Kyzylorda-news.kz. Бүгін Жалағаш кентіндегі З.Жарқынбаев атындағы №202 орта мектеп базасында орналасқан №869 Ұлттық бірыңғай тестілеу орталығында 232 мектеп бітіруші тест тапсыруда.
Биыл Жалағаш ауданы бойынша мектеп бітіруші түлектер саны – 271.
Ауданда тестілеу 26-27 маусым күндеріне өткізу белгіленген. Бүгін 104 түлек өз бақтарын сынап, тестке қатысуда.
Ұлттық бірыңғай тестілеу өткізілетін пункте медициналық-санитарлық нормаларға сәйкес барлық тестіленушілер арақашықтықты сақтап, дезинфекциялаудың 5 кезеңінен өтті.
Барша қатысушыларға сәттілік тілейміз!
