық іс-шарасы басталды

<a href="https://kyzylorda-news.kz/">Kyzylorda-news.kz.</a> ҚР Мемлекеттік қызмет істері агенттігінің облыс бойынша департаментінде Тәуелсіздік күніне орай мерекелік шара өтті.
Салтанатты жиынға департамент қызметкерлері, мемлекеттік қызметшілер, «Азаматтарға арналған үкімет» мемлекеттік корпорациясының қызметкерлері мен БАҚ &nbsp;өкілдері қатысты.
Мерекелік шара департамент басшысы Нұрман Талқанбаевтың құттықтау сөзімен ашылды, егемен ел болып еңсемізді түзегелі бергі елеулі жетістіктерге тоқталды.
<blockquote>
 «Тәуелсіздік – ата-бабамыздың арманы орындалып, жасампаздығымызды жаңа белеске көтерген мереке. Тәуелсіздік жылдары кәсіби мемлекеттік аппаратты қалыптастыру мақсатындағы тиімді реформалар қолға алынып, мемлекеттік көрсетілетін қызметтердің сапасы мен қолжетімділігі артты. Кез келген елдің дамуы алдымен татулықтың, тұрақтылықтың арқасында екені дәлелденген қағида. Ендеше оны сақтай білу біздің парызымыз», – деді Нұрман Талқанбаев.
</blockquote>
Шара барысында «Үздік Әдеп жөніндегі уәкіл» конкурсының жеңімпаздары дипломдармен марапатталды. Жеңімпаз болып облыстық экология департаментінің басшысы, Әдеп жөніндегі уәкіл Марат Құрманбаев танылды. Ал, жергілікті атқарушы органдар арасынан Қазалы ауданы әкімінің орынбасары, Әдеп жөніндегі уәкіл Әлімжан Жарылқағанов атанды. Мерекелік шарада мемлекеттік қызмет саласының дамуына өз үлесін қосқаны үшін бірқатар сала мамандары да Алғыс хаттармен марапатталды.

Қызылордада «Үздік Әдеп жөніндегі уәкіл» анықталды

<a href="https://kyzylorda-news.kz/">Kyzylorda-news.kz.</a> Мәдина Әбілқасымова Қазақстан Республикасының Қаржы нарығын реттеу және дамыту агенттігінің төрағасы болып тағайындалды, деп хабарлайды Ақорданың баспасөз қызметі.
Мәдина Ерасылқызы 1978 жылы 1 тамызда туған.
1999 жылы Қазақ Мемлекеттік Басқару Академиясын «халықаралық экономикалық қатынастар» мамандығы бойынша бітірген. 2002 жылы Колумбия университетін халықаралық қатынастар магистрі дәрежесімен «экономикалық саясатты басқару» мамандығы бойынша бітірген. 2011 жылы Гарвард университетінің Кеннеди атындағы Мемлекеттік басқару мектебін «мемлекеттік басқару магистрі» мамандығы бойынша бітірген.
Еңбек жолын 1999 жылдан 2001 жылға дейін – Қазақстан Республикасының стратегиялық жоспарлау агенттігінің бас маманы болып бастаған.
2003 жылдан 2004 жылға дейін – Қазақстан Республикасының Экономика және бюджеттік жоспарлау министрлігінің стратегиялық жоспарлау басқармасының бастығы.
2004 жылдан 2006 жылға дейін – «Маркетингтік-талдамалық зерттеулер орталығы» АҚ мемлекеттік саясатты талдау департаментінің директоры.
2006 жылғы ақпаннан 2008 жылғы наурызға дейін – Қазақстан Республикасының Премьер-Министрі Кеңсесінің Әлеуметтік-экономикалық бөлім меңгерушісінің орынбасары.
2008 жылғы наурыздан 2011 жылғы қыркүйекке дейін – Қазақстан Республикасының Президент Әкімшілігінің Стратегиялық әзірлемелер және талдау орталығы меңгерушісінің орынбасары.
2011 жылғы қыркүйектен 2013 жылғы ақпанға дейін – Қазақстан Республикасының Экономикалық даму және сауда вице-министрі.
2012 жылдан бастап Дүниежүзілік банктің Қазақстандағы басқарушысының орынбасары 2013 жылғы ақпаннан 2014 жылғы тамызға дейін – Қазақстан Республикасының Экономика және бюджеттік жоспарлау вице-министрі.
2018 жылдың ақпан айынан бастап 2019 жылдың ақпанына дейін Еңбек және халықты әлеуметтік қорғау министрі қызметін атқарған.
Биылғы 12 наурызда ҚР Үкіметінің Қаулысымен Мәдина Ерасылқызы Әбілқасымова ҚР ұлттық экономика бірінші вице-министрі болып тағайындалған болатын.
Ал 28 наурыздан бері Мәдина Әбілқасымова Ұлттық банк төрағасының орынбасары қызметін атқарып келді.

Мәдина Әбілқасымова &#8211; Қаржы нарығын реттеу және дамыту агенттігінің төрағасы

<a href="https://kyzylorda-news.kz/">Kyzylorda-news.kz.</a> Қызылорда облыстық Қазақстан халқы ассамблеясы жанындағы «Жаңғыру жолы» жастар қозғалысы ұйымдастыруымен «Жаңа толқын жобалары» жастар саясатын дамытуға бағытталған әлеуметтік жобалар байқауы болып өтті.&nbsp;
Оған жоғары және орта арнаулы оқу орындарының белсенді студент жастары қатысты.&nbsp;
Байқаудың мақсаты облыстағы жастар саясатын дамытуға бағытталған жаңа идеялар мен жобаларды қолдау, жастарды ізденуге және бос уақыттарын өткізудің тиімді, әрі белсенді формаларын тарту мен ынталандыру, өңірде іске асырылатын үздік бастамашыл әлеуметтік жобаларды анықтау, өзекті әлеуметтік мәселелерді шешуде мемлекеттің, азаматтық қоғамның және азаматтардың өздерінің күшін біріктіру болып табылады.
Байқауға 15 қатысушы жобаларын ұсынды. Жобалар бойынша презентациялары тыңдалды. «Қоғамдық келісім» КММ бөлім басшысы Айбек Дайрабай, Жастар ресурстық орталығы КММ бөлім басшысы Алмат Смайылов, қалалық ішкі саясат бөлімі, жастар ресурстық орталығының маманы Медет Жорабек әділ қазылық етіп, жоба жеңімпаздарын анықтады.
Байқауда жастарға қажет әлеуметтік жобаларға ерекше басымдық берілді. Байқаудың нәтижесі бойынша «Болашақ» университетінің студенті “IT еріктілік. Цифрлы Қазақстан барлығы үшін!” жобасымен Нұрдәулет Дайырбек бірінші орын, №8 П.Д. Осипенко атындағы орта мектеп оқушысы “Онлайн тілдер мектебі” жобасымен Аружан Әбдіржан екінші орын, Жалағаш ауданы, жобаның ең жас қатысушысы Ш.Ермағамбетов атындағы №264 орта мектеп оқушысы Мнаж Эльдар “Сыр балығын қолдан ұрықтандыру” жобасымен үшінші орын алып, бағалы сыйлықтармен марапатқа ие болды.
<img src="https://kyzylorda-news.kz/wp-content/uploads/2019/12/18novvolna2.jpg" alt="" />

«Жаңа толқын жобасының» жеңімпаздары белгілі болды

<a href="https://kyzylorda-news.kz/">Kyzylorda-news.kz.</a> Биыл Қызылорда облысында еріктілер қозғалысын дамыту үшін 2 миллион теңге бөлініп, отыздан астам іс-шара өткен.
Келер жылы бұл мақсатқа бөлінетін қаржы 3 есе артады. Мемлекеттік тапсырыс негізіндегі әлеуметтік жобалар аясында студенттік еріктілер қозғалысы құрылмақ. Олар мүмкіндігі шектеулі жандарға, қарттарға, панасыз адамдарға түрлі көмек көрсетеді. Бұдан бөлек аймақтан жас волонтерлер мектебі мен лагерін құру көзделген. Бұл жобалар республикалық жол картасы аясында жүзеге асады.
<blockquote>
 &nbsp;«Экосақшы» жас волонтерлар жұмысын бастап кеттік. Келер жылы одан әрі жалғасын табатын болады. Енді бұған дейінгі әлеуметтік жоба аясында 300-ге жуық жас еріктілердің базасы жасақталып қойды. Жеті бағыт бойынша «Білім», «Асыл мұра», «Таза Қазақстан» бағыттары бойынша Қызылорда өңірінен жас волонтерлардың жұмысын ұйымдастыратын боламыз», – дейді облыстық жастар саясаты мәселелері басқармасының басшысы Қуаныш Жанұзақов.
</blockquote>

Қазақстан және Қызылорда облысының жаңалықтары: Қоғам

Жұлдыздар не дейді?

«Байқоңыр» ғарыш айлағында кабель ұрланған

Қанат Бозымбаев денсаулығына байланысты қызметінен кетті

Депутаттар «Бәйтерек» зымыран кешенін құруды мақұлдады

«Бәйтерекке» Елбасының есімі қашан беріледі?

Билер сотын жаңғырту – елдің рухани жаңғыруының бастамасы

Қазақстандықтарға толық емес жұмыс күніне көшуге рұқсат етілуі мүмкін

Қызылордада «Пиротехника» жедел-профилактикалық іс-шарасы басталды

Қызылордада «Үздік Әдеп жөніндегі уәкіл» анықталды

Мәдина Әбілқасымова – Қаржы нарығын реттеу және дамыту агенттігінің төрағасы

«Жаңа толқын жобасының» жеңімпаздары белгілі болды

Қызылордада студенттік еріктілер қозғалысы құрылады

Қазақстан және Қызылорда облысының жаңалықтары: Қоғам

Жұлдыздар не дейді?

«Байқоңыр» ғарыш айлағында кабель ұрланған

Қанат Бозымбаев денсаулығына байланысты қызметінен кетті

Депутаттар «Бәйтерек» зымыран кешенін құруды мақұлдады

«Бәйтерекке» Елбасының есімі қашан беріледі?

Билер сотын жаңғырту – елдің рухани жаңғыруының бастамасы

Қазақстандықтарға толық емес жұмыс күніне көшуге рұқсат етілуі мүмкін

Қызылордада «Пиротехника» жедел-профилактикалық іс-шарасы басталды

Қызылордада «Үздік Әдеп жөніндегі уәкіл» анықталды

Мәдина Әбілқасымова &#8211; Қаржы нарығын реттеу және дамыту агенттігінің төрағасы

«Жаңа толқын жобасының» жеңімпаздары белгілі болды

Қызылордада студенттік еріктілер қозғалысы құрылады

Мәдина Әбілқасымова – Қаржы нарығын реттеу және дамыту агенттігінің төрағасы